【微甜】點解有五條女同我一齊?: 10- 卑鄙主管-「修正版」
到返第二日工，我果日真係骨都痛，
都係有3個月無返工姐，一返就痛到，唉！
都係換衫搭lift，今次唔同啦，有成村人等lift。
屌，早到左都變遲啦大佬，之後唯有等，等等下
無啦啦有個女仔行過黎，個個都讓比佢。
我心諗，屌，就遲到，有位仲唔入去咩，跟撚住佢入lift。
其他人望住我，係咁眨眼，做乜鳩姐你地，隻眼有問題呀。
我就入左去，門都閂埋，佢就另轉面。
我一望，依，係尋日果個女仔喎，
「hi，咁啱既。」我揮揮手。
「hi，你咪係尋日果個？」佢笑左一笑。
「你今次無上錯架何？」我都笑一笑，抽下佢水。
「無呀，係上呀。」佢講。
一路上都覺得奇怪，一開門又無人入，真係怪，不過都好無人爭，咁我就唔洗遲到。
不過我望佢都係撳四十樓，佢都係喺度做？
唔係呀，個部門主管同我地講明明唔可以染髮，佢夠竟係做咩職位嫁？
都係句果句啦，事不關..唉，算啦，唔講。
一到我果層，我見佢出lift我就跟著出，其他人見到呆左，我心諗做咩，我個樣好怪咩？
有個主管行左過黎就同個女仔講:「hi,咁錯蕩呀，大少姐。」
我聽人講呢個酒店係一個大陸人開，有一個獨生女，唔通佢就係老闆個女?
大陸人好分級別，唔怪得無人搭果部lift。
死啦點算，第二日就比人抄。
「大少姐，下次唔好搭職員lift啦，有失身份呀，下次搭客lift。」主管繼續講。
「係咩，唔係客lift黎嫁，乜有分架咩？」大少姐就話。
「係呀，下載要搭lift唔好同賤民逼嗎。」之後個主管望住我。
屌，第二日就收左皮，唉！注定無運行，認命。
個主管行左過黎就屌鳩我。
「你同大少姐一齊搭lift？你咩身份呀，下，做咩唔出聲？...」
我比人屌到一粒聲都唔敢出。
「算啦，佢都唔知!」大少姐行過黎。
「睇大少姐唔介意份上，就算，下次無咁好彩，仲唔同大少姐講對唔住。」個主管望住我。
屌你咩，人地都算，你係都要屌多兩句。
我行去大少姐面對耷低左個頭，望都唔敢望:「對...對唔住呀。」
「唔緊要呀，不知者不罪嘛。」大少姐笑住咁講。
「仲唔做野？」主管見我企係度郁都唔郁就講。
我說急急腳話:「好。」
跟住就走左出去做野。
屌，今日真係事運低，唉，早知遲到好過啦。
之後我做做下野，行過見到有個餐巾掉左落地，我就行過去汁，
我一汁，無啦啦有兩三個玻璃杯掉左落地，而且個主管都行埋黎。
「你呀，做野打爛野呀，你知唔知個杯好貴嫁，你仲要打爛兩三隻，你人工都唔夠扣呀.....」
「唔....唔係我做嫁喎。」我細細聲咁講。
「下，明明我睇到係你做，仲想唔認.......」主管就開始火都黎。
屌你，你屈鳩我，明明唔關我事，又要屈我，睇我唔順咪趕我走囉，又要企係度比你罵。
之後我都火，咩都唔理。
「都話唔係我做，又唔撚信我..」我當時真係流淚不流血。
「屌，你地啲咁既酒店我好狠做呀，唔做啦！」我真係無用，郁啲就喊。
之後我咩都唔理真係諗住走，突然之間大少姐出黎。
「邊個都唔準走。」佢講完呢句，我就企左係度。
呢個時候，個主管就攞左首輪發言。
「大小姐，個抄散仔，打壞左公司啲野，依家唔賠仲想走人。」
「依家公司咩唔起呢條數咩？不嬲唔係太貴既野，唔會要個抄散賠錢，做咩咁為公司著想呀？」大小姐咁講。
「事實係咁既，佢第二日入黎做野就打爛野，我有責任要維護公司利益，遲啲可以會打爛其他野。」主管針對我，所以反駁大小姐。
我就望住在場所有既人講:「我真係無，係佢地屈鳩我....」
