我參加了籃毛毛演奏會: 人
”對唔住呀，我有男朋友啦”索女回答。
此時，有一位外國既地中海髮形男子出場，
”佢就係我男朋友啦，佢叫Dicky，係我啱啱識到嫁。”佢伸出手黎，睇黎想同我握手
”Hi, I am Dicky. Nice to meet you.”
呀...呀...呀屌，連續兩次咁既打擊，
真係人到顛，我講野都開始語無倫次，
”Hi, I am James. I go to school by bus...”點解好地地一個人會叫做Dick？仲要叫Dicky？
我最唔明點解就係有人會簡Small Dick做男朋友，仲要係地中海既！係唔係只要係外國人就冇問題?
”其實我啱啱都係諗住開吓玩笑，唔洗咁認真既。”我笑住咁希望兜到，點知女神又係到話，
”玩弄感情唔好笑囉，只有感情專一既人先得人鍾意。”之後，佢攬住允行既手臂，好甜咁樣笑。
我玩弄感情？我先係被玩弄感情果位好唔好？
生日送禮物比我，夜晚同我Whatsapp，上堂又成日撩我傾計，出街又次次搵埋我，一唔開心就搵我落街吹水。
算係點先？我係唔係只有做兵既份？
陳強見到咁既情況，於是佢就賞試轉移話題啦，
”話時話，你個朋友著住件綠毛毛套裝咁耐唔辛苦既咩？不如叫佢除出黎啦。”
”哦...佢件野應該係除唔到既，佢真係綠毛毛黎。”
當我講完哩一返話之後，成間房既空氣就好似凝結住。只見附近既人目瞪口呆咁望住綠毛毛，
而綠毛毛都唔好意思咁企定定係度，講咗聲
”媽咪～”
陳強將我拉埋我去角落頭到同我講，
”你傻咗呀你？你知唔知係邊個捉我地返黎嫁？係藍毛毛佢地呀！”
突然間，有位呀伯都企出黎同我講，
”你有冇攪撚錯呀，帶隻咁既怪物返黎，你係唔係想害死我地？”
成間房都開始嘈吵起黎，佢地開始包圍住綠毛毛，而綠毛毛都開始進入憤怒既狀態。
我突入人群之中，行到去綠毛毛附近同大家講，
”大家冷靜少少先！藍毛毛佢地都有好人同壞人，佢係黎幫我地嫁！”
”屌，你不如話中國都有好人啦！”有一位後生仔加多把口。
”係，中國都有好人，不過唔多。但係，我同哩一個綠毛毛相處咗一陣，我發覺佢品性唔差！”
呀伯又講啦，
”屌那星，點講佢都係一隻怪物啦！江山易改，品性難移呀，細路！”
綠毛毛佢忍唔住要出手啦，一野捉住呀伯條頸，係佢眼面前咆哮，
”媽！！！！！！咪！！！！！！！！！！！”
我快速咁捉住綠毛毛隻手，叫佢冷靜少少，佢放返呀伯，
”大家，如果綠毛毛要殺人，個呀伯一早就死咗。佢係怪物？你地憑咩以貌取人！”
企係遠方既揚惠突然好感動咁笑了，之後好含情默默咁望住我。
”有時人既心會比怪物更可怕，但係眼前哩一位你地所講既怪物，
唔理同伴而去救你地，佢係唔係怪物？”只見全場都進入沉默，而佢地仲未知我同綠毛毛其實有協議。
我問綠毛毛啦，
”綠毛毛，我之前問你係人定怪物，咁你今次要好確信咁答我問題。”
綠毛毛沉思幾秒後，佢指住自己，好艱難咁講
”媽....媽..吔....吔....人...."
”你地聽唔聽到？你地所講既怪物都好努力咁講自己係人，佢本身發生咩事佢自己都唔知！
有好多野佢都唔想，有好多野都冇法預計，有好多野都係整定，但係，我同你地講，
如果你唔相信我同綠毛毛，咁我地大家都好有可能注定要死係哩到！”
我講完哩一番話之後，手都震埋，我都唔相信我會係咁多人面前講咁多野。好！等我食住個勢上啦！
我指住大門同大家講
”如果想走既，就跟我黎。”
大家都比我果番話感動到，佢地個個都跟隨係我身後面，我行到大門既位置，我先發覺有件事好古怪。我問陳強，
”明明度門都冇鎖，點解大家都唔走既？”
”咩冇鎖呀，如果冇鎖我地一早走哂啦。”
”真係冇鎖喎，我地入黎果時都係就咁打開度門。唔信既我試比你睇。”我握住門柄，
”我推！咦？我再推！”點解推唔到既，莫非度門係只有出面先開到？
大家都開始有少少鼓譟，用兇悍既眼神望住我，我好尷尬咁笑住唱，
”哈...一推再推，只想推出這門裡一分一吋，原來多麼可笑～係啦，推唔到喎，幾可笑呀！”
我啱啱仲要講到一定出到去咁，今次真係霸氣盡失。呀伯又開始屌人，
”屌，大家唔好再相信佢同綠毛毛所講既野，佢地肯定係捉我地果班人既一份子黎！”
此時呀怡又駁返佢，
”如果佢唔係黎救我地點會黎哩一度呀，你個40後用吓個腦諗野啦！”
我唔相信度門開唔到，我要試多次！
今次，當我一推，門真係移動了，大家都表現得十分驚奇。
而度門打開更大時，我地都比眼前既野嚇親，成條走廊都係毛毛佢地！
而開門既正是藍毛毛！
此刻，呀怡係我身後冷冷咁講咗聲，
”你個衰人...”
當呀怡講哩一句野既時候，雙眼係帶有怨恨，而我都唔敢直視佢。
但係又唔係我帶佢地黎，做乜要叫我衰人，我都係受害者呀！
究竟，點解佢地會知我黎到哩一度？
我不斷咁環顧四周，發現有一位呀嬸係遠方坐係度，表現得極為冷靜。
當佢發現我望住佢既時候，佢冷笑咗一吓。
不過我都唔得閒理佢住，拿拿林關返度門先。
今次我醒咗啦，知道度門係推出去，咁我緊係拉實對門嫁啦，
而藍毛毛佢都係出面同我地角力緊，係到拉到門。
言而，佢地好似放哂手咁，守株待兔咁等我地，
”澎！”佢地撞咗入黎，我屌，道門雙向嫁。
房間入面既人不斷咁跑，希望避開藍毛毛佢地，但係只有呀伯企出黎奮戰，
”你地班怪物同我聽住，你地想我隻揪你地咁多個定係你地隻揪我。”
之後呀伯一野除去佢件恤衫，露出一身肌肉。
而藍毛毛都上前想同佢較量一番，呀伯擺好架勢表示
”康文署太極班資深會員！”
而藍毛毛都擺好架勢表示
”媽咪！”
只見藍毛毛衝上前去，而呀伯就不動如山，佢地兩個既對戰就係咁開始了。