我 , 係咪一個學生時代既贏家 ?: 師妹篇 Part 12.

回到上學路中，我與阿怡有講有笑，她突然從地理書包裹拿出一張紙，是上學期成績表

「你睇下，如果我繼續係咁，下年應該去到精英班」她笑笑著，相當有自信道

「睇過.....」隨便由上至下掃，分數亦算不錯，
不過再往下備註欄看，

全級名次：41/180

「嗯...唔錯呀，考40幾....」意想不到，駒駒一個妹妹仔，考試比我當年仲高成十幾廿名....



但重點不是名次，名次下還寫著：

衣服儀容不整一次，缺點兩個

遲到十次，缺點兩個

遲到都還可以理解，老子我都遲左十幾次
不過眼見阿怡無論校裙長度以及頭髮色澤等等都合格，何來儀容不整呢？仲要一記記兩個
我視線轉向阿怡，「儀容不整？」



阿怡低下頭來沒有回答，而我繼續追問「衰Ｄ咩姐？」

幾秒過後，她才回覆....

「呢到......」她指住自己胸前

原先我都未太了解表達的意思，但再幾秒過後....

「哈哈哈哈.....」晨早流流，大大聲笑，再笑著問「無帶定點呀？哈哈......」


我本身不想笑出來，但幻想起那個情景實在難以忍耐

「有咩好笑呀！」首先一腳踢在我腳上，再道「透哂呀！係咪唔得啊！？」然後一掌拍落我手臂上

「哈哈.....」雙手抱腹，笑過不停，問「咩色架？點透架？比Miss捉定阿Sir捉架？阿Sir係咪啤到實一實啊？佢有無老強你啊？哈哈哈哈......」

「妖！」阿怡順勢搶走我手上的成績表，急步地行走

正當我笑著追上去之際，她轉過身回過頭來，

「賤人！！！」不理會周遭的環境及事物，大聲痛罵後轉身跑走

我愣了一愣，呆在原地看著阿怡的背影，她的背影混入來來往往的人裏，想不到她也有可愛的一面，就是這個情景牢牢捉緊我的心，
亦感覺到這場景有點熟絡，但突如其來無法想起，我沒有追上去，繼續步行回校。



轉眼間就到食飯時間，
我將朝早呢件事，以及主唱呢個問題一五一十講比水貨佬知。

「係好野ｗｏ牛奶仔！咁快搵到！」水貨佬笑容滿臉踏著我膊頭，道「不過估唔到....你岩呢尾野吓，但阿叔我唔怪你既，個個人都有唔同喜好嘛，哈哈哈哈......」

「你講乜撚野姐？」我對水貨佬呢番言論極度不滿，撐開他的手，心諗「點解連你都咁睇....」

「拿，一世人兩兄弟，表妹你食，Miss我食，好無？」水貨佬只係關心食呢方面

「食乜鳩姐，我同佢只係朋友OK！？」我反駁

「日久生情呀奶仔....」水貨佬點著口中那支煙，並噴出一口煙，道「你睇下你同佢咁鬼好傾，又肯座你車，個個都以為你地兩個拍拖啦」

「戇鳩！佢知我有女朋友架」再反駁



「唉....奶仔，友誼萬歲是盡頭嘛...佢唔介意既，你咪上嚕」水貨佬突然間一臉認真的神色，除了彈結他之外，還是第一次見

「仲有，你知唔知咩叫月下美人？」接著道「月下美人即係曇花，曇花只會係黎明時分朝露初凝的果一刻先綻放」

「咁關咩事？」我不太明白水貨佬既道理

「愛情亦都一樣，會係最合時一刻，就會點著火花.....」又再噴出一口煙「曇花會係開花後幾個鍾內就枯死，你呢段感情，亦都曇花咁，唔會長......噢！呢支煙爽嚕」

「咁....即係點？」我追問

「即係我覺得呢條女你食硬既，過程仲好撚正添，但唔會長」水貨佬直接講哂重點出黎，再道「感覺上就如一笑而過，只求燦爛而不求永恆般快樂」

聽完水貨佬幾番話之後，呆下來在腦海裹不斷重複思考

唔係掛....


唔會既....
我無咁傻既....
我有女朋友架，做乜走去搞第2個？
我...........

「情不自禁，You Know？你條女一個星期對唔到三次，呢條女就日日對住，乜都死啦」水貨佬掉走手上的煙頭

「返去再講啦，Lunch遲到化鳩梗架」水貨佬再度跨著我膊頭，「食到同我講聲，我接手你而家呢件」

我點一點頭，

「吓！？你戇鳩架！」立即瞪著笑笑臉的水貨佬

便在胡鬧中一行回校。




其實，曇花的花語代表對愛情的思念、付出一生的追求、犧牲自己的意思。
我希望，代表我對在遠處的人既愛。