我參加了籃毛毛演奏會: 媽咪
呀伯一招四兩撥千斤，將藍毛毛推向牆邊。
藍毛毛成隻牙插入牆，動彈不得，不斷係到慘叫”媽咪媽咪～”
而隔離既毛毛見到咁既情況都極為震驚，於是佢地圍住呀伯。
而呀伯仍然不動如山咁企係度，十分氣定神閑。
”呀伯都可以企係度獨自咁打佢地，點解我地唔可以！”陳強好有氣勢咁話。
跟住有十幾個人都企出黎，跟隨住陳強去幫呀伯手。
此刻既允行，佢甩開呀怡隻手，好有型咁講咗句，
”我都要上去幫佢地手。”
咁我呢？我仲發緊呆訓係地下，扮緊死，希望佢地發現唔到我。
或者，有人會問我點解有枝槍都唔去射佢地。
因為，自從綠毛毛講咗佢係人之後，我唔忍心開槍，。
可能綠毛毛佢只係呃我話佢係人，都有可能佢真係人。
當我射殺佢地後，可能會殺死既係怪物，都可能殺死既係人，但我唔可以隨便咁殺一個生命...
同埋我真係驚...
話時話綠毛毛去咗邊？我左望望右望望都搵唔到。突然，係我身後面傳出一聲”媽～咪～”
原來係綠毛毛，佢做緊咩？佢係到扮緊死，我爬過去同去講，
”綠毛毛，其實你可以唔洗扮死，佢地只不過想捉我地，都唔係你。”
綠毛毛指住遠方坐係到既呀嬸，對住我講
”媽～咪～”
究竟，哩一位呀嬸係咩人，點解綠毛毛咁懼怕佢呢？
"呀伯，我地黎幫你嫁！”陳強率領住多人行去呀伯身邊。
突然，呀伯好痛咁慘叫咗一聲，跟住就仆低，以單手支撐住地下，面容扭曲得十分緊要，
眾人都對呀伯突如其來既痛苦叫聲嚇親。
我訓係度係好緊張咁諗，係唔係毛毛佢地有超能力令到呀伯受傷呢？
如果係既話咁我地哩到所有人都無一個走得甩，仲難過走出恐嚇鬥室。
正當眾人上前想扶起呀伯時，呀伯伸手叫佢地停止，佢話
”最鋒利既刀都有生銹既一日，更何況係人？”佢摸一摸佢條腰，對住大家講
”假如，有一日我地仲有機會係街上面撞到，我哋會點吓頭，然後，你就會發現...原來我...
有關節痛！？”
我心諗做乜鳩，呀伯當場霸氣盡失。而陳強同其他人準備後退既時候，佢地已經被毛毛佢地包圍。
此刻，陳強開始面色發青，之後佢一手捉住咗個呀伯，同毛毛講
”毛毛，我地黎幫你嫁！”
我頂你個陳強呀，講到咁口響，見邊面個勢勁企去邊面，而係遠方既鬼佬Dicky都破口大罵
”What柒you doing now?"
而索女係佢側面好好奇咁問咗句，
”咦，乜你識中文既？”
”I am sorry. I don't understand what you say..."
當Dicky講完哩一句野既時候，佢先知自己原來講錯野。
”乜你唔係話自己第一次黎香港既咩？仲話自己唔識聽中文！”
唉，我都唔得行理佢地打情罵悄，而家最緊要係諗方法途離哩一度，而我都有幾個方法...
A. 毛毛佢地唔知我係扮暈，我可以趁機碌出門口。
B. 神不知鬼不覺咁著返件粉紅毛毛套裝。
C. 叫綠毛毛吞左我落肚，再叫佢嘔返我出黎。
D. 同毛毛佢地死過！
我會點做呢?
毛毛佢地開始不斷哮叫”媽～咪～媽～咪～”，
之後開始衝向陳強佢地。而藍毛毛都係牆成功拔返佢隻牙出黎，眼見佢毛髮直豎，好似充滿住怒火。
佢朝住呀伯衝過去，而陳強同大家都黎唔切反應，想走都走唔到，一齊遭殃。
只見毛毛佢地圍住陳強佢地，場面幾混亂。
就係佢地圍緊陳強同呀伯既時候，我拿拿林著返件粉紅毛毛套裝。
我行埋去綠毛毛身邊講，
”喂，走啦，我地之後再從長計意！”
綠毛毛都點頭贊同，我地緩慢咁向大門進發。
呀怡同揚惠都見到我咁做，異口同聲問我
”你要去邊？”
”我想走一走，之後趁一有機會再返黎救你地。”
呀怡捉緊我隻手，同我講
”你以為我會信你咩，係你帶毛毛佢地番黎，我絕對唔會比你走！”
見到呀怡咁嬲，我都唔知點應佢好...而揚惠挪開呀怡隻手，同我講
”我永遠會相信你既決定，我等你...”
