於這個Wtsapp群組中輸入名字，他就死路一條: 其之二十一

其之二十一)
 
「妹妹嘅傷勢相對較輕...小姐呢...我都勉強可以幫佢搞惦。但後生仔你就必需入院，因為你對手傷得好嚴重。」
 
畫面回到診所中，張樂平已經為我們的傷口妥善處理，唯獨雙手的情況不大樂觀。
 
「我哋依家點去醫院呀...」我語帶無奈，畢竟之前已分析過這會惹來警方的追查。
 
氣氛沉靜了兩秒，樂平輕聲說：「喂，我醫生黎架嘛...批張轉介紙唔難嘅，加上我本身就有醫院工作，識得人多，每日燒傷嘅人無一百都有幾十，總之前因後果我會幫你編個故事，你跟住做就OK啦。」
 




忽然間我覺得世界還真不公平，我們苦惱至極的事來到樂平手中就如流水一樣，揮灑自如。
 
雙手雖急切，也不及另一件事重要，我瞪著樂平說：「入醫院嘅事之後再講，我需要知道你點查到我哋個名，同我哋電話號碼有咩啟示。」
 
梁一懿與阿空各自點頭，對此事同樣著緊。
 
樂平伸伸懶腰，吸了一口氣，緩緩的說：「當然會講，我既然出現，就係要話俾大家知點做，經過埋阿偉件事，我相信你哋三個係信得過嘅。」
 
「首先，有無聽過幾年前一單新聞，八達通出售個人資料？」
 




我們三人暗暗點頭。
 
他再說：「咁你哋又知唔知，啲大陸App或者大陸睇片網，最賺錢係邊方面？」
阿空嘗試回答：「廣告？」只見樂平搖搖頭。
 
此時我隱約猜到一二：「賣個人資料？」
聽到我的說法後，樂平舉起拇指：「全對！」
 
「依個世界之所以有私隱條例，正正因為你哋根本無私隱，所以整啲例等你感覺上安心啲，你申請信用卡又好八達通又好，申請討論區Acc或者Facebook，都有機會要用電話登記。你部電腦，亦晨早俾唔同人種咗九千隻病毒。唔係搞你唔到，只係未搞到你，或者你無價值搞。」
 




「講真你日日收咁多宣傳電話，你幾時出現咗『你身份好神秘』依個錯覺呀？咁邊啲人可以查到你身份？好簡單，有錢人、政府、上流人士。」
 
媽的，這是《社會黑暗面講座嗎》？
 
可是樂平示意這只是開端。
「同我同期畢業嘅同學或者當時認識嘅師兄師姐，大多都做梗公司嘅高層，有金融業、通訊業、政府部門，應有盡有。查幾個號碼，易如反掌。」
「而且有兩位特定人士，我仲可以喺佢手機上做手腳。」
 
梁一懿心頭一震：「唔通係我？」
這時阿空亦問：「即係點？」
 
而樂平也沒有賣關子，直接將當時的過程描述出來，他說只要在電話上裝一個預定程式，此程式會隱藏於手機中，隨時檢查你的行蹤，再厲害的可以控制電話的鏡頭開關以作監視，亦能竊取其所有通訊紀錄。
樂平從首兩天的觀察中，發現梁一懿與大部份的校工關係友好，所以買通了他們，令他們假意借梁一懿的手機一用，樂平亦從暗處極速將程式裝上去。
同一套路，在陳仔身上亦通用。
樂平表示其他人警覺性較高，所以沒有機會，加上陳仔與梁一懿是Android機，安裝這種程式的難度較低。




 
就這樣，樂平可隨時查探梁一懿與陳仔的位置。
「哥哥！你估你做梗《竊聽風雲》呀？你犯法架！」梁一懿驚叫。
「我唔犯法你死咗啦！放心啦，因為時間有限，我裝嗰隻只係Check到位置，無偷睇你其他嘢。」樂平輕鬆回答，這也解釋了為何他會出現於小徑上，及時解救我們。
 
我一聽立時拍枱：「咁仲唔睇下陳仔係邊！！」
樂平攤攤手：「一早Check咗啦，佢熄咗手機...無Network我就Check唔到...大佬呀我又唔係專業駭客...」
 
