【微甜】點解有五條女同我一齊?: 13-平淡的一個月-「修正版」
平時係skype同啊雯講野，都唔發覺佢係啲當面傾唔到野既人，會唔會有自閉症？
唔好玩啦，如果係自閉既話，無可能會skype傾到計。
或者係佢只係無男性朋友，同我一鳩樣，無咩異性緣咁姐，但係又可以同我地傾到計，奇撚怪。
諗左成晚，都諗唔到咩原因，所以就事不關己，就屌你老母，算鳩數，唔理諗。
「屌你呀，做咩諗野唔做野呀，幫手啦。你睇下啊雯做得幾快，你就係度偷懶唔撚做！」啊強就話。
「屌，諗野洗死呀，我話你聽啦，我唔做咋，我一做就屌你老味無人夠我快。」我就串串共咁話。
「屌你啦，同你賭J都得呀，你做極都唔夠啊雯快呀。」
「好呀，包埋餐飯，我要J撈飯。」
心諗仆街啦，衰衝動，衝口以出添，都唔知點算好。
因為事實我係唔夠啊雯快，因為呢啲係飛機同火箭既差距，無得鬥。
把心一橫打算真係差佢一條J，睇下第時有冇機會還啦，點知結果出乎意料。
結果唔知係啊雯放水，定真係我突然間太快，贏左從無輸過既啊雯，啊強都下巴都掉撚左落地下。
「屌你地啦，夾埋玩鳩我，啊雯無啦啦做得咁慢。」啊強好似受左好多委屈咁。
「唔係佢慢，係我太快姐，呢個係事實，我聽日要J撈飯。」我好撚得得戚咁話。
之後第二日，啊強真係on9，買撚左條牛鞭撈飯比我。
我望一望條牛鞭係硬掘掘，應該係岩岩係藥材舖度買。
我笑撚到仆街，我心諗點撚樣食呀？
話反轉頭，我回憶返果晚的而且確係啊雯放水比我贏。
明明可以快過我，點解要放慢黎玩？唔通佢覺得無敵係最寂寞。
之後既日子，我同啊雯啊俊啊強成為左機友四人組，只要有開機，就一定會一齊玩。
不過唔知點解我好似做左佢地三個既隊長咁，玩咩遊戲都係我做領袖，所有野都係我分配哂。
不過我都有風度，雖然啊雯係勁，但係佢既位置唔係太重要同工作量都唔係太多，
因為此終都係細過我既妹妹仔，而且佢都無好高調話要做最重要既位置，都肯做普通野。
話哂都係遊戲姐，何必咁認真呢，係咪？
之後啊強啊俊都問我點解啊雯好似特別對我，佢地就梗係唔知啦，我係啊雯心目中同你地唔同嘛。
啊雯同我出完個街就對我好左好多，打機果陣都突然只係想同我玩，唔講唔知以為係情侶添。
不過我都有條底線set左比自己，此終我都有兩個咁好既女朋友，唔會同啊雯玩曖昧。
不過我同啊雯既感覺好似唔同左，可能係我知道佢同一般人唔通，所以特別加護啊雯。
就係咁，平平淡淡咁過左一個月......
啊柔既溫柔同順從越來越得我中意，而同啊情打情罵俏都越黎越有默契。
有時仲一齊訓添，有得抽水既我都真係性幻想都多左。
有時佢地都色誘下我，但係我只係識左佢地無幾耐，所以怕羞唔敢有其他幻想。
而且有時又啊柔啊情傾計都爆到唔少料出黎，原來啊柔係同我係中四果年識，佢大我一個form。
啊柔話中學時期搞左個女神榜，佢都有頭三位，但係點解我呢個毒撚又識到全校女神，佢又無講度呢啲野。
啊情就成日同我鬥嘴，不過係佢撩起先，正所謂先撩者賤，比我串到啊情無聲出。
啊情話我識佢果陣我好串嘴嫁，所以成日串鳩佢，串串下就串到出花火，其實我唔係幾信。
因為我望到靚女又好索女又好既時候戰鬥力係零，唔好講鬥嘴，講野都唔掂啦。
但係點解依家又唔會既？唔知，唔好問我。
所以其實我都唔知之前既我係點奪得兩美人歸，
其實有時我都會將佢地幻化成三國志入面既大小喬，其實都幾似。
話時話呀，係咁耐以黎，真係未試過同佢地兩個一齊出街。
一次都無，一係就同啊柔一齊，一係就同啊情一齊。
剩係同其中一個一齊出街啲路過既狗公都好似想同我開片咁，如果拖哂兩件，如無意外係會比人圍毆。
講到返工果度，我打算做到月頭就唔會再返。
因為抄散唔岩我做，而且啲人都好濕鳩，所以我講左唔做啦。
但係又有一個問題出現，就係又要搵工，真係煩!
可能之後啊偉又搵到啲白老鼠工等我做呢？唯有當比個希望自己啦。
工就暫時唔洗返住，因為散抄都幾好搵，
而且我毒撚每日唔洗洗咁多錢，同女友出街都係AA制，
除左大時大節之外，都無咩特別開支。
不過由月頭唔做開始，最奇怪都係啊麗仲係成日搵我，夠竟佢想點呀？
想溝我呀？發夢啦，人地樣靚又有錢，點會溝個毒撚呀。
再加上我又有兩個女友，就算佢溝我，我都say no啦。
但係諗真果句，我心裏係梗係想越多越好，好似古時皇帝後宮3千咁，3千就唔洗咁多，十個八個都夠嫁啦。
其實之前返工，啊麗都成撚日幫我，但係我都唔知點解我對佢有一種好熟識既感覺，係唔係以前見過呢？
點會呀。人地係大家閨秀，無可能見過，
係我印象中係無識過任何有錢人，一個都無，人窮自然無貴人，我就係呢種啦。