【微甜】點解有五條女同我一齊?: 9-純情美少女-「修正版」
「呀...真係好訓啦..」我打緊喊露。
今日我係唔洗返學，所以就好晏起身。
不過我一起身就唔見左啊柔同啊情啦，啊柔要返u唔得閒唔洗講呀，咁啊情呢？
之後有一陣陣既香味傳入我個鼻度，我聞一聞就聞到係野食既味.....
我醒左一醒，老豆老母返哂工，照道理無人係我屋企就啱嫁，奇撚怪。
我一出房門，打算睇下邊個煮野，行去一睇，原來係啊情。
係喎，唔記得佢係兼職，日日都好得閒添，所以我有口褔啦。
「依，起左身啦，快啲刷牙食早餐。」啊情見到我起身就話。
「哦，好呀!」其實我未訓醒，不過望到靚女先即刻醒哂。
刷完個牙之後，同啊情食左個早餐，佢就拖左我出去行街街。
我同啊情途中都有講有笑，打情罵俏，成個啱啱一齊既熱戀中既小情侶。
up乜鳩姐，根本就係。
不過都係有好多狗公望住我....
屌，拖一個出黎都望到唔撚舒服，拖哂兩個會唔會比人打到出唔撚到街？
唉！唔諗，越諗越恐怖。
正常啲女仔都係要求啲男仔買乜買乜，總之就男方出哂錢，
不過啊情有呢度好，佢自己出錢。
佢話因為如果平日出哂，咁到節目出埋就無意思，所以情人節，聖誕節之類既特別節日請就可以。
我呢個女朋友都知我諗咩，抵錫。
話時話，我啲錢都洗得七七八八啦，係時候搵工啦。
呀唔係，啊偉搵左份工比我，都好既，唔洗煩無工返。
不過通常做抄散都好後生，會唔會返工遇到啲姐姐仔比我溝下呢？
屌，清醒啲啦，有啊柔同啊情仲唔夠咩，啊龍你都夠衰啦，咁花心，唔準諗，唔準諗....
我同啊情都行左好耐，其實途中都有同啊柔用whatsapp吹下水咁，係唔係啊柔驚啊情會溶左我呢？無人知。
不過都好既，會令我知道唔係得啊情一個女朋友。
話咁快正正就係本小爺返工之日，聽講唔洗面試，即日返工，不過要自備對皮鞋同條西褲。
下，咁kai？只係送衫，算啦，鄉下仔，未做過嘛。
第一日返工，因為人生路不熟，所以差小小遲到，仲要靠返緊學既啊柔幫我搵左個路線圖先識行。
心諗，屌，啊偉條友又推我死，條路咁春難行。
好彩老母有教落，早一個鐘出門口，就唔會遲到。
結果係啱啱好就到左.....
到左之後又換衫又要掛牌又乜乜柒柒，麻撚煩。
之後搭lift，一到去有幾個肥婆或者啊叔係度搭lift，
屌，唔撚係日日都係見到呢的呀？
到十幾樓佢地就走哂，我四十樓出既，到三十五樓突然開門，心諗不妙，又係果啲？
一開門，有個set好哂個頭，染哂金髮，睇個樣都唔差，
不過係b cup，著啲衫都幾有設計下，大約20歲左右既女仔入左黎。
我望住佢眼定定咁樣，因為估唔到有啲咁既級數，同啱啱果啲差好遠。
咪住先？可以染髮架咩？唔理啦，事不關己，就屌你老味。
佢無望我，唔知係咪怕羞，棟門閂左，郁左一郁。
佢就問左一句，我直頭忍唔住，真係係心入面笑左出黎。
「部lift上嫁？」金髮女仔問。
我心諗，屌你咩？大大個向上既箭頭係度，仲問，係我就唔問啦，條友傻嫁？
「唔緊要，等陣佢就落。」我就忍著笑咁話。
屌，真係忍得好撚辛苦呀。
大概用左10秒就平靜落黎，等左一陣，到左我果層，
「拜拜，有緣再見。」我就禮貌咁同金髮女仔講。
不竟佢都帶比我幾秒既歡笑，無理由唔同人講拜拜。
「拜拜。」金髮女仔講。
我就繼續我既忙碌，由三點幾忙到一點幾，屌，原來唔係準時走，又中伏......
不過都好，識到啲朋友，應該聽日都要返工，佢地係日日比更人，所以要whatsapp講。
唔知聽日會唔會又撞到個大頭蝦呢？
返到屋企，啊柔同啊情都whatsapp我，不過我真係好攰，訓左一陣，一醒就凌晨四點幾....
望住自己著緊出街衫，就知無沖涼，我就那那林拎衫除衫去沖涼，唔係比老母屌。
係除衫果陣，發現電話閃下藍光，直覺話比我知係啊柔同啊情whatsapp我。
不過我啱啱直係好攰，無回就訓左，所以就開黎睇下。
啊情:點呀？返工返成點呀？
啊情:攰？唔應我機？
啊情:好啦，訓醒whatsapp我啦
再望望啊柔果啲
啊柔:返工返得開唔開心？
啊柔:你累啦，早啲抖啦
啊柔:訓醒食啲野，如果早左起身，悶就whatsapp我啦
又係whatsapp你？
我諗左一陣，做乜鳩要一個個回呀，直接開個群啦。
但係開群都要有名，叫咩名好呢，我叫啊龍，就叫龍家...唔.....好似寡左啲喎。
就叫龍之家，龍之谷？加小小搞gag成份....
好改好名啦，就叫"龍之家OL"
之後就加啊情同啊柔上去，然後回句。
我:我起左身啦，不過仲有少少眼訓，我去沖涼先，沖完先再訓
結果真係無人應機，好!我沖完涼就訓，聽日又要返工。
唉!機都無時間打呀，打工仔真係慘。