我 , 係咪一個學生時代既贏家 ?: 師妹篇 Part 10.

「情場如戰場，要愛....就要搶」
引用於葉念琛之我的最愛。

孫子曰：「 兵者， 詭道也。」，情場如戰場，要愛就要搶。
這句話沿用於男士身上，感覺比較「狗公」
但沿用在女士身上的話......「第三者」「狐狸精」
當然有正面Ｄ既形容啦，不過我唔解釋咁多，
有心儀的對象，狗衝乃理所當然，值得嘉許，拍手支持，
但已經有女朋友亦擁有心儀對象同時間亦都狗衝的話呢？
呢種...究竟叫唔叫被搶？


我，就是犯賤

事源於答應後的三日後早上小息，
我興水貨佬等人被Miss Cheung開學校大喇叭呼叫到音樂室，當時我們在地下走廊邊走邊吃邊聊天，
喇叭突然響起我們的名字，成個人嚇到JUMP JUMP TIGHT咁，以為被發現４樓尿兜事件拉去公審，但臨尾一句到音樂室集合後便身心舒暢....
「屌呀，有必要用大喇叭咩？」水貨佬怒道「我仲有面見人既！」
的確，身旁認識我地既人都望住我兩個係到笑，眼神睇得出係「你兩條仆街仲唔仆街？」
無奈地只好從恥笑中走過；

「咔嚓」音樂室之開門聲，雖然用小息既時間去搞D唔應該係小息時間搞既野，但見係Miss Cheung.....無所謂啦！！


「哎，咁快既！過黎座啦」Miss Cheung座在教師位置，見到有兩個猛男殺到立即轉移方向對住我地，
講解下Miss Cheung今日個Look先，一條白色連身裙加一對平時經常著用的黑色高踭鞋，平時著慣OL look既Miss Cheung，突然間轉換裝扮，
加上她短頭髮的加乘效果，形成就似女神般若的可遠觀而不可褻玩焉....

「係呀係呀！Miss Cheung搵我地咩事呢？」水貨佬立即狗衝到最近Miss Cheung前的座位座下，將大喇叭之事拋諸腦後

「我直接D講啦，我地差個主唱同Bass」
一隊樂隊，最緊要係主唱，一個好既主唱，絕對可以帶起整個氣紛

「主唱我得架！我得架！！」水貨佬好似中左毒咁異常興奮



「Er....其實我想加入D女仔既」Miss Cheung毫無留手直接用語言一巴打落水貨佬到

「嗯...」我純粹點一點頭表示同意，我地又唔係靚仔，梗係搵個靚女吸引全場注意啦

「主唱既話希望可以靠你地搵，最好女仔啦，而Bass就我去搵，好無？」Miss Cheung話說期間同時撓一撓腳，我兩之視線都轉移在裙尾的位置，
在撓腳的一瞬間裙子輕輕挑高，我有意識叫我側一側個頭望，只要側一側就望到入面，但憑我堅強既意志力壓制住淫賤既意識，

「嗯哼？好無？」Miss Cheung托著自己下巴，我們視線立即移離裙尾

「哦....好呀好呀！無問題無問題！哈哈哈哈....」水貨佬諗都唔諗笑住應承

「Good！咁呢方面就交比你地兩個啦，搵齊人就可以練習」Miss Cheung笑逐顏開

「OK，咁我地走先啦Miss Cheung」水貨佬無論表情及身體都對Miss Cheung依依不捨，迫使我用力扯住他走



「哎！咪住！」被Miss Cheung叫停，便道「表演完有獎賞既，我私人送既！」她一臉笑容，聲線我個人認為有點嫵媚
水貨佬聽到後士氣幾何級數上升，然後大力向天大嗌「呀！！！！！！！！！！！！！！！」
可見如果呢到唔係學校，而又唔係比我扯住，佢肯定去老強Miss Cheung。
吸引的女人真係可以激發唔少人...

之後，我將呢件事講比我老死聽，再聽下意見

「唔撚係呀？」耀文拍抬喊道「你以為自己真係得啊？饑餓就亂咁衝，肥婆都變你老公啦」

「吓？得D咩？咩你老公？」懵然的我，不太了解耀文句句名言

「我話你，為左Miss走去打屎忽啊！比佢色誘完黎啊？」

「戇鳩！」輪到我拍抬「呢Ｄ，係我興趣，並唔係為屌而屌既，OK?」



「OK fine......唔好放棄wo，笑柒你架wo」耀文一臉「招積」的樣子，侯人握緊拳頭

「拿！呢獲我撐你啊奶.....」軒仔插入我同耀文對話之際，話未講完便被我打斷「得啦，唔洗再講！座返過去溫你既書！」

「超...超....超....」軒仔表情相當輕挑，再道「咪又係咸濕.....」

「啊...你老尾啊....」從桌上隨便拿起從某女同學借來的原子筆，拉弓對準軒仔，發射！
就因為這一支飛彈，引發一場戰爭......

之後朝鬧了整個空堂直到放學時間，雖然不太記得弄斷了多少支筆，但我仍舊記得參與戰爭的一行人要賠百多元的筆錢。
其實我都係想問野姐。。。。。唔洗罰錢呀嘩

離校後，我獨自走到商場樓下搭小巴返屋企，話哂都係放學時間，條隊特別多人.....
拿出電話聯絡一下卓瑩，聊聊近幾日所發生的趣事，


自從上一次之後就無再見面，電話聯絡亦少，事關在期中考試期間，不能被拍拖影響她的成績，
當然讀緊普普通通學校既我點同Ｄ Band 1學校比，廢事搞撚到人就唔好。

傾左大概十分鐘左右，因為一句「我要溫書啦！今晚再傾啦！」便被迫斷線，
懷著依依不捨的心情，望著電話由通話中變成通話結束，不竟拍拖已經到３個月左右，
駒駒一個試就分開我兩，但我又不能夠用自己的自私去換取自己的快樂。
講講下，由龍尾排到龍中了，十分鐘先排上少少....我屌

「喂！乜咁岩呀！」在我身旁突然有位矮我成個頭穿著我校校服的女性出現，係阿怡

「嗯？......哦！有乜幫你唔到呀？」發緊夢既我，望著阿怡超過十秒才想起

「Er.......其實呢...」阿怡表情含羞答答，唔係想同我表白啊嘩？
我真係咁靚仔咩！？又真係幾靚仔wo！！但我有女朋友啦啵！！唔緊要啦，答兩船啦！！答你老母咩，我係ｄ咁既人黎架咩？



「嗯？」呢獲真係要問過究竟！

「不如....我地一齊排啦」阿怡玩弄自己手指，害羞地望著我

「吓！？即係比你打....嗯嗯嗯嗯嗯」我說話未完被阿怡雙手掩咀

「喂呀！！比我啦衰人！！條隊好長呀...」呢條靚妹竟然向我撒嬌....

「你幫我含撚就比你...講笑！」我笑著說，好在阿怡聽唔到最大獲果兩隻字「幫你咩話？聽唔到啊」我便笑著道「哦無，無野！」

「咁比我排啦！！」她捉住我手臂不斷揮

「哎好啦好啦，行入黎啦」面對撒嬌的女人，我認我不懂應對

「嘿！算你識做！！」唔知點解聽到呢句突然有種想推返佢出去既衝動，不過都算啦...妹妹仔唔識世界....「我有條大啫啫～～～」

事關條人龍真係好鬼死長，我企左差唔多廿分鐘都未上到小巴，有點悶又有點凍，雖然有個靚妹與我聊天，但可以講既野真係唔多

「比ｄ甜頭你啦！」阿怡突如其來一句......................