我參加了籃毛毛演奏會: 醫生的方法
我摸一摸陳強既大動脈，仍然有跳動。不過流咁多血，應該唔撐得幾耐。
望住沾滿鮮血既雙手，我究竟而家應該點做？
演奏廳已經冇槍聲傳出黎，睇黎戰鬥已經停止。
究竟係警察佢地獲得勝利定係毛毛佢地勝利呢？
演奏廳傳黎毛毛既怒吼，
”媽！咪！”
莫非勝利既係毛毛佢地一方！？
我回頭望向大門，出黎既係警察佢地！
再望一望入面既情況，見到毛毛佢地被人鎖上手扣，跪係台前，背對住幾位警察。
警察行出黎見到陳強同揚惠既情況，即刻拎對講機講，
”Calling總台，與偉中心十樓有多名傷者，要求派救護車，Over。”
出緊黎既仲有班人質，當然果個呀仁都係到，佢拎住部電話好似傳送緊信息。
既然果個呀仁係度，我一定要問清楚佢點解會係演奏會到做人質。
我叫警察過黎幫我接手睇住呀強。之後從後追上呀仁，截停住佢，我問
”你同我企係度。”
”做...做咩事？”
呀仁同其他被毛毛捉咗既人一樣，都有果種受驚過度既反應。
咁都好難怪，又經歷槍戰，又見到有人死，有咁既反應都好正常。
只不過佢明明係大嬸果邊既人，點解要扮到受驚過度呢？
除非佢係扮出黎。我一定要問清楚佢，
”我知你係大嬸果邊既人，你唔洗扮野。”
”咩...咩...咩大嬸？我聽...聽唔明。”
”唔洗扮落去啦，我聽到你係二十樓交易時既口吻，「AA+」
如果我將你爆出黎你係同毛毛係同伙既點算？”
佢貼近耳邊輕聲同我講
”證據呢？所有野已經比果個呀叔攬哂上身啦。”
佢捉住我走返入演奏廳，同我講
”你睇下，人都死...”
呀仁指住台上本應死咗既大叔，但係台上居然空無一人？
警察見到我地走返入演奏廳，即刻將我地趕返出黎。
大叔佢去咗邊？中槍之後倒地...仲要中埋心口...唔死都難。
除非，有人將佢條屍偷走咗，不過點偷？
呀仁繼續講，
”算啦，唔理咁多，總之你唔好再理咁多。”
”點唔理？你地傷害我朋友，殺大叔！呀強係生係死都未知！”
”係唔係佢唔死你就唔理咁多？”
點解呀仁可以咁有信心講得出呀強可以唔洗死呢？
點都好啦，既然有辦法可以保住呀強條命，我只好答住
”係...”
”好，我係一個醫生，我可以幫你睇吓佢。”
”你係醫生？”
”無錯，唔信既你可以上網check下我，我叫李嘉仁醫生。”
李嘉仁醫生，個名好熟吓，好似係邊到聽過，或者可能係人有相似啫。
呀仁行到去呀強身邊，同警察講
”借一借先，我係醫生黎。”
佢摸一摸呀強既大動脈，跟住張開呀強既眼皮，
之後撕爛呀強件衫，檢查個傷口，望住我講咗句，
”仲有救，不過撐唔到五分鐘。我話比你知點做。”
佢企返起身行埋黎我耳邊，輕聲咁講
”你去二十樓睇下仲有冇啲粉係度，之後比佢食。”
”你唔好玩啦，食調味粉醫病？”
”你唔想佢死既就照我說話去做。”
如是者，我照住佢既意思，搭電梯上二十樓搵調味粉。
當然，我唔係好相信呀仁所講既野。
聽人講食媽咪麵食到喉嚨痛就有啫，食媽咪麵醫傷？正常人都會講聲「痴撚線」啦。
你估係TBB出產既金瘡藥？搓幾搓、食幾啖就醫到內外傷？
但係馬死落地行...冇辦法啦。
”叮”電梯門打開，而警察就係遠處吹緊水，有個仲表現緊花式轉槍，兩個人睇黎十分開心。
我立即跑去有封鎖線既房間，負責把守哩層既警察見到我衝入房到，即刻從走廊跑過黎。
奇怪啦，點解一箱調味粉都冇...究竟去哂邊？唔通係大嬸逃走果時拎埋？
死啦！警察就跑到黎，而時間唔多，如果比警察捉住左，我一定唔夠時間去返樓下。
等等！檯面上好似有粉係到！果一啲冇估錯就係呀仁吸剩既粉。
我跨過一具又一具既毛毛屍體，又跨過一具又一具既警察屍體。
後面追緊上黎既警察就緊緊跟隨，指住我講
”咪走，企係度！”
”我趕住救人呀屌！”
我行到檯面到，而警察好快就行到過黎，再係咁就比佢捉到。
我望一望我附近既警察屍體，發覺佢手中有一枝槍，比我諗到一條行得通既辦法！
我以0.99秒既時間將之槍執起，指住既唔係警察，而係指住我自己既頭。我講
”唔好行過黎！”
”有事慢慢講，有事慢慢講！唔好亂黎！”警察停係到。
”後退！後退！如果唔係我開槍！”
”得，得！”
我將檯面果啲粉掃入手掌中，但係就咁拎住啲粉恐怕會熱到溶，
於是我同警察保持住一段距離之後，將啲粉塞落空左既轉輪果到。
而警察都唔放過哩個機會衝上黎，好彩我手藝快先冇比佢地有機可乘。
我繼續同佢地對峙，直至走到電梯內，而我都鬆一口氣。
我跑到呀仁身邊，同佢講
”啲粉帶到黎啦！”
”係邊？”
”係枝槍到。”
”嗄，你講咩話？”
”我冇手拎啲粉，將佢塞入枝槍既轉輪到。”
我將枝槍遞到呀仁手中，我同佢講
”喂，你枝槍頭對住左呀強把口。”
呀仁正在賞試拎啲粉出黎，但係轉輪都未打開，
佢就唔小心對住呀強把口扣下板機...
