【微甜】點解有五條女同我一齊?: 38-老師失戀了-
我到左門口，miss就開門，我一睇，佢著情感睡衣，咩叫情感睡衣呢？
我都唔識講，tbb成日話好撚性感果啲，有啲女藝人都著果啲呢，就係果啲啦，我唔識講啦，佢又好誘人，所以叫佢做情感睡衣。
但係點解miss要咁著呀？失戀short上腦呀？
miss就話：「你到左啦，入黎啦。」
「唔洗啦，我拎完就走啦。」我好客氣咁講。
「一場黎到，點解咁快走呀？有野做呀？」miss就一就眉就話。
我答：「咁又唔係....」
「無就坐陣啦。」我野都未講完就比miss拉緊咁講。
咩事呀？點解miss唔同左啲性格既？
之後我就坐左係個梳發度，miss入左去廚房侵左杯水比我，就坐左係我隔離就話：「今日我靚唔靚呀？」
做咩事呀miss？呢啲野唔係男女朋友先會咁做架咩？
我答：「靚呀，miss不嬲都咁靚架啦，不過點解要咁著？」
「想著比你睇囉。」miss開心咁講。
我當堂啞左，做咩著比我睇？我見唔對路，都係走先。
「突然諗起我有野做，我都係走先啦。」我睇住miss，笑住咁講。
「係咪陪多我一陣都唔得？成日都話要走，唔通你唔想見到我？」
係呢一刻我知道miss一定有啲野，我相信我唔走就大撚獲。
我唔係唔想見到你，只係唔想係呢度見到你姐，其實上堂見都一樣姐，係咪？
我強顏歡笑咁講：「咁又唔係既，只係真係有野做姐。」
「咁你講喇，有咩做呀？」
「um.....有，陪女朋友，佢約左我呀，我都係走先，唔好意思呀，陪唔到miss你。」
miss就鷹眼咁款就話︰「岩岩又話無野做，好明顯係呃我啦。」miss開始靠近我。
「咁佢岩岩搵我呀嘛。」我退後左一步。
「岩岩都無電話響，你係度呃我，點解個個男人都要呃我？點解呀？」miss又開始喊。
做咩姐，次次都喊比我睇，你係miss呢架，成日係學生面前喊。
但係佢比人飛又幾慘既，算啦，等我安慰下佢啦，唔走住。
「唔好喊啦，好冇？係佢唔珍惜你姐，你咁靚，實大把人要啦，係咪？」我講。
「我真係好愛佢架，我咩都比哂佢，點解佢會咁對我，但係佢唔要我。"」miss抹住眼淚咁講。
「可能明天會更好呢，將來可能有個更加愛你既人出現。」
「你咁老土架，明天會更好，咁樣溝唔到女架。」
「邊個話架，你受就得啦。」miss同我都笑左一笑。
miss未喊，終於順過條氣，好正經咁講:「其實今晚係約左個衰人，打算可以cool煲，所以就著到咁.......」
我岩岩都無太留意，miss突然一講，我都覺得太布露啦，所以我隻眼都唔知望邊好。
「結果到最後都飛左你？」我問。
miss點一點頭。
「原本我都以為好成功，但係結果原來係佢有小三，所以唔要我，唔通我仲唔要面求佢同我一齊咩？」
「咁你依家打算點做呀？」我繼續追問。
「可以點做，咪好似平時咁囉。」
「都係既，最緊要你無事就得。」
「你咁緊張我，唔通？」
「唔好誤會呀，係因為你唔教書，我畢唔到業咋。」
miss將個身靠我就話:「真係？」
之後個乳溝就深左，唔係，係個睡衣拉低左。
我唔小心望左一望，miss望一望自己心口，就揞住個心口，面紅紅咁話:「咁咸濕架你。」
我就大驚失色咁話:「只係望左一眼，無其他。」
「咁咪比你睇蝕哂？你要娶我架。」
我諗都無諗就「下？」左一聲。
一眼渣喎，咁就要做人世，唔係掛？
miss就話︰「講笑咋。」
佢行左入佢間房，等左10分鐘左右，就拎左袋野出黎。
「嗱，比返你啦。」miss放低左袋野係枱面。
我望一望，原來係我果3隻公仔。
「唔該哂啦。」我行過去拎左袋野。
諗諗下，我都係走先，唔知miss會唔會又玩鳩我，之後我就著鞋行出門口。
「拜拜啦，miss，後日見啦。」
「好啦，後日見啦，拜拜。」miss笑住咁講。
我就走去搭lift，等lift果段時間，突然miss既聲傳出走廊...
「啊龍呀，我唔開心既話，你會唔會上黎陪我架？」
我諗左一諗，我都唔想miss唔開心，唯有安慰下佢啦，
但係可唔可以唔好係屋企，其他地方都得姐，
不過係人喊都唔想比人睇，唔係屋企喊，可以係邊喊喎，最多我有咩事都走先，應該就無咩問題。
「好呀，你比你電話我呀。」我講。
miss就出左黎，比左個電話我，就輝手返左入屋。
我都返左屋企，好撚累呀，whatspp同左三位公主傾下計，之後沖個涼，就咁訓著左。