【微甜】點解有五條女同我一齊?: 11-網友約會-「修正版」
過左呢件事之後，我都推得就推，話唔撚得閒，
話哂有個識變面既大小姐加出鳩招既主管，都唔係太想返。
但係啊麗就日日whatsapp搵我，問我做緊咩呀？做咩唔返工呀？之類既問題。
我心諗唔返工又唔關你事，再加上我個部門啊頭都打左電話問我點解唔返，我都係答返學呀、約左人呀等等。
不過次次啊柔同啊情問我做咩唔返工，我都唔知點答佢地好。
講真，佢地又一定叫我唔好做，講假，咁樣又好似對佢地唔住咁。
如果唔做，我又要搵工，話哂我係果度有變面大小姐幫，唔會出咩問題，所以最多咪一個星期返兩日。
唉！唔諗，都係打機算，次次開住電腦，過左4點後，啊雯一定上線。
無錯，我依家就係係電腦面前打緊機，眼見左下角彈出啊雯在線上既框架。
佢係唔係傳說中既宅女呢？如果係既話所以就打機咁勁？
係呢幾日都同佢打左唔少game，因為啊強同啊俊都要返工，所以我同啊雯就好多時都係兩個人玩。
不過都好既，二人連線既遊戲多過四人好多，所以都有好多選擇。
可能因為咁，所以越黎越fd，係啊強同啊俊唔係度既時候，我同啊雯都有講有笑。
講講下又講返最初識果陣，啊雯技術真係好勁，不過就有個疑問出左黎....
「點解你個名叫ahman？」我問啊雯。
「無他既，是咁的，因為之前唔識打中文，所以打英文上去囉，所以有呢個名囉。」佢就笑笑口咁講。
哇！高登絲打？是咁的都用埋。
「咁都得？」
「唔係丫，都幾好呀，簡單嘛。」
我仲以為女仔係要啲靚啲既名，例如星星月亮太陽之類既野，又或者心心蛇仔交叉果啲，認真好野，勁既人啲品味都同普通人唔同。
之後打左一陣機，佢就問我:「啊龍呀，你星期六得唔得閒呀？」
「咩事？」我好奇問問。
「無呀，我星期六無人陪我出去買野，睇下你得唔得行姐。」
我地識左幾日就要露真身，會唔會係迷姦黨呀？
諗諗下又唔會，我男黎既，點會有咩色比佢劫，不過都好，睇下佢個樣點都好。
但係都要睇睇我既時間表，第一就係女友們有冇約我啦，第二就係要唔要返學啦，最後就係洗唔洗返工。
依~返工我自己決定，洗唔洗睇呀，到返學，只係返2同4，唔洗睇。
到最後就係女友們，啊柔話要同同學做報告唔得閒，啊情就話要返半日更。
ok,我得閒，去得。
「好呀，無問題，我得閒呀，去邊呀？」之後我就同啊雯講話。
「um......去深水埗。」佢就答我:
下？深水埗？買咩呀，唔通係電腦野，高登同黃金？
不過算，都係陪佢買，理咁多做咩呀。
話咁快又到左約啊出黎既果一日，朝早我whatsapp啊情同啊柔打....
我:我今日約左網友。
為左唔好比佢地誤會，所以無話係男定女。
一去左深水埗就照佢咁講，係客服度等...
等左唔係好耐，都有15分鐘，等等下都急急地，早知攞佢電話啦。
又唔知佢係肥定瘦，所以根本唔知佢係邊。
等到唔耐煩既我開始係度諗，啊雯又話叫人準時到，依家又遲到，真係火都黎。
突然有人從後拍我膊頭，我心諗一定係啊雯,我轉身，見到一個肥婆，呀，唔係，係肥妹。
我心諗仆街啦，原來打機咁勁係要代價。
「咁耐嫁，啊雯。」
「雯咩雯?好熟呀，係度博fd，你啲追女方法都好老土下喎!」個肥妹個樣變得好嬲。
「你唔係啊雯，咁你做咩拍我膊頭呀？」
「靚仔呀，你阻住我同職員講呀。」肥妹輕輕推開左我。
之後我就退左幾步，另左轉面，心諗，屌柒爆，認撚錯人。
可能係我太ON9，其實可以認聲，知道唔同聲都問係唔係啊雯，真失敗。
「啊龍，對......對唔住呀，我遲左。」突然有一把女仔聲。
我知把聲係邊個，就係啊雯，我另左轉面.....
一望，唔算高，但係眼大大，面細細，都幾可愛，平胸，普通身材，都幾有蘿利feel，笑既時候幾甜，同埋一身既打扮都幾夾。
依~，仲化埋妝，洗唔洗呀？
我又開始進入左狗公mode，咩都無講，又係係度望到呆左。
佢望住我眼定定咁，又耷低頭急急腳咁話:「對唔住呀，我好似認錯人，唔好介意。」
啊雯個樣好尷尬咁，但係你無認錯人，係我認錯人姐。
「唔係呀，你係啊雯呀嘛。」我就一路望咁話。
之後繼續係咁望，唔知係咪化左妝，所以都幾靚，心裡就越黎越緊張。
我自己係心入面同自己講頂你咩，次次見到靚女都死哂機咁，郁下啦。
佢舉一舉高頭，佢睇到我眼定定咁係咁望，就望住我。
「我咁樣唔好睇咩？定係我塊面有野？」
「無.....無野呀，你好靚姐。」我就醒左一醒咁講。
佢塊面紅哂咁話:「係咩，我都係第一次比人讚。」
佢就望一望我就繼續講:「唔好講呢啲住，去買野先。」
我地出左地鐵站，就見到黃金、高登等等。
但係啊雯一前行，不時望下我，又另返轉身繼續，我就咁樣跟著佢行...
經過高登、鴨寮街等等，我就諗，唔係買電腦野咩？所以我就問:「其實你黎呢度買咩？」
啊雯就另左轉身話:「你估下？」
屌，又玩點解個個女人都中意玩神秘嫁。
之後行下行下，就到西九龍中心。
我都差啲唔記得深水埗有西九，以我記憶，西九係只得溜冰場同明將係出名，所以平時無乜留意。
之後佢就帶我上左5樓，行左入啲女仔先去既商店。
原本我都唔知佢去邊，不過入左一個好逼既行仔，就有種第六感知道一定係唔方好野。
因為太逼啦只要有三個人並行就過唔到，姐係話如果左擁右抱啊情同啊柔，應該都過唔到。
不過前面係一個中學生，所以唔會太逼，好快就行左入去，仲要入左一間放滿明星相既店。
下!搵我黎搞啲咁既野，唔係兩三個妹妹仔先去嫁咩？
屌你咩，第一次約出街就去啲咁既地方，唔撚係呀？
勁人係怪啲，連相處既方式都唔同啲。
我就二話不說，講到明陪佢嘛，所以就入去。
對住一班唔知點睇我既妹妹，佢地一定諗，死毒撚，黎買三次元野呀。
講真，我對二次元野真係無咩興趣，我睇咸片都睇av唔睇H卡通啦。
於是我唯有出返去，之後啊雯望一望我就話:「做咩出返去呀？」
我野都未講，佢就繼續:「其實我叫你出黎係想叫你幫手搵野。」