於這個Wtsapp群組中輸入名字，他就死路一條: 其之五

其之五)
 
「懷禮，唔好亂郁呀，唔係一陣把較剪會整親你架。」這是一把最溫柔的男聲，他在修剪我凌亂的髮絲。旁邊有一個女人，是他的助手。
 
「爸爸，點解你要搵助手嘅？」我抬頭望著他，期望得到答案，在柔光的照射下，他的笑容更溫柔。
他稍稍舉起雙手，左手拿著髮夾，右手拿著剪刀，苦笑說：「因為爸爸得兩隻手，拎唔哂咁多嘢囉。一陣仲要用到風筒、毛巾，所以咪要搵個人幫手囉。」
 
我還在問：「老師話人類以前係馬騮仔，因為想聰明啲，所以慢慢進化，無咗條尾，但腦部就發達咗！咁遲下爸爸係咪會進化到多幾隻手出黎架？？」
 
此時溫柔的目光轉為凌厲，他雙手托起我的頭：「懷禮，記清楚，睇清楚。究竟人類有無真係改變過。所謂進化，係真定係假。」




 
「呀！！！」我嚇然醒來，舒一口氣，原來剛才的只是夢。不，應該說是其中一段童年回憶。看來太疲累的關係，剛才不自覺的睡著了。
望見鏡中的自己，似乎也遺傳到這個藝術家老爸的剪髮技術。
 
「大鑊！幾點！」差點忘了12:00pm與「不屑Emoji」有個約會，幸好時間是10:40am。
此時「不屑Emoji」已留下Wtsapp：「怕醜仔，唔好放我飛機呀！」
「On the way」面對這女人，我也不想再開甚麼話題。
 
12:00pm，我準時到達機場二號客運大樓，但並沒有直接走到Food Court。我站在比較遠的區域視察，想先確定她是甚麼人才走過去相認。
保險起見，我還戴了墨鏡與口罩。




我向「不屑Emoji」發出短訊：「喂，點知邊個係你？我到咗啦。」
 
突然有人在我膊頭拍了一下，我不禁冒汗：「佢點知係我？」
我一轉頭，卻發現此人是男人！而且穿著警服…
 
「先生，你喺度做梗咩？麻煩身份證，同我想睇下你嘅隨身物品。」這男人說。
似乎我的墨鏡口罩…加上鬼祟的舉動，被誤會成恐怖份子…
 
的確倒楣…
「阿Sir，我等人咋…嗱…我係得啲銀包紙巾…咩都無啦…」我不想引起途人注目，唯有認低威。




 
阿Sir也沒有留難：「得啦，Check埋你個身份證都走得。」
正當我以為脫險之際，一把女聲卻從旁邊傳出。
 
「阿Sir，依位先生係我朋友，無咩事呀嘛？」
 
這女性年約廿二、三，眉清目秀，高樑高高，嘴角帶痣，身材偏纖瘦。而重要的是，她穿著空姐的制服。
 
阿Sir面對女性，立時變得像慈母一樣：「無事，我Check埋張身份證就OK。」
 
如此情況下，阿Sir OK；空姐OK；但我就「P哂K」！
如果空姐就是「不屑Emoji」，我的身份證就在咫尺之間，簡直是災難。我用凶狠的眼神射向空姐，著她不要亂動。
 
空姐嫣然一笑，背向我說：「放心啦，我唔會偷睇，我都唔想咁快就打破咗大家嘅互信關係，啱唔啱聽呀，怕羞仔。」
 




她…果然就是「不屑Emoji」，劉月儀。