見到哩一幕，我既眼珠都凸埋出黎！
”躂”射出黎既唔係子彈，而係噴出白色粉末，散落到呀強口中。
轉中既係裝住調味粉果個彈位，成八個窿先轉中果一個，真係好好彩。
我同呀仁仍然驚魂未定，就比個女警見到我地渣住枝槍。
女警：”你做咩！立即放低手頭上既武器。”
而我都趁哩個機會，走到女警身後，扮到好無辜，希望佢地捉呀仁。
我：”唔關我事，全部都係果個男人做。”
呀仁：”嗄？你咁都講得出？”
呀仁放低枝槍，舉高雙手以示清白，而女警就鎖住佢。
與此同時，有大批既醫護人員同警察黎到。
而醫護人員分三批，一批係救呀強，一批係救揚惠，另一批係救受左傷既警察。
先講講揚惠既情況，醫護人員正係到檢查緊佢既受傷位置。
佢被插入既位置唔係正中間屎眼，而係左邊既蘿柚。
好幸運既係，由於當時揚惠係訓係度，隻牙同揚惠個背脊呈現水平既狀況，
之後以４５度向上刺入揚惠個蘿柚，先唔傷及重要器官，不過揚惠都痛到暈左。
醫護人員小心翼翼咁將毛毛推開，務求隻牙唔會造成大範圍傷害，
之後佢地要幫揚惠包紮啦，佢地址高揚惠條裙，我叫左聲”Shit”。
揚惠著緊果條底褲印有我個樣...
再睇返呀強既情況，佢既傷口已經唔再流血，不過身體開始出現變化...
本應接近死亡既呀強，佢開始長出肌肉，體內既怪物都愈黎愈大，睇黎佢已經康復啦。
佢開始長出體毛，一路蔓延，生到成塊面都係毛。
調味粉既藥效實在係太快啦，或者二十樓發生既黑毛毛事件就係咁發生。
大家都對呀強身體所發生既變化表示相當既好奇，每個人都圍住呀強，見證哩件事既發生。
突然，呀強張開雙眼，企左起身。被人鎖住既呀仁則趁亂走佬，試圖從走火通道逃走。
女警由於太過專注於呀強，幾秒後先發現呀仁走佬。
正當佢想追上去既時候，呀強突然發狂，有位想制服佢既警察都被撞飛。
但大家都唔敢用槍射佢，因為佢地見識到呀強從人變成毛毛既經過。
我執起枝槍從後追上呀仁，我仲有好多野要問佢，所以絕對唔可以比佢逃走。我同佢講
”你咪走！”
當然佢唔會聽，我地一路係走火通道跑，直至走出興偉大廈。
嘩，係新鮮既空氣。屌，講返正題。
佢跑咗去邊呢？我左望望，右望望，只係見到有啲警察把守現場，同醫護人員救緊訓係路邊既受傷警察。
我再集中啲，比我見到啦！佢跑緊去一駕南洋伊馬打既貨車到。
我即刻用盡全力追上去，而且係大直路，佢輸梗！
我一路跑，附近既警察見到我地既狀況，都跑起上黎，
不過唔知點解個李嘉仁仲跑得快過小明，追極都追唔到上去。
呀仁成功上到去車頭位到，而南洋伊馬打貨車準備開走。
不過佢點都估唔到我爬左上個貨車斗到。
司機全速開車，而後面緊追住警車，展開GTA式既追逐戰。
我地將會去邊呢？