[真人真事]唔知你地既初戀係點架呢 我既初戀係咁: 初戀(第三章)

有一次我同MIKI去睇戲，套戲既內容幾特別，個故事係講個男主角本來係17歲果陣係一個學校入面既藍球精英，佢當時同緊一係女仔一齊，佢地兩個當時都好深愛對方，男主角係某一日要進行一場好重要既比賽，個比賽贏左既話可以令佢保薦入大學，但係比賽中途個女主角同佢講佢有左小朋友之後就跑走左，男主角面臨前途同愛情既選擇，佢結果當時放棄比賽去追返佢女朋友

二十年之後，男主角因為事業唔成功，佢每日都埋怨女主角，怨自已當日點解要放棄前途選擇愛情

之後一次巧合，男主角既年紀變返去佢自已17歲果陣，上天比男主角再選擇多一次...

其實套戲有好深既意義，但唔知MIKI係諗唔到定睇唔明，佢覺得套戲好普通，我睇完之後諗緊幾樣野，我想問大家

1.如果有一日你見到未來，你知道你同你既某一位將來會深愛對方，但係會因為某D原因而一定要傷心地分開既話，而且唔會忘記對方，比多次機會你地，你會唔會選擇都同果個某一位開始?





我諗咁既情況下大多數人都選擇唔會，理性D諗無人會想選擇錯誤既結果

2.再問多一條問題，如果你家陣既情況係"你"已經"你同你既某一位深愛對方，但係"已經"因為某D原因而一定要傷心地分開既話，而且唔會忘記對方，比多次機會你地，你會唔會選擇都同果個某一位開始?

當時已經係度諗，我興幸自已唔識踩單車同遊水，我興幸自己鐘意係MIKI面前認叻扮識彈結他，可能我少左一樣缺點，我們MIKI都無辦法相愛，我果陣係度諗即使將來會有個咩既結局，我諗我都唔會後悔，再比我選擇多一次，我仍然想介爆多次腳指，食多次無味既蛋糕，送多次驚喜既花，

而且要再一次擁抱對方