《我可以做你的樹洞嗎?》: 2.情竇初開

「佑霖......」中五果年既其中一個星期五，由曉凝打開話匣子:「雋瑋尋晚係電話到同我表白呀!」

雋瑋係班上既一個男同學，明眼人都睇得出佢同曉凝都係真心鐘意對方。

「開心死你啦?」其實全班都應該一早估到，佢地遲早都會係埋一齊:「咁你應承左未?」

「嘻嘻.....未喎!做女仔要有啲矜持架嘛!」佢擰轉面，但係佢既笑容已經講左個答案出黎。

雖然佢後來開始同雋瑋一齊左，但係我依然同佢行得好埋。因為我同佢彼此都係對方人生中不可缺少既存在。當然最重要既係，雋瑋唔介意啦。





我以為我同佢真係可以做一世密友架，直到......果一件事發生。

* * *

「點解全校有咁多個女仔，你個個都唔揀，偏偏要揀佢?」放lunch既時候，曉凝擰轉身同我講。

「點解你明知原因都要問?」我雙手交叉擺係心口前:「我鐘意佢，佢鐘意我。就係咁簡單。」

「你明唔明架?」曉凝好大力，一下拍落張枱到，然後班上既同學望哂過黎。





好彩放lunch時得幾條友係班房入面。

「你又明唔明呀?」我反問佢。

但係，佢再冇出聲。只係，擺出一個好嬲既樣。

佢係咩感情都擺上塊面上面既人，我感受到佢憤怒既程度慢慢減退。過左一陣之後，佢起身，再慢慢行出班房。

然後我眼角望到，佢果隻紅哂既手掌。





* * *

「你係確定要同佢一齊啦嘛?」手機既「雀仔聲」傳到我既耳仔入面。冷戰左幾個禮拜既我地，率先由佢打破僵局。

係屋企趕緊功課既我，本身唔想應佢。但係我地訂立過協議:「只要其中一方搵對方，就算幾忙都好，都要即刻應機。」

於是我send左我同嘉渝既親密自拍照俾佢。

「OK!」曉凝即刻覆返我:「以後你既事唔關我事。」

然後我就見到佢既頭像唔見左，最後上線亦都唔見埋。