我參加了籃毛毛演奏會: 意想不到的結果
坐係台下既我，聽到大叔講哩一番話，實在有啲難以置信。
但我仍然堅信住大叔，我從台下好大聲咁講，
”大叔你亂講乜呀！唔好比大嬸要脅到呀！我所相信既大叔只有一個！”
大叔用眼尾掃一掃我，又繼續講落去，
”我就係哩一度既負責人。
你地係二十樓見到既野都係我攪出黎。
再講少少野比你地知，你地射殺既黑毛毛其實就係你地班伙計！
點樣？想捉我？黎啦！
不過你地黎得哩一道，就唔洗指意走出哩一個地方。”
究竟而家係咩情況，我真係覺得好混亂。
而警察既呀頭就同佢講，
”咪沃！舉高雙手！”
大叔擰轉身背向警察，慢慢舉起雙手。
唔通大叔真係會咁樣投降？
”澎！澎！澎！”大叔突然轉身從衫袋拎出手槍，向警察佢地連開幾槍。
警察果邊啲人即刻搵位做掩護，而呀頭就行到去我張櫈後面。
佢氣沖沖咁講，
”好彩平時有食卡士蘭，身體好先避得切。”
我心諗「哩個人係唔係當自己係任達華...」
不過，而家最大既問題唔係哩樣，而係點解要搵我做擋箭牌呢？我同佢講
”喂，我唔想坐著也中槍。你行遠少少得唔得。”
”等等，我幫你解開條繩先。”
佢賞試解開個結，但係都係徙勞無工，佢問我
”你哩個咩繩黎...咁難解都有既。”
”毛黎嫁。你試吓用火燒。”
於是佢真係係工具袋拎出打火機，氣孔對準個結，
”刷”一聲！成條毛繩著哂火，呀頭嚇到火機都跌埋，講咗句
”仆街啦...”
我忍唔住要大叫
”救命呀，好撚熱呀，我唔想要咁既BBQ做我既結局。”
同警察僵持緊既大叔無端端射向天花板個灑水系統，將我啲火撲熄。
但係大叔勢估唔到，警察係哩個時候偷襲佢。
”澎！”拎住左輪手槍既其中一位警察射中大叔既心口。
大叔揜住心口中槍既位置，向後退幾步，倒係地上，被毛毛群阻擋而消失係我眼前。
見到同我出生入死既大叔中槍果一刻，我身體不停咁發抖，我不斷咁講
”唔會係真嫁，唔會係真嫁...”
我賞試跑過去幫大叔，但係一切都太遲啦，毛毛佢地已經衝緊落黎。
警察呀頭拉住我唔好比我上去，佢指住其他警察講
”剛叔，你過黎幫手解開埋其餘果幾個人！
其餘既人用戰術D死守哩道防線。
PC9413 Calling總台，要求派更多伙記黎興偉中心十樓支援，Over。”
毛毛佢地見火力咁猛，佢地都唔敢行過黎，一個二個都搵咗個藏身地點。
其中一位帶住眼鏡既警察話
”你地已經被重重包圍啦，快啲放低武器投降啦！”
呀頭露出一個如夢初醒既樣問我
”你知唔知佢地識唔識聽我地啲語言。”
等我心情平復一啲既時候，我答
”佢地係人黎，點唔識聽我地啲話...”
”人！？你講咩話！？我以為個男人講假嫁！咁我二十樓果啲...”
”冇錯...係你啲伙記。”
呀頭佢跟住好迷失咁慢慢滑落地下到坐，雙手渣住枝槍，放開咗係板機上既手指。
過咗一陣，右邊前排傳黎一個警察既慘叫聲，只見佢被毛毛既獠牙貫穿個肚，
唔洗笑到爆左肚，啲腸同肺都流緊出黎。
隔離既同袍立刻向住毛毛佢開槍，指彈射進紅色既鼻，再由後腦走出黎。
毛毛就咁倒臥係地下，而佢相當之手足無措，
見到同袍既情況愛莫能助，只好想盡辦法執返啲腸呀內臟呀腎呀，但都已經係返魂無術...
”隊長，守唔住啦。”其中一位仍然同毛毛抵抗既警察講。
另一位警察又講，
”再過三四分鐘就成條防守線崩潰。”
其餘既幾名人質聽到之後，都露出不安既表情，其中一位意圖衝出門口既MK人質，
咁啱比附近埋伏既毛毛見到，幾秒內將佢擊倒。
而家我地走又走唔到，打又唔夠打...唔通我地係等死？
我唔想死住，我仲要知道點解大叔會咁做！我仲要救呀怡！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
槍聲愈黎愈少，能夠企係到既警察都愈黎愈少。
但毛毛佢地見到警察果種「哪吒不怕海龍王，幼獅不畏虎和狼」既氣魄，
都唔敢再輕舉妄動，轉為更有策略地向我地步步進逼。
灑水系統依然係未停止，此時，毛毛佢地熄咗台上既燈，四周漆黑一片，
加上灑水既聲音，將佢地既腳步聲掩蓋，我地要掌握佢地既位置，可以話係難若登天。
前方傳黎雜物被推跌既聲音，幾下槍聲後又傳黎慘叫聲。
我摸黑一路行，一路伸出雙手確認附近係安全。
死啦，我好似摸到啲唔應該摸既野...
