我參加了籃毛毛演奏會: 錄音
後方傳黎警笛聲同埋警察們既呼叫聲，
”前面既車輛馬上停係到！”
但係，呀仁佢地點會聽警察之笛呀，佢地不但只唔減速，仲要踩行油，將警察佢地遠遠咁拋離。
點解貨車可以快過警車？究竟我係唔係玩緊Crazy Van？
我開始頂唔順咁快既速度，有少少頭暈，跟住就開始嘔啦。
”喂，泰國佬你聽唔聽到有人嘔。”呀仁好似聽到我嘔所發出既聲音。
”大言（聽到）。”
死火啦，點做好！？只要佢揭開佢身後果塊布就見到我係到。
前面有一堆既紙盒堆係到，我以高速既滾動技術碌到去箱後。
呀仁揭開遮布，心中感到相當之奇怪，佢話
”奇怪啦，明明聽到有人嘔...”
”咕啦端呀褂（不要自己嚇自己）”
”雖然我知識水平好高，但我都係聽唔明你講咩。”
呀仁縮返去車頭，同泰國佬繼續講野，而我就好似有主角光環，又避過一劫。
我係主角？我係主角既話到底應該要點做？而家我就好似迷途小羔羊，
連駕車去邊都唔知就上左黎，呀怡又唔知係邊，呀叔又唔知點解會咁做，
只係盲目咁跟住呀仁，唉...
呀仁用一把去自豪既語調同泰國佬講，
”我地啲車真係勁，你話係唔係？”
”冇菜（錯），真係好化（快）。”
”梗係化（快）啦，晚晚睇top gear再幫每駕車改裝，花左我好耐時間。
如果以我地既車速，冇幾耐就會追得上老闆娘駕車。”
趁哩一段時間，我又要諗吓下一步要點打算，而唔係盲衝直撞。
當然，我要知道自己既位置係邊先得。哩個時候就係發揮電話功能既好時機。
我摸一摸褲袋，拎出我部手機既同時，想再拎出Nokia 3310睹物思人。
但係，我拎出黎既唔係Nokia 3310，而係大叔部好藍mon既手機！？
我望住大叔部手機發呆，問自己
”究竟係幾時換？”
我前思後想，終於比我諗到。
冇估錯就係大叔當時係演奏廳，拎左我部Nokia 3310聽二十樓既情況，
還比我既時候偷龍轉鳳，將手機擺落我袋到。
不過點解大叔要咁做呢？
大叔部電話未有鎖，打開既時候正好有錄音列表。
語音001、語音002、語音003，有三個錄音邊個先係？
如果照常理咁諗，通常最後數字果個就係最新錄，冇錯，就係語音003！
”將今晚今晚交給我～我要為你唱盡我歌～施展我一身解數～在那激光中穿梭我用千支歌！將你來鎖～WOO HOO～”
咩料？點解語音003係大叔既歌喉，仲要唱到咁大聲，特別係「WOO HOO」果一下。
呀仁好似聽到大叔把聲，又講啦
”喂，泰國佬，你聽唔聽到後面有人唱《激光中》？”
”剔光重？”
”羅文果首呀。”
”忍（仁）...得閒奶（黎）泰國啲廟就（走）番轉。
”我真係聽到有啲聲呢...”
呀仁聽完泰國佬講完之後，好似冇咩動靜。
我教細啲既音量，試下播放語音001，今次真係有啦...
”細路，當你聽到哩一段錄音...講下笑...
好對唔住...你同我都估唔到個結局會變成咁既樣。
你係唔係覺得好奇怪我做乜會係台上面講一番咁既野？
我同個呀嬸有個協定，就係只要我將所有野攬上身就放過德仔。
我知你心中會問，「點解大嬸知道你同德仔既關係？」
果時佢地發現我係度偷聽，之後我比藍毛毛捉左出去，
佢地仲想殺人滅口，不過德仔就係哩個時候衝出黎救我。
我地差少少成功逃走，係差少少...
有...有邊個會知道個呀嬸用藥毒害德仔咁卑鄙！
我地想從走火通道跑人既時候，佢同黃毛毛講
「黃毛毛你即管走，我就睇下你冇食藥活唔活得過今日。」
果一刻我停下腳步，決定走返呀嬸身邊，我問佢
「你做過啲咩黎？」
佢笑住同我講
「佢已經要依賴某種藥先生存到落去。
你想帶走佢呀嗎...得！只要你肯依足我既說話去做先，
到時我就同你講幫黃毛毛既方法。」
德仔已經好慘，我唔想佢再受咁既苦，所以我決定幫呀嬸。
佢只不過要我幫佢攬件事上身，其實唔係好難啫。
萬一佢反口我都可以同警察講，除非我有咩意外...”
錄音傳出另一把男人聲，而大叔回應
”得！就快出黎！
嗱，我而家都係扮柯屎先偷偷地用到電話，佢地派左一個男人扮人質黎監視我。
只要我成功左之後佢就會打電話比大嬸放過德仔，
而我可以趁毛毛佢地同警察混戰既時候逃走。
不過細路，記住世事無常，我陣間都有可能會失敗，冇野可以100%肯定成功。
人生變幻莫差，冇野係可以預計到，就好似啱啱咁，
有邊個會估到班警察試粉會變毛毛？
有邊個會估到德仔比大嬸落毒？
所以，如果我失敗左既，幫我睇住德仔。
如果我冇記錯，德仔既年紀都係大你少少，兩個做下朋友都唔錯。”
大叔既錄音到此為止。