我 , 係咪一個學生時代既贏家 ?: 師妹篇 Part 13.

「喂～乜咁岩呀～」舉高手示意，順便偷偷彈走手上那支煙

「噢....咁岩既....你去邊呀？」阿怡身穿相當簡單的裝扮，像睡衣般的長袖Tee加一條運動長褲及拖鞋

「岩先搞埋D手尾姐....而家返屋企之嘛......你呢？」其實我是獨個只吃飯，因為不甘心讓其他人知道我的心事

「哦...我去村口士多買D野，陪我丫」她帶笑意地伸手拉著我

「Er......好啊」思考秒多後才會答，反正回家除了遊戲之外也沒有什麼事幹，當作飯後散步也不錯



沿途間，我臉上目無表情，不時會流露著膽憂的神色，就算阿怡不斷向我挑起話題，但我也隨便回答過去，
我害怕卓瑩聽到那段留言後，會有輕生的念頭，
情傷而也，望她諒解
女人既Bra扣，可能要男人雙手去解
但女人既心結，就要由女人自己去解
希望，這件事不會生成了一個新的心結。
「愛情使人忘記時間，時間也使人忘記愛情。」－張小嫻

「啊靚妹，你望完未呢？你有無諗好買乜架呢？」駒駒一間小小的士多，阿怡在內專心地周圍盯著幾分鐘，雙手撓放背面的我也等得不耐煩



「妖....咪嘈啦...」她繼續專心觀察，突然驚道「啊！係呢個！老板比支呢Ｄ同三支呢Ｄ我！」她指著頭抽及青島

「吓？」我也驚叫「你打算頭抽溝青島啊？」
勢估唔到，豆腐火腩飯加青島就男人既浪漫姐，頭抽溝青島莫非就係.....女人既浪漫！？
睇黎小弟要返深山修養返幾百年先夠皮追上呢個急速又混亂既時代嚕....
不過頭抽溝青島究竟乜味呢？可以一試.....

「溝咩啊....呢支用黎煮野食，呢支用黎飲架，傻佬！」她拿著「邊呢巴啦」的玻璃碰撞聲從士多走出來

「哈哈哈...小情侶真可愛」士多老伯表情歡愉地打岔，「後生仔，睇實女朋友啊，陣間個廚房無架啦，哈哈哈哈......」



我連忙揮手，道「唔係啊，朋友黎炸朋友黎炸」，阿怡亦都同樣做出否定手勢，便道「我點會同呢個變態佬拍拖！？」

經過一輪與士多阿伯的胡鬧之後，終於出到門口

可能被認定為情侶有所尷尬吧，原本興致勃勃挑起話題的阿怡也半句聲不出，我亦一樣，
不過我有個問題，點解果幾支野要我抽呢？
一出到門口，就將整袋塞進我手中便獨自行走....
直到我家門前，亦沒談過半句，沉默地拿著幾支東東「邊呢巴啦」地走過整條歸家小徑

正當我打算呼叫走得前的阿怡之際，她轉過身，走近來，
伸手接拾幾支頭抽青島後，面無表情問道「食左飯未？」

「Er..........」其實我就已經食左飯，不過是帶點憂心去食，缺乏點開心所以現在有點餓，道「要伯母...啊唔係，要叔母....Er....係唔係咁叫？唉！求戀期啦，無啦啦要食auntie一餐飯好似唔係咁好既！」
客氣說話當然要足，才顯得我斯文嘛....


而上幾回提到，她和她的叔父叔母及表弟共居，而她父母及表姐Miss Cheung就不太清楚....

「咁無計啦！你......」阿怡打斷我對白，道「咁算啦！」我話未講完，她已經相當決絕便向自己家門走，令我突如其來地有點傷心....
真係要唱返首「明明綠燈....轉眼變成紅燈......」

當然，幸運女神會降落在我身上，給予我多一次機會，阿怡這時候轉個頭來問「真係唔黎？」

「黎！！梗係黎！！噢！今晚同阿叔佢隊餐飽！！」客氣說話已經足夠，可以做回自己

呆在她家門前，看著她開門的背影，心裹有種莫名其妙興奮的感覺，話哂都係第一次入女仔屋企，
心諗「如果比我發現埋Miss Cheung都住呢到既話，哈哈哈哈....每晚我都係蜘蛛俠....講笑！！」

向前踏出一步，充足的燈光充斥整個大廳「同我屋企差唔多大.....不過呢到係３樓，我係地下...陰公......」
然後脫落雙鞋，走到客廳找Auntie Uncle打個招呼之際，「哎...點解無人既喂，電視開住又無人睇？」
看著混亂的客廳，不但有棉被又有​枕頭，而且還有幾支空的汽水罐，可見比我間房更凌亂



「喂阿怡！Auntie Uncle呢？」我走到廚房找阿怡

「同表弟去左旅行。」她穿著圍裙背著我答

「咩話！？即係你煮！？」我再次驚叫，阿怡亦被我嚇一跳
由我懂事到現在，從未遇上一個會煮飯的女生，更何況家琪卓瑩，莫非幸運女神今天發福送我機遇...？

「傻架咩，咁大聲，去旅行有咩咁出奇丫？」稍微另轉頭痛罵

「哈哈...梳呢梳呢....咁你煮緊乜呀喂？」純粹好奇伸前個頭，從阿怡背後伸出觀察，再道「嘩屌！呢碟乜鬼野黎？」又再次驚叫

「屌你咩！痴線架？」這次在阿怡耳邊驚叫，所以被她嘔了兩拳，我整個人扒在廚房門口

「梳梳梳梳...咳！咁...想問下你呢碟乜鬼野黎？」身受重傷的我，勉強爬起身看多次



「一陣你咪知嚕～」阿怡突然一副笑笑臉答，但我看到整個鑊鏟都是黑色的物體，而且散發著強烈的頭抽味
莫非...幸運女神玩鳩我？

「哦..哦....我..天台等你」滿臉疑惑的我，恨不得上天台跳過隔壁回家吃公仔面....

十五分鐘過後，

在天台Set好陣既我，嚴陣以待擺出泰臣的英姿並抱著必死的決心迎接霍亂的來臨，「Come on！！Come on！！」

「哎....點解....咁香既？」

「我煮左幾年飯啦...你當我廢架？」阿怡擺出一副得戚樣

「Ｗhat！The！Fuckkkkkkkkkkkkkkkkk！？」在天台仰天驚嘆「明明黑色一舊野，都可以咁好食！！」


其實，果碟係李記鹵味專賣既李記鹵味兼同時間有條友鍾意玩吊環又好鍾意食李記鹵味Ｄ鹵味所以人人叫做吊李鹵味既鹵水雞翼，完。

看到我吃得津津樂道的阿怡也不禁笑出來，
轉眼間，就吃完飯，我代替她執行洗碗的艱鉅任務後，兩人到天台品嚐男人的浪漫－青島
其實我很介意女生喝酒，畢竟一旦喝醉就相當危險，可惜這裡是她的地盤，沒所謂啦。

喝到一半，我兩已經稍有醉意，不斷訴苦自己心事，同時不斷隊，但我認為自己是相當清醒的
稍微記得她父母離婚之裹的家庭問題，
而我亦一大輪解釋當年與家琪及卓瑩的戀情，

不知不覺中，我兩在天台接吻。