”奇怪啦，點解我摸到啲毛既？”我反問自己，同時都睇吓對方咩反應。
”邊個？差啲址甩我既假髮。”
哩一把聲似層相識，好似係邊到聽過咁。
記得啦！哩一把男人聲，就好似電話入面果個「仁」把聲。
為在證明冇推測錯誤，我同佢講
”想假髮冇咁易甩，用AA膠痴住啦屌！”
”邊到失驚無神整個AA膠。”
係佢啦，佢講果吓「AA膠」同之前對講機果吓「AA+」一樣。
冇錯，佢就係果個「仁」！只要我捉住佢，就問到一切有關哩到既野！
我拎出我部手機，用螢光幕既光照住佢個樣，但同時都吸引埋毛毛佢地過黎。
而家有邊個可以黎幫我？如果大叔仲係到，佢一定會諗到計劃...
唔得！唔可以！我絕對唔可以坐以待弊，我相信一定仲有出路。
於是我以起跑既姿態衝向大門，睇吓走唔走得出哩到。
正當我接近門口既時候，大門居然自己打開！？
走廊既光照射入黎，由於眼睛仲未適應，我舉手遮擋住咁刺眼既光芒，眼睛勉強咁望住門口。
咁既情況，令我腦海中諗起一首歌，「哈利路亞 利利路亞 利利路亞」，
而家就好似見到天堂之門打開，心中充滿住對天堂既憧憬。
由於佢背對住光，仲未睇得太清楚係咩人。
突然，佢一手捉住我，將我從哩個演奏廳址出黎。
太突如其來啦，我失去重心，之後成個人仆係佢個身到，我地兩個就咁訓係地下。
再當我望真啲既時候，居然係揚惠！？
但係，佢唔係注視緊我，而係注視我身後既野。
我擰轉面睇究竟係咩回事，點知有三隻毛毛向住我衝過黎！
唔得啦，走唔切！如果起身走人就太遲啦！
揚惠一吓攬住我，將我抱緊，再轉過身，同我講
”要走出哩度！”
兩秒後，血濺四方，揚惠發出痛苦既呻吟聲
”呀～”
係哩個時候，另一大班軍裝警從後趕上，即刻將毛毛射殺，
再跟住入去演奏廳支援其他伙記。
揚惠伏係我心口到，身體不斷抽搐。
雖然我係唔鐘意揚惠，不過見到咁既情況，眼淚就控制唔住走出黎。
我喊住同揚惠講
”點解會咁！我明明就唔鐘意你，你點解要咁傻！”
”愛一個人，做幾傻既事都值得...就好似...”
”明嫁啦。你唔好講野住，你話比我知你邊到受傷，我幫你禁住止血先。”
揚惠指向身後，我輕輕力推開揚惠，之後企返起身。
望住揚惠受傷既位置...實在有啲不可思議，
毛毛隻獠牙插住係揚惠個屎忽上...
”你唔好亂沃，我幫你蚊返隻牙出黎。”
”千奇唔好...到時我怕會失血過多..."
等等，點解會血濺四方？我唔明...仲有邊到受傷？
講開又講，陳強唔係同揚惠一齊既咩？佢又去咗邊？
此時，我好似聽到陳強叫我
”唏...過黎幫...幫...我...”
”陳強？你係邊到呀。”
”哩...哩...到。”
聲音既來遠係其中一隻被警察殺死既毛毛下方。
我行近啲睇，見到陳強隻手伸咗出黎，我捉住佢隻手，問佢
”你覺得點？”
”好痛...”
”忍耐少少，我將你拉出黎。準備啦，一...二...三...四...五...六...七...”
”你快少...少...”
我出盡全力將毛毛抬起，再將陳強從毛毛身軀下拖出黎，而地上同時都拖出一條血路。
佢既肚不斷流緊血，我立即用手按住，希望唔洗流咁多，但係都好似冇用...
陳強捉住我手臂，叫我行近啲去佢到，佢話
"我...好對你唔住..."
"呀強你唔好講野住，我叫警察過黎幫手。
救命呀！有人受傷呀！ ”
”哈...佢地同毛毛專注打緊...點打閒理...理我地...”
”我去搵佢地叫救護車。”
佢用力拉緊我，好似表達「我已經冇得救」既意思，我跪係佢身邊，繼續禁住佢傷口。
我唔信冇得救佢！我已經失去大叔，點可以再失去埋呀強，諗到哩一點，不知不覺淚如雨下。
呀強見到我咁，都流下眼淚，佢話
”好...對唔住...我都好鐘意呀怡...”
”有乜咁出奇，女神就係多人鐘意，係唔係？”我強顏歡笑同呀強講。
”呀怡都鐘意過你...我知你有一排同呀怡行得好埋...我好妒忌...
所以...所以我出賣咗你...”
”呀強你亂講啲咩？”
”我平時盡量阻止你同佢一齊...允行先...先...有機會乘虛而入...”
呀強既傷口流血速度愈黎愈快，而且開始吐血，見到咁，我話
”唔緊要，做兵都唔錯呀...哈...你而家唔好講野，同我撐住...”
”嗄...嗄...本來尋晚...我地約好...一齊入會場...但...我冇...冇同你講...”
”夠啦，呀強...”
呀強合上雙眼，唔通佢已經冇得救？