【微甜】點解有五條女同我一齊?: 36-三人約會-
我望一望個鐘都2點幾，係時候要返屋企，行到半路先發現又唔撚記得左個啲公仔。
仆你個街呀！咁我咁夜出黎為乜？
我又冇miss電話，夜媽媽打搞佢又好似唔係咁好。
算數，放完假先再算啦，可能佢會主動帶啲公仔返黎比返我呢。
又到左農曆新年啦，中國其中一個重點節日。
好多小朋友都好中意既節日，因為係呃大人錢既時間，可以明目張膽咁問大人攞錢。
我細細個果陣都好開心，但係依家就無咁開心，唔係因為覺得錢少，而係因為無咩特別好慶新年，咪又係咁過。
初一初二初三初四，呢四日我同老母都返左大陸，而且老母返大陸好撚趕，全部唔比時間我買大陸卡。
屌，又無得上網，咁要部電話托咩？
再加上我返得大陸都係去農村地區，high到爆。
因為無報紙檔，無電話舖，所以果幾日，我全部同啊柔啊情啊雯失去左聯絡。
好撚悶呀！有咩做呀？我坐左係我婆婆屋企門口靠左邊。
點解會係婆婆屋企呢，因為嫲嫲果邊無咩親戚，所以就返老母娘家。
我望住部電話，係Cmcc，有兩格，頂頭有個R，就知要慢遊先上到網，所以我說收起個電話。
之後有個久違既表弟出現左，我仲好記得我最後一次見佢果時，佢仲係得8歲，而我果陣係讀緊中二。
依家見返佢，佢都大個左好多，佢依家都14歲啦，理論上應該有一個女朋友仔嫁啦。
佢依家拎住左個煙花係度周圍行，我望望佢手上既煙花。
我都唔記得大陸係比玩煙花，所以我就去左啲農村店舖度買左一枝.....我都唔知佢進化到點樣，因為我完全唔識玩。
買左之後枝野都幾大，我估係手渣射上天果種，因為有柄，我無撚聊攞左黎當棍咁用。
有小朋友經過都細細力打佢一下個patpat，諗起都覺得自己傻的嗎。
係呀，咁就可以玩成日嫁，就係咁就過左幾日大陸既日子，我返到香港。
第一時間當然係搵啊情啊柔同啊雯先啦，因為好幾日都無傾過計啦，我好想念你們呀。
痴心既我，就係過左羅胡橋就開上網，就係whatsapp龍之家度講。
我:各位，我返到石屎森林-香港啦，我終於同世界接軌啦
啊柔:歡迎返黎香港呀，好冇玩呀？
啊情:說好d手信呢？
屌，唔撚記得左要買小米電池比啊情，點解你唔陶寶陶個呢？
我:好好玩呀，個手信呢.....就不如下次買呀？
啊情:屌，次次都唔記得。
我又諗返起前女友又講過呢句野，認真，我真係幾無記性，好多時好多野都唔記得。
我:下次你提我嘛
啊情:你都無上網，點提你呀？
我:唔好講ed住，啊雯呢？
話哂都夜晚8點幾，無理由打機打到唔應我機，所以我問問。
啊柔:啊雯返到大陸啦，好似後日先返呀
我:哦，好呀
啊情:又話買手信比我，又唔記得，正衰人。
我:咁我真係唔記得都無辦法，而且農村地區邊度有電話舖，想買張卡都難啦，何況係外置電。
啊情:咁你下次一定要買比我喎。
我:好啦。
啊柔:啊龍攰唔攰呀，你快d返去沖涼訓教啦。
我:知啦，e家返緊去。
我返到屋企樓下同老母食個飯，再返屋企沖涼，開左機，玩左陣，就訓。
10點都未到就訓左，因為啊雯唔係香港，無左佢，我打機好似少左好多樂趣咁。
又到左第二日，啊柔話約我出街，話有套戲想睇，叫"等一個人奶茶"。
係十把刀既作品，話說上次睇"那些月"既時候，係同前女友睇。
當時佢撩鳩我睇，咁我無野做，所以就睇下囉。
點知原來咁有水準嫁套戲，所以我都可以睇下十把刀啲戲。唔講以前啦，講返依家先。
點知黎料啦，啊情都話想睇，佢話佢有睇十把刀啲書，佢話套野唔錯，所以就叫埋佢去。
唔想發生既時，到最後都要發生。
點解？因為我開頭有講過，未試過三個一齊出街，可能啲狗公葡萄到過黎郁我，到時就無為啦。
我同啊情講不如下次再同佢睇啦，啊情打死都唔肯。
連啊柔都話一齊睇就唔洗睇多次啦，咁我都駁唔到佢地咀，所以無得我揀，我心諗你地真係細心嫁姐。
無辦法啦，唯有見步行步啦。
我著平時既裝束，帶左個斜咩袋，裝水裝遮裝紙巾同埋出街三寶，就咁就出得。
又約左火車站等，我今次無早到，返而遲左啲，因為遲起身。
可以我係大陸無教好訓，所以一返到香港就訓到死豬咁，啦啦聲執野出門口。
「咁遲嫁，等左你好耐啦。」我到左火車站，啊情站左係閘門附近講。
「唔好意思遲左。」我回應啊情。
「行啦，1點半有場呀。」啊柔就好順手咁cool住我手臂講。
啊情都拖住我另一隻手等火車。
我望一望周圍，好撚唔妥，好似入左北韓邊境咁，有大量眼睛睥撚住我，等車都等到我好唔撚舒服。
「um..呢好想講，可唔可以唔好咁親密呀？」我忍唔住講。
「依家好失禮你咩？」啊情講。
「啊情，唔係咁既意思呀，係你地太靚，我太普通，你望下其他人既眼神。」我答。
我望左望右，用眼神話比啊情聽。
「男女朋友唔係都係咁嫁咩？咁先sweet呀。」啊柔問。
「咁都唔洗係啲咁多人既地面咁親密呀。」我望住啊柔講。
「你地啲男人唔係想有頭有面嫁咩？」啊柔再問。
「太出眾啦。」
「原來你怕羞，唔洗理人點睇嫁，最緊要係你想點嫁。」啊情講。
「咁如果我要係度就地正法你兩個都照做啦喎？」其實我都唔知點講好，我打個比喻。
「都估到你中意玩3p嫁啦，諗都唔好諗呀，咸濕仔。」啊情笑住講。
「我相信啊龍你唔係啲咁既人黎既。」啊柔答。
早知唔問，根本唔夠啊情講，ok，you win。
火車到左啦，我地上左車，等左一陣，到左戲院。
我地睇完戲，有啲肚餓，我地就搵左吉野家食個牛肉飯。