難得有線索可尋回自己手機，卻好夢成空，我更覺忐忑...相信阿空會有同感。
 
當然，樂平雖不加害我們，也未有特別理會我的感受，自說自話：「另外電話號碼，我推斷到一啲嘢...」
 
「大家嘅第四個號碼，非4即2；尾數，非1即3；而且九成人第四個號碼都係4...」
「852係區號，無咩意思，第一個Num係限死咗9或者6同5，無咩參考作用。咁之後嗰7個號碼就成為關鍵...我哋全部人嘅號碼都係跟依個方程式。」
 




『XX(2/4)XXX(1/3)』
 
「前部份嘅XX係兩數位，後部份XXX係三數位..即係咩呢？」
 
樂平一邊說，一邊用油性筆在紙上畫，我毫無頭緒，唯有請他解畫。
 
「我諗到嘅係經緯度。緯度數值係0至90度之間，指示某一點，地球球心連線同地球赤道面所成嘅線面角。赤道以北叫北緯，赤道以南稱南緯。」
 
「而經度數值就係0至180度之間。分別係東到180°或向西到180°。」
「咁我哋試下將1234代入東南西北，就會變成咁。」
 
『XX(南/北)XXX(東/西)』
「啱啱提到，南北緯係0至90度，而東/西就係0至180度。正正係兩數位同三位數。」
「記唔記得之前講過我哋大部份人第四個Num都係4，即係北緯。因為世界上大部份土地都係北緯，南緯主要係南極洲...」
 




梁一懿忍不住問：「你指我哋係代表一個地方？」
樂平笑一笑：「自己將啲數代入去咪知囉。」
 
Admin：
+56 32 272 1093 (27°S；109°W)
阿空：   
+852 X3541381 (35°N；138°E)
我：
+852 X564 0231 (56°N；023°E)
樂平：
+852 X5740043 (57°N；004°W)
Fiona Yu(Selina)：
+852 X1940993 (19°N；099°W)
LEE Ming Wai：
+852 X4040581 (40°N；058°E)




OneTwoThree(梁一懿)：
+852 X3441091 (34°N；109°E)
陳：
+852 X5420031 (54°S；003°E)
 
 
樂平說：「我係57N；004W，蘇格蘭境內，講真位置其實好大，我都唔知代表啲咩，但查地圖見到好多唔同名嘅LOCH(湖)，我就諗起Loch Ness。」
我補充：「尼斯湖...」
「無錯，曾經鬧過水怪，湖底地形複雜，極多洞穴。海深達226米，所以人類仲未可以完全探測尼斯湖，加上水怪傳說，不可思議。」樂平說。(精準座標為57°18′N 4°27′W)
 
梁一懿亦拿起桌上的地圖：「我係34°N；109°E，中國西安...」
「中國西安，你個座標有大量遺址同陵墓，不過講到最神奇，一定係驪山秦始皇兵馬俑。史學家仲未明點可以整到咁宏偉嘅工程。」樂平指出位置(精準座標為34°38′N 109°26′E)
 
阿空一邊查看，臉色卻變得難睇：「我係35°N；138°E...日本富士山？呀..我知啦... 係富士山旁邊嘅日本青木原樹海...自殺勝地...高度隱密，因為地下蘊藏豐富磁鐵礦，指南針都會失靈，有大量靈異傳說。」(精準座標為35°47′N 138°61′E)
 
 
樂平此刻一掌拍在椅子上：「無錯。如果《亡選》係無法解釋嘅現象，我哋持有依個電話號碼都代表住『不可思議』。」
「尼斯湖；青木原樹海；兵馬俑等等如果都係造物主偶有失手，造成世上無法解釋嘅現象，對於我哋依班被選中嘅人，將《亡選》賦予我哋又有咩用意呢？」
 
世上真的有造物主？如果有，又是何許人？我們是被操控，還是可反客為主？
我的是「56°N；023°E」，
立陶宛北部城市希奧利艾，這裡有一座人稱Kryžių kalnas的地方，中文名是「十字架山」。
這山上充滿著十字架，現已超過50,000個。
確切的起源無人知曉，又是誰裝上第一個十字架？
 
我就是「56°N；023°E」。(精準座標為56°55′N 23°25′E)
 
「仲有，我已經查到《亡選》名單上嘅人，究竟係點死。」這是樂平的最後一句。
 
PS. 由於小弟直到下星期一都身處外地，未必咁易上到網，所以想請個小假！
下一章於下星期二深夜更新！！抱歉加感謝！