深缺: 深缺-Part14

前往大澳嘅11號巴士上, 人多到非常， 令到我地唔可以成隊人坐係一齊。 

但亞叔亞姐佢地就好似小學生去旅行咁， 高談闊論， 由車中間講到車尾， 聲大大， 非常沉醉於他們佢地自己嘅世界。 

雖然我對佢地嘅行為並不十分認同及支持， 但係果一刻我轉過黎諗"係囉， 做人輕輕鬆鬆咪好， 做乜要整到咁複雜"。 

一諗到呢度， 多愁善感嘅我不禁慨嘆一句: "時光飛過未見痕" 

當我們經過時間·歷練而使心境到左某一個階段時， 想回到從前， 甚至只是上一個階段， 都變得遙不可及， 甚至是不可能。 





就係我落入輕度思考嘅時候， 李sir 一句" 到總站啦， 我地係度落"就將我帶返現實。 

到左大澳， 今天晴空萬里。 

不過，除了熱， 還是熱。 

落左車， 到左有陰頂嘅地方， 李sir就開始解釋今日行程同隊伍分配。

"幫大家分左組先， 我地今日有十位同學係度。 王生， 你地四個人就分成兩組啦， Carmen你地果邊都係。 咁最後亞Dick 就同Amy 一組啦。" 最後分組如下: 






1. 王生、陸生（亞叔亞姐組A)

2. 鄭生、陳小姐 （亞叔亞姐組B)

3. Carmen, 亞B (少男少女組A)

4. Kelvin, Joyce ( 少男少女組B) 

5. Amy, 亞Dick(我）   





"咁今日大家就係呢度活動， 三點鐘係返而家呢度等， 團體作業後之後五點回程。 

最後提提大家， 盡量影多D大澳嘅特色景物， 而家可以自由活動。"李sir 繼續講。 

我望下錶， 而家大約十二點。 我走向Amy "你好， 我係亞的" 上左咁多堂， 我發現原來今次先係我第一次正式同佢講野。 

不過。。。 

如果時光可以倒流， 我真係希望我今日無黎過大澳; 無參加過攝影班; 無發生過一段。。。   




感情。     









[掛念想著你， 是真實;
回來我身邊， 不可能。]