【微甜】點解有五條女同我一齊?: 12-真正的異性朋友-「修正版」
「下？搵咩呀？」我就有啲好奇，就問啊雯。
佢就行埋我身邊，係我耳邊細細聲咁講:「xxx(女星)既相，因為我唔太熟呢啲野，所以咪問一問你囉。」
「下！！」個下字我真係大聲左小小，因為我嚇左一嚇，做咩會問呢啲既野？
之後佢就做手勢叫我細聲啲。
啊雯就繼續講:「唔係我要呀，係我屋企人要，所以先叫你陪我買。仲有呀，你係男仔應該會搵得快啲掛！」
咩意思先？點解男仔會搵得快啲，你估個個都係美女定位儀，一定一眼就搵到邊個靚女係邊度咩。
「其實你可以直接問下個老闆有冇嫁！」我再望望老闆，個老闆好似好惡咁。
「其實我搵過無嫁，不過你睇下老闆個樣，唔係咁想問佢。」
我內心不停咁掙扎，因為會唔會我問完佢，個老闆就問候我老母呢？
但係有女係身，我身為一個雄性，無可能就咁縮沙。
「啊龍攞啲勇氣出黎啦」我心入面自己同自己咁講。
係咁既情況好難決定點做，不過我都係驚個老闆屌鳩我姐，比佢屌一屌又唔會死既。
我望一望啊雯，佢個樣真係好唔情願咁，完全睇穿佢係想講叫我幫幫手啦咁。
無理由叫啊雯去個強姦犯到比佢屌，所以唯有我去比強姦犯雞姦啦。
之後我就走近老闆度，佢個樣惡撚到有種好強既壓迫感，不過我都要問。
「唔該，我想要xxx既相，有冇呀？」
個老闆係度笑住咁話:「有呀，不過無人買，所以收藏左。」
其實老闆笑起黎都唔係好惡樣姐。
老闆就係個框箱度拎左一大堆箱出黎，就搵左幾搵，攞左一啲啲相比我。
「係唔係要呢個明星呀？」
啊雯睇到就行左過黎，係度睇，睇左一陣就點左一下頭，視意「係呢個啦，無錯啦」既意思。
個老闆唔知係特登定點樣係度笑住話:「原來係搵比女朋友仔既。」
「唔係，老闆你誤會左啦，朋友黎姐。」我就話。
但係啊雯個樣就紅紅地又無出聲，望落都幾可愛，之後我地就比錢。
原本打算比完錢就走，係啊雯出左店舖之後，個老闆同我講，
原來啊雯呢幾日一直都係係度睇，好似搵緊啲野，但係最後咩都無問就走左。
其實啊雯係唔係怕陌生人呢？但係我都算係喎，又同我傾到計？奇怪。
買完野就當然行返去地鐵站啦，我地一直行，行行下見到有個公園仔。
我諗一諗，不如親呢個機會了解啊雯呀，平時打機都好少講佢自己啲野。
「不如係果邊果個公園度坐下咯？」我就話。
「好呀。」啊雯就點一點頭。
我地行左過去，坐底左係啲櫈度，我望住佢個樣好似好開心咁，應該係買到果啲相。
不過點解唔直接問老闆呢？就算怕比人屌都可以搵啲高大既朋友問。
呢層我都唔太明，不如直接問啊雯啦，就當關心下佢。
我望住啊雯問:「其實我想問下你......你係唔係好驚陌生人同你講野?」
「做咩咁問?」啊雯就突然嚇左。
「因為頭先個老闆話你其實呢幾日都有黎喎。」我有果句講果句咁答佢。
「唔係呀，我.....」啊雯就耷低左個頭，好似有啲難言之隱咁。
停左一陣，係度望一望我，就繼續講:「其實我全部朋友，都係打機識，所以學校無朋友。」
哇！毒撚到你呀(其實自己仲毒)，全部都係網友？
「姐係你想講，你未識過當口當面同人講野？」我就問。
啊雯點左一下頭，之後都唔咁望我。
我心諗唔係呀，返學都唔同人傾野，自閉症？但係個樣都ok呀，又睇落唔似喎。
我就再問:「咁點解唔試下搵佢地陪你呢?」
「因為佢地唔肯出黎，話唔想露面喎。」啊雯繼續耷低頭
原來係無人肯出黎。
「我做你第一個朋友呀，那，唔係網友啦，好冇?」我用熱情既眼光望住佢。
我再繼續講:「有咩事都可以約我出黎，如果我得閒既話。」
佢望著我，個樣好似想喊咁，心諗我係咪講錯左野?
定係感動到喊，真係分唔撚出。
不過要做既係唔好比佢喊落去。
如果比途人見到，以為我玩女人，中出即飛果啲呢，拍埋上youtube咁我人生就玩完。
我比左啲紙巾佢，啊雯好快就無喊。
我地就咁行左去地鐵站，佢一路耷低個頭係度行，得閒又望我一眼咁。
我心諗你唔係比我嚇傻左呀？做咩一直耷低頭呀？
林走之前我比左個電腦號碼啊雯，佢都加左我whatsapp，方便日後聯絡。
我地就咁各自各返左屋企，當然到屋企之係就上skype。
不過今日啊強都係度，所以係三個人一齊玩，但係唔知係唔係今日睇到佢喊。
所以佢對我好似怕羞左，依家次次唔係當口當面同我講野都卡下卡下，我都覺得佢怪怪地。