於這個Wtsapp群組中輸入名字，他就死路一條: 其之十九
其之十九)
『LEE Ming Wai； 電話號碼 + 852 X404 0581的使用者』
我倒沒有想過，「身份認證」的界限可伸延到這個領域。我們以往都是就亡者的特別職業與專有頭銜作識認，甚少用一些古怪的認證。
如身高、體重，曾就讀甚麼學校等等都未嘗試過，自然也沒有想像到他的「電話號碼」均可成為身份的識別證...
可是細心思量下，香港特首只有一個，特定的電話號碼也只有一個使用者，其實算得上是有力證明。
我心中發毛，原來當大家進入群組，電話號碼暴露在眾人眼前的時候，一隻腳早就踏進鬼門關。
此刻我恍然大悟，開始了解阿偉為何執意要殺我們。他的真名第一日就出現在眾人眼前，所顧慮的因素必然較多，他可能在一開始的時間已經想到『電話號碼與身份識別』的聯繫，所以一直都爭取領導者的角色，同時讓自己成為輸入者，不斷誘導大家，防治一些奇想出現，不讓人推想到「名字」加「電話號碼」已足夠殺人。
一直背負著這個「計時炸彈」，心理逐漸崩壞，於他而言，雖然極力營造出一和「合作和平」的感覺，但心裡還是覺得死人才不會說謊吧？
所以一開始他就盯上了無甚主見，予人感覺畏縮怕事的陳仔，遊說他成為夥伴。陳仔這種人大概對於可以依附一個強者，感覺很安心。但相信即使事成，我們死光後，阿偉還是會鳥盡弓藏，把陳仔一併幹掉。
不過，有個地方我沒弄明白，即使LEE Ming Wai是他的真名，其電話也可作為認證，但阿偉明明在00:00am輸入了幾個亡者的資料，以每天只有一個名額計算，梁一懿並不能以《亡選》作反撃手段。
「對於阿偉依個人...溝通嘅時間雖然唔係長，但性格上大概係鮮明嘅...阿偉係嗰種盡量令風險變為零嘅人...佢應該都認為今日嘅鴻門宴會出現一啲意料在外嘅情節。例如Selina放飛機咁...一個殺人名額對阿偉嚟講係有意思嘅...」梁一懿慢慢說。
「無錯...我諗阿偉明查暗訪下，我哋幾個個名，佢可能略知一二，至少2號個名人所共知...有咩事上嚟..佢可以動用依個殺人名額...反正佢準備咗咁多嘢，已經無彎轉...」阿空雖氣若游絲，但論點很有力。而她願意說出這句「2號個名人所共知」，看來對梁一懿已無戒心，將她當成同伴。
我亦仔細地回憶：「都係...好多嘢根本係阿偉同陳仔唱雙簧。阿偉話要見面，陳仔就話要收起哂啲手機先...根本就早有預謀..想偷哂我哋嘅手機...到時就只有阿偉控制生殺大權...係喎，點解你部手機無俾佢偷走嘅？？」
我問的自然是梁一懿的手機。
她說：「首先昨日佢輸入嘅亡者名單有古怪，嗰幾個人都係之前由阿偉同陳仔揀嘅...其實個List有幾十個人，咁啱揀中都唔奇，但加上今日係見面日子，就太巧合。同我諗極都唔明陳仔點解要求見面時收起啲手機。」
阿空插嘴：「佢話驚呀嘛，唔係咩？」
「我明啦！係呀！佢驚咩？根本上好矛盾！如果個死亡名額已經喺00:00am用咗，根本無嘢好驚...因為我哋輸入咩名都唔會有反應，所以佢依份執著已經間接反映咗佢知道00:00am輸入嘅名根本全部係假資料...」我靈光一閃。
「最大嘅問題係，依樣嘢由陳仔提出...佢份人咁驚青...點會夠膽提出依啲嘢！講真，由阿偉講反而正常，但陳仔講就好失常。所以我開始懷疑佢哋，今日我帶咗兩部手機，俾佢哋Keep嗰部係假嘅，至於開《亡選(貳)》作核實嘅動作更簡單，一早Cap定啲圖，之後用Programe砌個假嘅Prototype出嚟就得啦，其實佢哋如果要我按多幾多制都會穿崩，好在佢哋都大意咗...」梁一懿慢慢解說。
我心想不是他們大意，是你太厲害罷了，居然特地制作一個假App出來...
難怪人家都說「智者千慮必有一失；愚者千慮必有一得。」
阿偉創出一個置我們於死地的火場，利用陳仔作煙幕，搶奪我們的手機，令《亡選(貳)》只剩下他一個話事人，特然留下殺人名額作「安全牌」。誰不知正正是這張「安全牌」，被梁一懿鑽了空子，將其反殺。
至於不報警的原因亦容易想像，因為「被救起」其實等於「被拘捕」。我們絕對是縱火的嫌疑犯，這工廈並非我們的工作地點，亦沒關連性，我們的出現動機成疑，必成調查對象，此時梁一懿手機中的《亡選(貳)》就會見光，這奇怪無比的對話紀錄早晚會被警方推算到《亡選(貳)》的能力。
最後我們有機會被滅口，或令《亡選(貳)》成為政府的爪牙，兩者皆不是吾心所願。
阿空輕輕一嘆：「最大嘅難關...依家先係開始...」
我與梁一懿面面相覷，明白這句話的背後意思。阿偉是生是死無人可以確定，陳仔則在逃，在剛才火場上，那兩個與我糾纏的人可能已葬身火海...
而我與阿空的電話此刻不知在誰人手中，只要對方不爽按一下「刪除群組」，我們的生死亦屬難測。
梁一懿雖然手機在手，但如之前阿空所講，她的名字早就「露了底」，也是危機處處。加上Selina與樂平兩個不隱定因素，實在沒有多少休息的時間...
只是以上的擔憂也非最急切...我們三人的傷勢才是刻不容緩。
躺在大樹的時間愈長，身體的狀況卻愈差...
但以此傷勢到醫院求醫，後果又會回到警方手中...斷估也不能說我們三人在bbq時燒傷吧...
這條小徑雖然人煙稀少，但香港這地方不是無人島，總會有人經過，那時候就是天大的麻煩。
正當大家苦思對策時，梁一懿說：「有件事...我唔知做得啱唔啱...」
我答得輕鬆：「無你，我哋可能都死哂啦，所以你唔會有嘢係錯架。」
「我輸入咗名字之後，怕最後都會死喺度，所以喺《選擇者》群組入面都留咗一句『Selina，阿偉同陳仔背叛咗大家！想殺人滅口，如果我哋有咩不測！要幫我哋報仇呀！』」原來梁一懿當時買了個保險。
阿空說：「究竟Fiona Yu打緊咩主意？」
我亦忍不住問：「其實你係咪一早已經查到佢係咩人？」
這問題單刀直入，如果阿空已對我們完全信任，應該會說出真相。
正當阿空點頭之際，我們的身後卻出現一陣腳步聲。
「吓...哇...好耐無跑過步啦...好似..好似都未算太遲...睇嚟...都係幫你哋處理下啲傷口，再包紮一下先，其他嘢，我哋之後再傾啦。」
出現於眼前的是一個男人，頗為俊俏，年約30上下，此刻穿著恤衫西褲，架起一副黑框眼鏡。簡單描述就是一個斯文的書生型。
我略帶疑問：「先生...你係邊個？」
他露出微笑：「張樂平。」
PS. 下一章節於星期二深夜更新!感謝!!