《我炒咗車之後入廠訓咗四年覺》: 新同學
女仔：嗨！…上年未見過你嘅？
我：我今年先返嚟讀…
同一時間，班主任肥陳有啲嘢講。
肥陳：各位同學，今年我地班多咗一位同學，對大家嚟講係新嚟嘅。張紫霖…
女仔：哦…啊？返嚟？
肥陳：張紫霖！！
我立即回一回神：係！！
肥陳：你比全班同學認識吓你吖！
我：喔係…頭先陳sir都講過，我就係張紫霖，大家叫我阿霖都ok…
同學A笑問：咁你英文名係咪叫chilam啊？
我笑答：呃！比你地發現咗！
同學B：咁你咪同張智霖差唔多名？哈哈哈…
肥陳：佢咁啱同張智霖差唔多名啫…其實陳同學佢7年前已經喺度讀嫁喇！
同學C大叫出嚟：咁佢咪留咗級3年囉！
我見到其他已經喺度恥笑緊我…！
肥陳：呢層…等佢自已透露啦！
我：我唔係留級…我只係入廠訓返三四年啫！
肥陳：聞說你好似唔只"訓"返三四年喎！…
我：呢啲嘢大家get到就得啦…
肥陳：坐低啦！上堂記得唔好掛住追女仔啊！
睇嚟佢講呢句係別有用心喎…
同學D︰結衣又成功收兵嗱？
結衣：nani？！
我：上你嘅堂啦！你再講信唔信我叫你多毛…
肥陳大驚：得得得！唔講唔講！
我坐返低。
原來我隔嚟位呢個女仔叫結衣…個名好特別。
結衣：哈…張智霖！
我：呢個世上又多個人叫錯我個名，學啊寶話齋，人類總要犯同一個錯誤。
結衣：哈哈…鬼叫你叫張紫霖咩…張智霖！
我：係"紫"啊…by the way，你係日本人？
結衣：一半啦。
我：一半？你係混血嘅？
結衣：係啊，我中日混血嘅。
我：哦…
結衣：呃，未自我介紹。我姓松本，你叫我結衣就得喇。係呢，今朝搭你車果個係你女朋友？
我：唔係啦，我鄰居嚟之嘛！青梅竹馬嚟嘅。
結衣笑笑：哦。咁得閒要帶我去遊車河喎！
後座同學D突然亂入︰結衣你收兵都收得好進取喎！
結衣：nani？！
我：一嚟，我新牌仔嚟嫁咋！二嚟，我冇諗過當兵，唔好意思！
同學D︰喔！失敗咗！
結衣：呵呵…
同時我眼尾見到佢用一種另眼相看嘅眼神望一望我。
====================
放學時間。
成班同學一敬完禮，就向住同一目標高速前進。
結衣同我並唔急住走，我地並肩而行。
結衣：係呢，你住邊度？
我：柴灣。
結衣：咁啱嘅？我都係喎！
我：你住邊頭？
結衣：樂軒臺。我可唔可以…
結衣將尾音拖長，我已經估到佢想點。
我：嗯，咁一齊吖。
我帶結衣去到我架車度，晴晴同表弟已經喺度等緊。
我：呢位係我新同學。
結衣：嗨…我叫結衣啊…
表弟：嗨！結衣姐姐！
晴晴只係微笑一下。
結衣：原來你就係阿霖提過嘅青梅竹馬？
晴晴：係，叫我阿晴得喇。
我：啊晴，佢住樂軒臺，我車埋佢，ok嘛？
晴晴好似有啲黑面，我睇得出。
我仲諗住講，算喇我唔車喇。
晴晴：架車你嘅，你決定啦，我冇意見。
佢好似有啲發晦氣咁喎…
都係上車先。
我：上車喇！記得扣安全帶！
上車後。
結衣：chilam，呢個係咪你細佬？
佢指指表弟。
我：唔係，佢係我表弟。晴晴啊？
晴晴：嗯？
平淡嘅語氣。
我：我同表弟，轉頭過嚟揾你食飯好嗎？
晴晴、表弟：好啊！
晴晴立即180度轉變！
哈…我暗暗苦笑一下。