我 , 係咪一個學生時代既贏家 ?: 師妹篇 Part 11.

「比ｄ甜頭你啦！」阿怡突如其來一句......................
她從衫袋到拿出一條軟糖，由於等得太耐及太悶所以不到３分鐘就把條軟糖消滅

消滅完既同時，終於等到小巴的來臨.....
平時座單人位的我，今日為左果位小妹妹話唔想同Ｄ麻甩佬座局住座雙人位，心諗「我都係麻甩佬啵！」

座車期間沒有說多半句話，
佢有佢望窗口，我有我禁電話，始終年齡差距係一個障礙，「其實都係差一年多D姐....」

「係呢，上次果個女仔邊個黎架？」阿怡轉過頭來，由她打開話匣子



「仲洗問既，梗係我條女啦！」我玩緊電話同時照直講

「哦..........」她了解後好像有點失望

「咁你帶佢返屋企做咩呀？」她再問

「Er............食飯嚕」心諗「唔通扑野都要同你講咩」

「哦........係呢，你地隊Band搵齊人未？」



「未....未呀，差個主唱同Bass」一講起隊Band，我就諗起Miss Cheung，一諗起Miss Cheung，我就諗起佢隻腳......

「哦.........」再度表示出了解的樣子

「係wo喂，你仲未答我，Miss Cheung係咪同你一齊住？」我立即轉移話題到Miss Cheung到

「嘿嘿...你好想知咩？」她不斷地吊鳩我癮

「想呀，快撚Ｄ啦」我已經開始著急，Miss Cheung住隔離我買定個望遠鏡都得啦，哈哈哈哈哈...........



可惜天真的我，完全正中她下懷，就算我不斷苦苦哀求什至提出條件亦都只回應「唔講WO」「下次講你知」
直到落車，都唔肯答我，所以死死氣走去拎返架單車踏返屋企......
你可能問點解無啦啦有部單車，我答你，因為我老母見到架單車成日擺係到封塵，所以迫我踩返學，
返學條路流流長，搵鬼踩咩？所以我踩到小巴站旁邊就放低佢。

「依！你識踩單車架？」阿怡見我座上單車，雙眼發光，好似前世未見過人踩單車咁

「你係咪食錯藥呀？邊撚個唔識踩單車架！」呢條女相當有問題，離佢遠Ｄ好......

「WOW！載埋我載埋我！！」她歡樂得很走過來，
我還未答應已經跳上後座，起初我還以為她比較粗老只會分開腳座，誰不知又座得幾優雅，合起雙腳打側座上來

「呀小姐，我又話載你咩？你都未同我講」載佢唔係問題，當然要擺下架子



「喂呀！咪咁小氣啦！」再道「你載我返去同你講啦！」

「你話架！座隱啦ＷＯ」

正當我打算出力開跑之際，阿怡雙手捉緊我腰子，整個人拍在我背脊上，胸貼背
「嘩....估唔到又幾有料wo......」，腰測 B→Ｃ左右啦！
但我沒有理會太多，因為我有卓瑩，妹妹仔不太識合我，我反而喜愛姐姐多點...哈哈哈哈.....

我拼命加速，阿怡的裙子都飛上來，不停大喊「停呀！走光啦！！！！」
又怕跌倒又怕走光，唔捉緊我又唔得，禁條裙又唔得，令阿怡處於進退兩難的局面，
但她選擇捉緊我，係大力捉緊。

由村口開始加速加到士多位置，路旁的路人開始多，因為我慢慢地減速，保護女仔嘛；
頭髮都被吹亂了，手感亦覺得冰冷的，
而阿怡....剛才可能被我嚇壞了，就算現在正常速度都捉得很緊，臉及身子都貼著我背脊



「喂....踩哂BRAKE啦，咪攬咁實啦」我說

「哎.....妖！死人頭！！」她整理下頭髮之後雙手拍打我背脊，道「明明叫左你停又唔停，走哂光啦！！」眼眶紅紅的又泠泠地瞪我一眼

「哈哈....玩下姐！玩下姐！」心諗「仲唔比我玩返你一獲？」，另道「唔好嬲啦，慢慢踩返去OK？」

「哼！」呢一次唔係拍啦，係一拳鐘落黎「你試下再咁玩，我打死你！」

「好驚呀！你打撚死我呀！！」諷刺阿怡後，慢慢地踏上回家之路....

在途中阿怡並沒有再捉緊我，只是用手指捉住我的恤衫，

而且沒說太多話，直到她家門前，



「你聽日都會載我架何？」她問

「睇下老子我心情靚唔靚先啦」頭也不回，瀟灑地推著單車走到隔壁

推到我家門前，先記得一樣野「屌！！佢都未同我講！！蝕撚左！！！」



直到第二天早上，早餐還在吃，阿怡已經禁我門鐘，和我阿娘及家姐打個招呼後道「我等ＸＸ傑，佢話載我返學！」

一聽到呢句，我立即被家姐她憤怒地瞪著，而阿娘晨早流流笑到見牙唔見眼，

「做乜望住我呀喂，順便載埋之嘛，諗去邊呀？」忙碌地向老姐解釋

「細佬....你覺得我會信你？」首先拍一拍我膊頭溫柔地說，然後突然出力煉緊我膊頭，大聲喊「細佬我估唔到你係Ｄ咁既人！！正仆街仔！！」



「呵呵呵....咁咪好嚕，唔好搞佢啦家姐」阿娘出手左阻怒氣沖天的老姐，並道「食快Ｄ啦...唔好要人等」

我心諗「做咩姐你地？我條女都係卓瑩WO！」


由於朝早寧靜得很，以免嘈吵到其他熟睡中的人，所以沒有動力去玩弄阿怡，慢慢地踏到小巴站。

在等車期間，有一位處於青年到青壯年的女士經過，目測二十尾，三十頭，我稱她為「人妻」
沿途排隊既每一位男士都被她所吸引而注意她，因為她穿著方面比旁邊任何一位女士開放，性感，暴露，
為何沿經的男士都會注視她？這就是衣著的魅力，不過女人最吸引的，不是衣著，而是身體。

孤泣有一句話：
「若隱若現肯定比全裸更吸引，因為世界有種東西叫瑕想，男人最犯賤，得不到就愈想得到，看不清反而更想看清楚」
所以無論在任何場合扑野我都唔會要求對象除哂衫褲，留低一兩件，反而更吸引，
比人發現都容易走呀嘛！

這位「人妻」拖著自己三四歲的小孩，身穿Deep V長袖Tee露出自己深深的乳溝，再加上短褲配合黑絲及平底鞋形成雙腳修長的效果，
係就係幾正，但有無諗過「都結左婚啦....有無諗過收斂一下？」
呢尾野，Show比老公睇咪算嚕，何必要Show出街呢？
我份人信「一生一世」既，但呢位「人妻」....遲早都係「移情別戀」。

好似我咁......

在小巴上，
「喂阿怡...不如你黎做主唱呀？」

「.................吓？」