大家好，我叫阿俊，今年五歲: 大家好，我叫阿俊，今年五歲(2)
大家好，我叫阿俊，今年五歲(2)
講起我阿哥，其實佢份人都真係無咩洗錢觀念。
老豆雖然話有錢，但係佢管錢都幾嚴，成日會特擊搜查我阿哥個銀包。
我好記得，阿哥上星期比老豆抽check完個銀包，就比老豆鬧到狗血淋頭。
「衰仔！點解銀包入面有咁多張$1000蚊....」老豆囉晒阿哥銀包D $1000蚊紙係手(目測應該有14張)「.....但係一張散紙都無??....點解啊....?」
「er...er....因為你....你無比....」阿哥比老豆嚇到背都縮埋
「真係！我同你講左幾多次，你出街唔好淨係帶$1000蚊。袋多D散紙出街！如果唔係坐巴士、地鐵無散紙，你話幾咁唔方便呢？」
「哦....」阿哥係咁點頭
「衰仔！依依哦哦咁，攞多D散紙出街啦...」老豆拆左一棟有透明膠包住嘅$500蚊，比左D $500蚊紙(目測應該有18張)比阿哥
老豆真係料事如神，前兩日果然阿哥坐巴士八達通負左錢。好在佢有帶$500蚊散紙出街咋，如果唔係比$1000蚊坐巴士都真係好甘啊！