(真正完結)《時光能夠重新來一遍...》: 三十九，不安(一)
鏡頭再轉，LunchTime完結的時候。
「你睇！都話夠時間架啦，我地飲完茶都重有五分鐘剩低。」譚倩怡咬著牙籤道。
剛剛我和她跟芷欣午餐的選擇竟然是到稻香酒樓吃飯，現在三個人肩並肩的回到學校五樓走廊。
「邊有人放Lunch走去飲茶架...」芷欣拿著酒樓的結帳單無奈的笑道。
「重要揀一蚊雞黎食，負心漢完全無諗過我地食唔哂 ! 」譚小姐不屑的凝視著我的肚子。
談起"飲茶"這個動作，我馬上回想起一個人。
自從音樂營完結那天起，她就再沒有出現過在我面前，只有偶而跟我Whatsapp聊兩句。
沒錯，就是海瑤。
聽聞她最近所有小息和LunchTime的時間都忙著籌備中六級畢業典禮的準備工作，因此少了出現在我面前。
「係啦，負心漢你同個新同學相處成點？」譚倩怡輕聲的問。
那個人...
「危險人物黎，我唔係講笑。」我眼神認真的道。
「下啊？咩危險先？」譚倩怡再追問。
「連我都驚左佢...佢原來好壞...」此時芷欣有點擔憂，急不及待插嘴。
「總之一句講哂，女仔唔應該同佢玩得咁埋。」我拍拍譚倩怡膊頭「你地以後小心啦，我去廁所先。」話畢我就往男洗手間走去。
「咁我地翻班房先啦～」芷欣從背後道。
一會之後，在洗手間裡。
身體的"壓力"終於得到舒緩，我整個人精神抖擻在洗手盤前清潔雙手。
突然，另一邊洗手間傳來兩把人聲，聽起來像發生爭執般。
「估唔到係呢間學校都見到你喎，二五仔。」聽起來有點陰森的聲線。
「我咪話左冇爆你大獲囉！你重想點啊大哥！」這把聲線聽起來非常懼怕的叫喊著。
「你以為你做過既野我會唔知？下啊！」伴隨一聲咆哮之後，「呯」的一聲緊接傳來。
「呃啊！」聲音痛苦狀。
發生什麼事...
我們學校的洗手間構造是分開兩邊，從門口走進來會看見有左右兩邊的洗手間空間。兩邊均有所屬的廁格洗手盤等等。
而我，就一直在另一邊的洗手間靠牆竊聽內裡情況，不敢貿然走到隔壁的洗手間。
「垃圾，之後有排你受啊！」話畢，另一邊就傳來腳步聲，而且愈走愈接近一牆之隔的我。
我馬上一個小跑步跑到廁格裡躲起來，然黎探出半個頭來窺看著情況，怎料...
陳仲賢...？
從另一邊洗手間跑出來的身影，竟然是他...
待他完全離開了男洗手間後，我很快的走進剛才另一邊不斷傳出爭執聲的洗手間。
懷著有點緊張的心情走到那邊，我發現有位男學生雙手掩著腹部，靠著隔板的坐在廁格內的地上，表情非常痛苦似的。
「你有冇事啊？！」見狀我走到他身邊多管閒事的問。
這個男學生注意到我的存在，緩緩的抬起頭打量我全身一下「我冇事，唔小心撞左落洗手盤姐。」
找籍口也找個合乎常理點的吧，撞到洗手盤什麼的你在騙三歲小孩嗎...
「真係冇事？你好似好痛咁喎。」我無奈想伸手撐扶起他，怎料...
他一手甩掉我的手，然後自行慢慢站起來「都話冇事囉咪煩啦你邊位啊！」
這種語氣態度也太欠打了吧？難怪...
