《我炒咗車之後入廠訓咗四年覺》: 成功考車牌嘅禮物

估唔到話咁快就上哂堂，一過咗18歲即刻有得考筆試、上駕駛訓練班。 

呢啲嘢其實唔難嘅啫，話哂我都係隻巴膠仔嚟嫁嘛… 

呃…漏口講多咗添！我呢其實唔係好毒果堆同類嚟嫁…唔好岐視我。 

不過無論係對於車迷定普通人，考牌其實都有一定嘅難度…特別係考泊L位，考過嘅巴絲你明嫁啦… 

呃…好彩都pass到！ 





好啦… 

我：三姨媽！我得咗啦！！ 

三姨媽：得咗？ 

我：係呀！考到車牌喇！！ 

三姨媽：喔…恭喜哂！咁真係要慶祝吓！ 





好啦…屈佢一份禮物先！嘻嘻！ 

我：係咪有禮物先？ 

三姨媽：哇！又要禮物？！今劑又想要咩呀？ 

我：電單車！ 

三姨媽：嘩…你真係貪心！ 





其實我除咗波棍考貨van牌之外，我仲考多咗個電單車牌。 

我：嗯…唔送都唔緊要啦… 

果吓我真係覺得有啲失落。 

三姨媽：你姨丈當年有玩開車嫁！電單車都有…你揸佢果啲唔得咩？ 

哦…咁都好啲… 

我：咁樣我都冇所謂嘅… 

就係咁，我又多咗架電單車啦！

===================


話咁快，又到咗5月。 

對我地呢類人嚟講，呢個月頭超級忙碌。 

唔理係識定唔識嘅，幾乎所有人都因為同一件大事而忙到踢哂腳。 

電話忽然響起…係多年冇見嘅老朋友阿軒打揾我。 

喺呢個科技發達嘅年頭，有Facebook、有Line、有WhatsApp，但係我同朋友之間聯絡，我地仍然會選擇用電話溝道，少一份已讀不回嘅煩惱，多一份親切感。 

阿軒：喂！chilam bb！ 





我：喂！叫咗你地唔好叫我bb囉！ 

阿軒：chilam b…b！ 

我：唉… 

阿軒：唔玩喇，今日我想出嚟影車啊，你一唔一齊影啊？ 

我：好啊！我今日好得閒… 

阿軒：咁3點9，藍田鐵路站等吖！ 


====================






話咁快，3點8。 

軒仔又打嚟。 

我：喂！ 

軒仔：你到邊呀？ 

我：東隧收費廣場。 

軒仔：嗯，咁轉頭見啦！係咁… 

我：喂！！ 





軒仔：點？ 

我：你出定嚟61R個站先啦！ 

軒仔：嗄？ 

我：我叫你出定嚟61R個站先呀，你快啲出嚟吖！ 

軒仔：哦… 

唔駛幾耐，我話咁快到咗61R個站，同埋個樣呆哂嘅軒仔隔嚟。 

軒仔：哇…！一出院真係唔同哂，仲揸埋車喎！ 

我笑話：哈哈，我新牌仔嚟嫁咋！ 

軒仔笑笑：新牌仔？哎吔！我有啲驚驚… 

我：上嚟啦！我pass唔到嘅就一早搭地鐵嚟啦！ 

軒仔：唔好講咁多，首先去… 

… 








結果，又一個夜歸嘅日子。生平第一個夜歸而冇人鬧嘅日子。雖然我最期待嘅日子終於嚟喇，出奇嘅係，我冇乜太開心嘅感覺。 

而家我反而懷念當年，啊爸啊媽喺度嘅日子。 

唉！