估唔到，揚惠先係最理解我既人，同女神相處咁耐，佢都唔明白我為人，但係此刻只有揚惠你最明白我...
係我行到門口附近時，橙毛毛無拉拉係門口附近衝出黎，搭住我膊頭同我講
”媽咪～”
你都係講返中文啦屌，我唔識聽呀！點知，佢又真係講中文，無拉拉拎咗枝簫出黎，同我講
”吹～吹～”究竟，佢想暗示啲咩野呢？
而隔離既毛毛都聽到橙毛毛所講既野，都行過黎圍住我，而佢地個樣睇黎好興奮...
我望一望佢地散開既位置，只見陳強佢地暈咗係度。
而我面對咁既場面都難免有少少怯，究竟我要點做？所謂既吹吹又係啲咩野意思？
咦，點解我隻右手好似摸到啲幾硬既野？冇錯，係一碌碌既...
當我摸真啲，發現有少少窿。我望一望後面，綠毛毛係我身後，原來，佢比咗枝笛我。
橙毛毛同其他毛毛都拎樂器出黎，開始合奏一曲。
哩個場面應該就好似Keroro佢地共嗚咁。
可能其他毛毛都未見過粉紅毛毛，或者粉紅毛毛可能係毛毛界既女神，所以先對我咁興奮。
”突特得 得特特 突特得特突..."音樂演奏其間，有啲毛毛拎包媽咪麵出黎伴奏。
但去到中途，佢地都用奇怪既眼光望住我同綠毛毛，係唔係因為我無同佢地合奏呢？
好彩我對笛都有少少認識，快樂頌、龍的傳人同天空之城哩幾隻歌我仲有少少印象。
係哩一刻，我再唔出手...我就會比佢地懷疑嫁啦...
我要進入我記憶既深處，將失落既樂譜記返起黎！
係啦！係咁樣啦！好彩小學個老師成日逼我吹哩隻歌！
m m f s s f m r d d r m m r r
m m f s s f m r d d r m r d d
r r m d r m f m d r m f m r d r s
m m f s s f m r d d r m r d d
我放低手上枝笛，大家個樣都表示好驚嘆，我同大家鞠躬表示吹完。
藍毛毛佢地都被我既技藝嚇親，連說話都講唔出，遠方既呀怡佢地望住我，從佢既眼神我睇得出...
我今次仆街啦...
藍毛毛佢一臉困惑，眾毛毛都將我包圍起黎，好兇咁望住我。
綠毛毛佢都要掉轉槍頭企係藍毛毛佢地果邊，
咁都啱既，如果佢仲同我一齊，佢應該會比其他毛毛發現佢同我係同黨。
”你睇吓佢地幾合拍！”係遠方既大嬸行過黎，而毛毛佢地都自動讓出一條路比佢。
哩一吧聲似層相識......係啦！係媽咪麵廣告女旁白把聲！
果然聽聲J人真係信唔過，真係好後悔當年我聽完把聲去.......
唉，唔好提啦。
”同我捉住佢，唔好比佢走。”橙毛毛一野攬住我，
而哩一位大嬸行到黎我面前，好仔細咁望住我，佢講
”你知唔知你點會被大家發現呢？”
想陰我要我講中文？我先唔會咁易中計，睇我扮藍毛毛佢地啦！
”媽～咪～”
”哈哈，真係有趣，睇黎你遲啲都會融入佢地既生活。”
咩野生活？個呀嬸想講啲咩野呢？
正當我被佢地鉗制既時候，突然聽到毛毛佢地既慘叫聲！
由於我被包圍住，我睇唔清楚出面發生咩事。唔通係大叔佢黎救我？
從毛毛群之中，我聽到既說話係，
”放開佢！”哩一把係揚惠既聲！佢居然衝過黎拯救我？
毛毛佢地個個都擰轉面望住揚惠用捨身撞擊，但係點解要係佢黎救我！
”比你地見識一下愛的摔角技！一切都係為咗James！”
毛毛們相繼被打敗，雖然我一路都覺得揚惠擁有相僕手既身相，但係估唔到佢係摔角手...
唔得，我要同佢講清楚其實我係唔愛佢，
”走啦揚惠，其實我愛...愛...愛...”
咩事，點解我咁暈...我望住大嬸，係佢手上面有一枝噴霧。
我眼前一黑，即將暈去...
係暈之前，我好似聽到揚惠講
”我明白你既心意啦！”
唔好暈住呀，比我講埋落去先啦...