深缺: 深缺-Part15

"你好， 我係亞的"

"Hello, 我係Amy"

係我地叫做[正式]介紹自己果一刻， Carmen走過黎。

"不如一齊食D野先啦， 都成十二點幾。" Carmen 問我同Amy。

Amy 微笑地望望我， 等待我呢個組員嘅決定。





真係要再講多一次， 佢笑起上黎真係好可愛， 迷人。 佢定眼望住我嘅時候， 我直情感覺到我面紅左一下---就算我已經三十幾歲人。。。

"好吖， 我無所謂， 食D野先都好" 說罷， 我就同Amy, Carmen 佢地一行六人去左碼頭附近間街坊茶記食左D野。

不過，我好快就後悔起黎。

係果半小時內， 我發現我嘅存在好似多餘一樣。 Amy 同佢地嘅話題根本不容我介入。

好不容易， 午餐結束， 我地終於開始起程去影相。





等我仲以為我可以搵返我嘅存在感嘅時候，

點知。。。

"不如我地一齊行吖？" Carmen 又再問Amy。

"好吖， 一齊影~" 今次Amy無問我嘅意見， 直接答Carmen。 可能從我係餐廳入面嘅表現睇黎， Amy 認為我係一個悶蛋。

再者， 一對不太相熟嘅男女， 係搵話題上始終比較困難。





此刻我係咁諗。

幸好， 攝影係一樣頗獨立嘅活動。 當佢地一班人柴娃娃時， 我卻自得其樂享受攝影嘅樂趣。

我地一行人邊行邊影， 係某路口上見到一個路牌， 上面寫住: "左轉往觀豚亭"。

從路牌所指嘅方向看來， 要去觀豚亭應該要行上一段山路。

"不如上去睇下囉？"  Amy 向大家提問。

大家都停左落黎， 互相對望， 但並沒有人有任何結論。

"你地去唔去？" Carmen 問佢個朋友Kelvin。

"唔去啦， 又行上又行落， 我地係碼頭煲下煙等集合好過。" Kelvin細細聲答Carmen。





不過， 佢細聲唔代表我聽唔到， 我亦唔知Amy聽唔聽到。 但事實上， 她仍然期待著我地嘅反應。

"Amy, 我地唔上啦， 我地想係碼頭休息下。" Carmen將佢地四人嘅意向我地兩人表達。

"噢。。。咁好啦。。。"從Amy反應睇黎佢有少少失望。

"一係我同你去睇下？"

發言嘅係我。

"好吖~" Amy 好快就由失望嘅心情回覆起上黎。

同Carmen佢地四人道別後我同Amy 就向路牌所指[觀豚亭]方向行去。












[我相信， 不打擾你也是愛的一種， 你同意嗎？]