《我炒咗車之後入廠訓咗四年覺》: 開學日三人行
啊，原來咁快就到暑假嚕。
晴晴好似去咗日本旅行，暑假又得返我一枝弓。
冇記錯嘅話，我個表弟好似今年升中一。
8月中，三姨媽又一次出完trip返嚟香港。今次佢去嘅地方好近，就係去澳門啫，所以佢帶咗唔少豬肉乾比我…
仲有我個表弟。通常三姨媽出trip果陣，佢都喺屋企交比工人照顧。
佢真係好好彩，因為佢有個好注重子女成長嘅媽媽，為咗比佢上咗中學之後有更好嘅成長，佢炒咗個工人。
不過三姨媽又周不時要出trip喎，冇理由留低佢一個喺屋企嫁？
於是呢…
====================
今日三姨媽又帶埋佢個仔，即係我個表弟嚟揾我。
我：哈囉！三姨媽、貓仔！
表弟：哈囉！紫霖表哥！
其實表弟佢真名姓石，化名石仔。
不過如果要比較邊個似貓嘅，表弟一定贏我唔少，佢先係真正嘅"貓仔"！
講外型。身高得1米3，體重好似得26kg多啲，我真係一手抱得起佢嫁！
論行為。如果你有養貓，你試吓揾手指撩吓佢塊面吖，有啲貓就會將個頭輕輕挨落去手指度擦吓擦吓。嗱，佢就係呢啲貓喇！講嘢把聲又高人八度，試過叫佢扮貓叫聲，我估都有真貓聲嘅8成。
論性格，非常活潑好動，乜遊戲都鐘意玩，不過主要係小學雞玩開果啲。
總之就一係個成長唔哂嘅表弟，身高行為都似小四。不過勝在過樣生得好得意，所以喺小學好受歡迎。
基本上表弟同我一齊嗰陣都好痴我，所以我同佢都好玩得埋。
不過今次三姨媽嚟，原來唔只係帶佢嚟玩。
三姨媽： 阿霖，我有啲嘢想問你…
我：嗯？
三姨媽：我想叫表弟嚟你度住…
我：吓？…嚟我度…住？
三姨媽：遲吓我會炒咗個工人。你知啦，我成日都出trip，到時又冇人照顧佢…
我：但係表弟o唔ok先？
三姨媽：我問咗佢喇，佢話ok啊…
我：嗯…咁…
最後，佢都係嚟咗我屋企度住，我又多咗個細佬喇陪我喇。
三姨媽：吖係喎…你架AE86要9月初先送到嚟喎。
我：吓…唔係嘛…
三姨媽：你就揸住姨丈嘅benz先啦…
我：…
其實架benz係架豪華古董嚟嫁…
嗱，你睇！
喂大佬！我唔想咁觸目啊！
====================
開學日。
我同表弟近6點9先起身，我地滋滋悠悠咁準備返學，7點9先出門口。
呢個時候晴晴就喺屋企門口跑出嚟。
晴晴：呃…貓仔早晨…快啲啦遲到喇遲到喇！！
我：唔駛急…我送你返學吖。
晴晴：你送我？
我：跟住我行啦！
晴晴：咦？佢係…
晴晴終於留意到表弟。
我：佢係我表弟，暑假開始嚟我度住。佢又係叫貓仔…不過你都係叫佢石仔吖！
表弟：嗨！姐姐！
晴晴：哇！！好得意呀！！
表弟：姐姐！你係咪紫霖表哥嘅女朋友啊？
啊？！
晴晴：啊？我…佢…我地…
其實我都唔肯定我對佢嘅感覺，係真摯嘅友情，定係愛情？
我唔知道我唔知道我唔知道…
我：誒…你估吓？
我地一行三人慢慢行去我架車。行到我架車果陣，晴晴同表弟都"哇"咗出嚟。
表弟：哇！你好勁呀！
晴晴：哇！你幾時考到牌嫁？！
我：3月中囉，係我冇講之嘛…
晴晴：衰啊你…又唔同人講…
我：上車啦！
晴晴：好豪華啊！
表弟：好舒服啊…
晴晴：古董嚟嫁？
我：係啊。我開車啦，坐穩！
====================
好快我地就到咗學校。佢地對於我嘅駕駛表現表示非常好。
不過落車嗰陣，我地就惹嚟好多師生嘅目光，搞到我周身唔自在…
咁又係嘅…架車仲要靚過校長架車…
晴晴：係呢，你今年咩班？
我：3E啊，你呢？
晴晴：我7B。石仔呢？
表弟：1D班啊！
我先同表弟喺1樓分開，再同晴晴喺學校樓梯3樓果層分別。
我：我行果邊啊，係咁先！bye bye！
####################
班務時間開始咗冇耐，隔嚟位嘅樂兒就靠個頭過嚟…
樂兒：喂喂！今朝車你返學果係同學嚟嫁？
我：係啊！
樂兒：邊個嚟嫁？你男朋友？個樣ok喎…
我：我鄰居之嘛，不過入過醫院4年，出返嚟之後就考車牌，今年讀3E啊…
樂兒：哇！form 3就揸車，真係勁喎！佢咩班啊？ 介紹比我！！
我：你估吓？
呃…唔好意思啊，唔好同我爭仔吖唔該，最好嘅朋友都冇情講。
不過…唔知佢對我嘅感覺點樣呢？
唉…
####################
早會之後我地班返到課室，求其揀咗個位置坐低，習慣性呼一口氣。
好耐都冇返過學喇，環境依然都係以前個樣，仲有唔少熟識嘅老師仍然存在。
不過同學呢就…
呢度我一個都唔識，搞到我有啲唔自在添…
"咦？你咪啱啱揸benz返嚟果個同學？
" 哦？
我擰轉個望一望佢，係一位女同學。
形容一吓佢個樣，平陰長髮，戴黑粗框眼鏡，個樣有少少陽光女孩感覺，好似成日都會笑咁。
我打量一吓佢成個人…
高過我！
唉…自卑！
我：喔…嗨…