我 , 係咪一個學生時代既贏家 ?: 師妹篇 Part 12.5
「愛情是……曾經相愛，卻互相嫌棄。」
引用於葉念琛之保持愛你。
相處得多，只會令人唔識得珍惜，
但相處時間少，應該更懂得珍惜，可惜每次都可能會為一些無謂之事而爭吵，
更何況現在有另一位女生加入，套上人渣的名義後，分手收場
其實有多種方法可以避免這些無謂的爭吵，只不過，每一個年青人，都有種難以解釋的執著。
互不相讓，就是爭吵的起因。
一旦熱戀期已過，身旁又有第三者出現的話，
應該專心現有的感覺，還是別有發展呢.......
前幾天難得相約了卓瑩，都整整一個半月沒相見，可能相處時間少了，溝通的話題隨之亦少，
她滿著升讀大學的口腔，一口都是讀書，溫書，考試，入U
我個人不是討厭讀書，而是討厭在一個不識合的場所聊不合配的話題，
又開始對我有所期望，希望能與她一起踏入同一所大學，
最後因這些成見及偏見下，吵鬧一番。
順便介紹一下新朋友，他叫肥豪，一個高高大大的肥仔，彈得一手好Bass及結他，比我高一Form
但聽說，他是一個失戀王，每次喜歡一個女生，她不是有男朋友，便是被其他人追上了。
有時他會獨自拿起結他獨奏一曲，感慨自己的每段戀情。
雖然不知道Miss Cheung怎會找個失戀王，但這個富有經驗的人，竟然是我一生的兄弟。
「每段戀愛都會認錯人～失戀的冠軍.....」
每個星期三，五都會相聚一起於音樂室練習，
今天亦是第三次團練，由一開始提不起勁到現在得心應手，
原因是.....Miss Cheung，
每次練習完畢都接近夜晚六七點，Miss Cheung在練習完畢後都請我們吃一頓飯，
但每次都在吃到接近尾聲後付錢獨自離去。
順帶一提，
原本我們是閉門式訓練的，但Miss認為要在觀眾下練習才有成果，順便練下膽量嘛
練習期間周不時有其他同學偷偷在門外及窗口觀賞，特別是ＭＫ仔們攬著自己的ＭＫ妹眼見一班學長奏得英姿煥發，睇到出哂水的情景，
想拉走ＭＫ妹她又不肯，自己又葡萄又憤怒的樣子，令人樂此不疲。
但每次Miss Cheung都特意地穿得性感嫵媚，激起我們戰鬥力及續航力，
當然對阿怡沒作用啦，反而她更討厭。
特意地撓起腳座在容易給室外及室內都能夠看到的位置，露出自己的長腿，
我好敢肯定一樣野，如果呢個班房無阿怡又無觀眾既話，水貨佬應該神早衝左過去強左Miss Cheung，當然我會跟機啦，哈哈......
所以我一直懷疑，窒外的觀眾不是來看我們練習，而只來看Miss Cheung的。
因此「MK仔們，你應該係無蝕低架！除非你真係咁專一啦！專一你就唔叫MK仔啦，屌你！」
轉眼間，練習完後，正當我們前往老地方餐廳，水貨佬對Miss Cheung痴纏不放，肥豪就仰天嘆氣
而我與阿怡似兄弟般，聊得正起，互相踏著大家膊頭，細說校中趣事
唔覺意地抽下水她亦無反抗
「假使你也方便～選一週最後那天～不想與我糾纏～也懇請撐到那天 woo hoo.........」
我電話這時候響起，是卓瑩
「喂？」這時候我仍踏著阿怡膊頭
「你係邊？」
「同D Friend去食飯嚕」我照直答
「你今日唔係約左我咩.....」卓瑩口吻非常冷淡
「吓.....？」我皺著眉頭，醒起上星期好似有呢回事又好似無，同時間提出「咁不如聽日啦，今日我約左班Friend」
「又係咁？」她的聲線突然帶點憤怒及哭腔「我緊要Ｄ定係你班Friend緊要D啊？」
「咩又係咁姐！我幾時放過你飛機啊小姐？」我亦用同樣帶點怒氣回應
「你應承左我又....嗚」再道「你係唔係....唔再愛我？」
「唔好咁..小姐，我都好難做架」我放開阿怡，走到一二邊講，水貨佬等人看到亦隨之停步
「我係你女朋友啊....你以前追我都唔係咁架」哭泣聲充滿整個電話
「我知....」再說「咁大家互相將就下都可以姐....」我試著溫柔地解話
「咁我問你，我緊要Ｄ定係你班Friend緊要D啊！？」
「Er.............」我無辦法回應，呢個問題就好似「我同你阿媽跌落海你會救邊個先」一鳩樣，但我並唔係一個重色輕友既人，
我份人覺得女朋友可以再搵，但朋友，係一世既。
不過我講唔出口，每個女仔都有自己既底線，一旦超越左條底線，崩潰程度不可幻想。
「答我啊....嗚」
「大佬...食餐飯姐，唔洗咁呀嘩...」
一瞬間縮靜了幾秒，
「好啊！！你咪去嚕！！唔洗理我架啦！當我死架啦！！」她激怒地說
「唔係...即係我....」我話未講完，電話已經斷線了「痴撚線.....」
我用力踢旁邊的燈柱作為發洩。
我沒有再致電給卓瑩，她也沒有再打給我，可能已經對我心灰意冷了吧，而我覺得，
這種小到不能夠小的事她也無法體諒一下。
只可以說，我和她的路程，或許只差一步便走到最後。
雖然我與她經歷兜兜轉轉才能一起的，該做的事也做過，成就獎杯解鎖都彈滿整個左上角，
愛情就如打機般，有始，亦有終。
在大家心裹，可能，亦準備第二春的來臨。
由飯前到飯後我都沒有出過半句聲，一直呆著，聽著水貨佬的爛GAG，聽著肥豪的愛情歷史，
Miss Cheung照樣都在吃到一半付錢便走了，肥豪亦都一樣，而我與水貨佬走到吸煙區，阿怡便在出面等候，
不竟她住在我隔離。
「無野呀嘛....成程都唔講野既」水貨佬拿起火機點起我咬著那口煙
「唉.........一言難盡」呼出一口煙，再道「都唔明解Ｄ女睇得咁撚執著」
「感情往往就係咁難預料，女人心，海底針.....」他呼出一口煙，「呢個世界，不嬲都係男就女，就係咁唔撚公平」
「嗯......」我點頭
「會過去既......」水貨佬拍一拍我背脊，示意我提起勁
我覺得，雖然付出了不算多，亦不算少才走在一起，但卻在三言兩語下令大家失去昔日的衝勁，太兒戲了吧？
從而間，這支煙變成了男人的浪漫。
第二天夜晚，我獨自吃過晚飯後，我打電話聯絡卓瑩，
但此終都飛到留言信箱，
因為我無可適從之下在留言信箱留下一句
「我地分手啦.....」
我唔知佢有無聽到，但自從當年之後，我兩一直沒有聯絡。
聽著水貨佬介紹Michael Bublé的Lost回家
I can't believe it's over
「我不敢相信就這樣結束了」
I watched the whole thing fall
「我眼看著整件事的失敗」
And I never saw the writing that was on the wall
「我從來沒有看過牆壁上曾經有過字」
If I'd only knew
「我只知道」
The days were slipping past
「日子一天天的溜走了」
That the good things never last
「好的事情永遠不會久遠」
That you were crying
「你在哭」
回家路上，撞到阿怡......