「其實頭先我聽到哂成個過程，你係咪比人打啊？」聽到他的說話後，我單刀直入認真說。
「咩話...你聽到哂？」他驚訝的臉色過後換來一陣子苦笑「係比人打咁又點，佢轉左黎呢間學校...玩完啦...」
「你唔洗怕喎，有咩唔怕同我講，我同你一齊去搵訓導。」我嘗試用溫和點的說話，希望能打探些情報。
「冇用架...」他開始了緩慢的步伐，一步一步的往洗手間門口走去「你聽到哂頭先講既野又點？我勸你唔好多事，扮乜都冇發生過啦。」
「點解？欺凌人呢個問題好嚴重，唔可以容忍...」
「你最好唔好比佢發現你知道佢既秘密...如果唔係...後果就同我一樣...」最後他回首的凝視著我，道出了這一句忠告。
換句話說，意味著他是個危險人物嗎？
這個新來的轉校生，陳仲賢。
有著一副頗為帥氣的面孔，身高與我差不遠的一百七十多厘米，讓女生為之瘋狂。
從第一刻見面的時候，就覺得很難掌握這傢伙的內心世界。
明明擺出冷淡如水，視而不見的表情，但語氣態度卻意外的奸詐。
究竟他是何方神聖？我不曉得。
只知道，若不想有麻煩，我必須要跟他保持距離，防範他。
「叮噹叮噹～」LunchTime後的上課鐘聲響起。
就這樣，我戰戰兢兢的回到班房就座。
再次坐在陳仲賢的身邊，一直感受著他身上散發出來的古怪感覺。
「咦，下堂係上咩堂啊？」坐在身邊的陳仲賢微笑的問道。
他居然可以在人前人後擺出兩副面孔...果然是個危險人物。
如是者，一直保持零交談的我終於順利撐到放學。
「果然，好難同佢相處...」我背起書包走到芷欣身邊無奈的道。
「辛苦你啦～」芷欣坐在椅子上勉強的笑道。
「其實我重發現到佢...」我故意把頭哄近芷欣耳邊輕聲道「一個秘密。」
「唔？」芷欣歪歪頭。
「佢好似...係有"背景"既人黎。」
「點解咁講啊？」她再問。
「LunchTime我去廁所，睇到佢欺凌人。」我小心翼翼的道。
「即係...佢打人啊？」芷欣一語道破。
「嗯，聰明喎。」
「講真架？點解會有個咁恐怖既人黎左我地學校架...」芷欣聽狀擔心的道。
「我成日都有種不祥預感。」我的表情更加困擾。
話畢的剎那間，腦袋的舊患久違的復發了。
我痛苦的用手掩著非常欲痛的額頭，突然腦海浮現出一個難以置信的畫面 。
芷欣眼神迷糊的敞在地上...
畫面一閃即逝。
「你冇事啊嘛？」芷欣看到我痛苦的表情問道。
「冇事...又頭痛姐。」我搔搔頭道「係啦，一陣我又要去覆診，今日陪唔到你翻屋企啦。」
芷欣聽狀搖搖頭「唔唔，唔緊要啦，我會小心架啦嘻。」
「咁你要...」我伸手摸摸她的腦袋「拿拿聲翻屋企，翻到去就即刻Whatsapp我啦。」我的眼睛憂心的很。
「知啦蠢材，你睇下你～」芷欣雙手捏著我兩邊臉頰笑道「笑下啦！我知道你好擔心我會比個個人煩，放心啦我唔會有事架。」
「嗯...知啦。」我斷斷續續的道。
我都把自己的心情通通寫在臉上了。
鏡頭一轉，與芷欣分別後，現在來到了要覆診的醫院外的街道上。
怎麼久違了的頭痛又會再伴隨幻覺出現...
=以下內容與本文無關，純作者9UP)=
(哈囉，跟住落黎係我一小段廢話呀，先同有追開文既讀者黎個五體投地既道歉先)
我翻黎啦，真係好唔好意思。
闊別左紙言應該有成1年既時間?
之前煩學業問題同自己有段時間好負面好無力
迫住放低篇故仔...
而家正式做左廢青，可以繼續翻寫作呢條路。
多謝仲留係到期待我呢篇故仔既你地支持=]
人長大左，經歷左更多野，啟發左我好多。