【微甜】點解有五條女同我一齊?: 37-再次同眠-
一行到間吉野家，好多人，搵左一陣搵到個四人位，每邊兩個果啲呢。
出事啦，佢地兩個都話想同我坐，屌，做咩姐，唔同我坐會死嫁？
算啦，我諗左一諗，就同佢地講:「其實呢，我想望住你兩個食，不如你地坐對面啦，好冇呀？」
點知佢地咁答我。
「其實呢，我想同你坐住食呀，不如同我坐啦，好冇呀？」
我屌出黎，搞左一陣，搵到個六人位，on99咁三個坐埋一邊，救命呀？做咩搞到咁嫁？
我坐埋去，佢地兩個相望係度笑，我心諗，其實你地坐邊都無所謂，只係想玩鳩我先咁做渣？
唉！算啦，我好肚餓，我嗌野食算。
我問佢地食咩，佢地都係要牛肉飯，其實吉野家最難食係牛肉飯，但係佢就係牛肉飯專門店，係唔係專門整得難食呀？
我就叫左蟹籽飯，佢地就食牛肉飯。
好啦，開餐啦，啊情就用匙一野不走哂我啲蟹籽一啖食哂，個樣仲要好幸福咁。
「喂，小姐，你食哂我啲蟹籽我食咩呀？」我問啊情。
「啊柔，唔係講好左你食埋佢啲三文魚嫁咩？」啊情望住啊柔講。
我發現我完全被無視。
「唔啦，啊龍好似好慘咁。」之後啊柔比左啲牛肉我。
好在仲有啊柔錫我，我望住啊情講:「原來係你係度搞鬼，姐係硬係要同我坐呢樣野都係你諗嫁啦？」
「啊柔都有份嫁，仲有呀，魚與熊掌兩者兼得，係要付出代價嫁。」啊情講。
我屌你個啊情呀，搵日一定要調教下你爆你菊花先得。
「哦！」我講。
之後拎左佢啲牛肉大啖大啖咁食。
「衰人，食我啲牛肉!!」啊情講。
之後啊情打我，都幾大力下，我就停左口。
咀左落佢個嘴度。
啊情停左手，合埋左眼。
「咁補返數，唔好嬲啦。」完事後，我講。
點解我會咁做呢？其實好簡單，因為啊情其實一直呷緊醋姐。
如果咀佢一啖，佢就唔會嘈，紅紅黑，紅紅黑，就係咁簡單。
「好啦，快啲食飯啦。」我講。
啊柔望住我都係度笑，唔係呷醋。
因為啊柔都知道啊情係啲咁既人，反而啊柔係果種善解人意既人，佢明白我中意佢就ok啦。
之後我地都正正經經咁食完飯，之後就街左一陣街就返左屋企。
今晚啊柔同啊情都因為知我返完大陸，好掛住我，所以同我齊訓，我又可以攬住訓啦，好開心。
我地返到去就沖涼，我無用電腦，比左啊柔用，啊情就坐左係梳發到玩緊電話。
而我就訓左係啊情個大脾到睇電視，睇下tbb 啲師奶劇。
訓係啊情個大脾度好舒服，所以都唔捨得起身。
啊情拎住部電話，望一望我講:「抽夠水，起身啦咸濕仔。」
「咁舒服，唔起得唔得呀？」我講。
啊情就放低電話，拉起我
「腳痺呀，大佬，你訓左成個鐘啦，比我抖下都得嫁。」
我望一望個鐘，原來都有成個鐘。
「sor囉，太舒服啦。」我講。
「如果訓係呢度唔知會唔會仲舒服呢？」我再望一望啊情個d cup胸。
啊情就用手檔住自己個胸。
「得陣比你試下囉，好冇？」啊柔笑住講。
我另轉頭望一望啊柔。
「唔洗啦，講下笑姐。」我笑一笑。
「唔洗益佢嫁啦，教育電視都有教啦，要好好保護自己呀。」啊情講。
我就淫笑就話:「等我依家保護下你呀。」我就慢慢咁移近啊情度。
啊情就一踢開我，就話:「我依家好安全，唔洗你保護。」
好呀，咁我自己睇電視。
睇左唔知幾耐，我開始眼訓，我同啊柔啊情講我想訓教，佢地都眼訓，所以一齊訓。
到左尾兩日假，啊雯終於返黎，係whatsapp度話.....
啊雯:啊龍，我返黎啦，掛唔掛住我呀？
我:好掛住你呀。
啊雯:係大陸無電腦玩好悶呀。
我:咁等陣陪你打機囉，好冇呀？
啊情:一返到黎就陪人打機，咁我呢？
我:我都有同你出街呀。
啊柔:就算無啊雯都打機嫁啦，啊龍既性格就係中意打機，打到有女朋友都唔知。
我:唔係咁既，係因為啊雯話好悶，所以陪佢打姐。
啊雯:咁我唔打啦，你都唔好打喎。
我:咁又唔得，你唔係話悶咩？
啊情:啦啦啦，都話打機係啊龍既天性，啊柔講既無錯。
我:.........
啊雯啊情啊柔都比左個笑哈哈我，原來我一直都比人玩緊。
不過都好既，佢地三個都感情好啲，有啲默契，身為男朋友既我，都係想咁姐，唔玩邊有得笑呀。
之後我都係同啊雯去左打機。
快快樂樂就過左新年假，我又回想起miss係林放假對我做過既野，我都有少少回甘。
雖然我覺得有少少過份，但係我都係男人，有啲咁既事發生，想真係做都好正常姐。
返到學，我見miss對我無咩野，好似平時咁，不過就多左對我笑，咁我就唯有做好我既學生比佢望。
唔知miss仲有冇唔開心呢？定係放左低呢？無人知，只要睇到miss無在唔開心就夠啦。
我諗諗下都唔記得留左公仔係佢度添，我落堂要問一問佢先得。
落左堂之後，我走去問miss。
「唔好意思呀，我今朝出左門口先知唔記得帶，不如你黎我到拎返呀，好嗎？」miss講。
「咁呀，唔係幾好既，聽日你拎返咪得囉。」我諗一諗就講。
「唔緊要啦，聽日可能都唔記得呢，你今晚過黎，咁咪唔會唔記得囉，又唔係無上過黎。」miss講。
「咁好啦，我今晚過黎拎啦。」我講。
我就返左屋，食左個飯就去左miss屋企。