我係度諗，就算今次唔比主管話走，下次可能仲大單野，此地不宜久留，閃人好過。
大小姐望左一望個名牌，再望一望。
「咁好呀，我問問個當事人發生左咩事再作評論，唔可以亂作判定。」大小姐對住主管講。
之後大小姐就同我去左後樓梯(姐係火"粥"用果條)，其他人都覺得奇怪。
無啦啦點解要單獨同我講野，係唔係怕佢地會對我打眼色，叫我知難以退呢？
當然無理咁多，我抄散一名，算得係咩呀。
大小姐一到後樓梯，佢個樣變得緊張，其實當時我無留意到佢，因為我耷低左個頭，無望到佢。
你知啦，人證物證都有，我又無咩證據話我唔係，主管在暗，我在明，鬥唔過。
「我知你無做，只不過佢睇你唔順眼，我最僧呢種人，狗眼見人低，我信你無做過架。」大小姐講。
我抬起頭望住佢，睇到佢好似好緊張，唔通個勢係扮既？
「唔緊要啦，我都打算唔做，而且你係大小姐，佢唔會對你做啲咁既野。」之後細細聲咁同大小姐話。
「做咩咁細聲講野，我聽唔到你講咩。」
「你係大小姐喎，唔通係你面前講粗口咩？」我就用返啲大小小既聲。
「我最初見你都唔係咁架？」大小姐就好好奇咁問。
我真係勁想用手遮住塊面，不過我無咁做。
「講起就糗爆，第一日同岩岩都唔知你係邊個，梗係輕鬆啦，依家知你身份，點知會唔會討厭我，話我博咩博咩咁，係職場上，最緊要唔好令上司討厭你，唔係點做都會針對你。」我好難為情咁話。
我開始用返正常模式......
佢就話:「其實我唔中意啲白鴿眼既人，反而想同你呢種一齊會舒服啲，你唔好當我係咩咩大小姐，啦，比你既」
望左一望，係一張紙，有8個數字，我心諗有冇咁FF呀，之後我拎左佢個電話號碼。
佢就繼續講:「呢個係我電話號碼，如果主管對你做啲咩花樣，同我講，或者.......um....無事都可以搵我，我都幾得閒。」
我就點左頭。
諗諗下我諗我未自我介紹，老母教落要有禮貌。
「我叫啊龍，你好。」我就話。
「我知呀。」大少姐就笑住講。
之後佢就指住我個心口個名牌就望住我。
佢就繼續講:「咁你都唔好叫我大少姐，真接叫我啊麗。」
「都係唔係幾好既。」
咁直接真係唔係咁好，尤其是係酒店到。
「咁唔係公司就叫我啊麗啦。」大少姐話。
佢就深呼吸一下，做左一下表示要出去既手勢。
之後同我出左去同個主管講。
「um，我了解左事情啦，啊龍話無做過，我相信係一次意外，咁大家就唔好話啊龍做架啦，就咁決定啦好冇。」
「大小姐果然英明呀，不概係大小姐呀。」個主管真係超識刷馬屁。
我覺得主管係覺得大少姐企係我果邊先會唔再屈鳩我，所以今次就咁就算。
因為下次仲可以屈鳩我，我都係小心啲好啲。
個主管就對住我講:「今次你好彩，大小姐唔追究，如果有下次，你以後唔洗做啦！」
大小姐特別咁望住佢講:「如果有同類型既事情發生，啊龍可以直接搵我，我會查清件事，我唔希望會有人撩事鬥非。」
嘩，我心諗，扮都扮到咁真，呢個人唔簡單，都係小啲接觸好啲。
個主管都知咩事，見個勢唔對路，就死死氣咁款，但都要扮無野。
「係既大小姐，明白!!」
之後其他人都望住大小姐，大小姐知道自己講左我可以直接搵佢，心知不妙。
佢地一定諗做咩大小姐會無啦啦比電話我啦，今次水洗都唔清。
「我有野做，我落去先。」塊面紅哂就那那聲咁話。
話咁快就調頭走左，不過呢件事仲未完嫁。
主管睥鳩住我咁話:「你都幾好野呀，冧得掂大小姐。」
我心諗，好明顯係你啲擦鞋仔性格，人地唔中意你先幫我啦。
你都痴撚線，我連做佢隻兵都無資格，講到我好似男神咁，咩女都溝到咁。