[FF] [甜故] AINYs──再說n次我愛你: Chapter 3 Part 3A - 選戰風雲
去年的同一個時間，我也在做同樣的事。
學生會選舉的烽火，再度燃起。
直至今日－－9月2日，暫時只見有一個候選內閣「Gingerbread」張貼海報－－但是聽聞今會有兩個候選內閣……但仍然尚沒有任何的音訊。
而且同日「Gingerbread」在facebook開了一個專頁並闡述其政網及福利等……而候選主席是……去年上錯賊船，被我們擊敗之內閣中的那個女孩子。沒有那班毒撚的束縛，她更能盡情發揮她應有的表現。
而我向她詢問選情，她指有另一個候選內閣，但至少仍未見有宣傳活動。
我和Coco（即是那位去年上錯賊船的女生）也有過一些交情，再加上Gingerbread也有提出一些實際而可行的政綱，表現積極。我決定支持Gingerbread，投入他們的陣營。
令我想不到的是這次選舉會成為「福利之爭」，以及兩閣隔空口殊筆伐，引起罵戰。
過了幾日，學校在一夜之間變成了另一個世界－－另一個候選內閣「英超聯」也正式開始競選工程。四處都張貼了他們的海報……但內容似乎空洞，並無實際政綱。他們的facebook page也是一樣，空有宗旨及願景，欠缺政綱內容。加上，英超聯中的人，我一個都不認識，又如何支持得心安理得呢？
從開學直至今日為止，Gingerbread依然處於上風。
當英超聯推出比Gingerbread略勝一籌的政綱以及啟動打手競選機器之後，兩閣之差距開始縮短。
第一式：上綱上線
「請問你們『Gingerbread』的內閣標誌與Android的Gingerbread圖案在某程度上相當類似。請問你們事先有沒有得到Google的同意呢？」
下一步就是會指他們侵犯版權云云，但想不到那打手居然有另外一招，只因Gingerbread做了一件很正常，根本沒有問題的事－－Cap圖。
Gingerbread將Cap圖再post於facebook上，以將提問加以討論，怎料……
「你哋未經我本人嘅同意就cap我圖，嚴重侵犯我嘅肖像權同埋私隱！我要求道歉同刪除圖片！」
好！好！好荒謬！此話一出馬上引來罵戰，我先姑且吃一吃花生。但之後愈演愈烈，已到了一個無理取閙，接近失控的地步。我呢個前任主席feel都喺呢個moment，要爆啦。
所謂的肖像權、私隱在這個話題都只是一個用來上綱上線，攻擊的工具。根本毫無根據，站不住腳。
我只是說了一句，罵戰馬上停止。
「香港並沒有肖像權。另外，任何人皆可使用在facebook公開頁面的資料。」
第一招雖未發功完畢，但已經被我所破。雖然如此，這件事已對Gingerbread的聲譽有所損害。
自此開始，我開始對英超聯有反感，並有成為Gingerbread打手的傾向。
第二式：賄選
到了選舉的中段，兩個候選內閣的勢力都不相伯仲。在兩者都未能取得突破之際，英超聯開啟了一條全新的戰線－－福利大戰。
他們在一日之內推出近200項的優惠，以錢海戰術來攻陷同學，實行以利誘來買選票（嚴格而言：賄選）。
Gingerbread面對他們的戰術似乎開始顯得無力，雖然他們之後也有跟隨推出大量的福利和商鋪優惠。但始終都失去了先機，英超聯似乎有超越Gingerbread之勢。
雖然我已升上中六級，但許多同學仍然投入在其他活動之中，將HKDSE視為無物。而班中也有許多英超聯的支持者，更有部分同學成為了助選團，加入協助競選工程。
而坐在我前方的正是一群英超聯的支持者，甚或是競選義工。
「呢啲係隔離間學校候選學生會提供嘅優惠…睇下我哋可以再攞到幾多……」
我的心情簡直是和我參選時相差無幾……我盡力地窺看他們的清單……最少又有數百項不同的優惠……驚嚇，這難道是他們的秘密武器？
我馬上將我所知的告訴給Coco。
「唔撚係啩！成幾百個喎大佬！點夠人哋fight呀！」平時小鳥依人，溫馴可愛的Coco也爆粗起來，可想而知事態有多嚴重。
「屌你咁撚樣咪即係賄選？」
「我知，但係你都……」
「我都冇咁出面呀！而家即係鬥優惠多姐！大佬呀！而家係選學生會，唔係揀女婿呀！」
「如果人人都好似你咁諗，禮義廉都唔會成日贏啦！」
「唔……」
「無計啦……你除咗同佢鬥jetso之外呢，你唯有鬥智啦！」
「鬥智？即係點呀？」
「你咁叻女，實明嘅！」不知道是我故作神秘還是她未能參透。這一次……居然會愛你變成害你。
*
根據廖植標紀念中學的學生會會章規定，上一任的學生會主席是需要主持學生會選舉。而我也順理成章成為今日選舉的主持。雖然說主持理論上要保持中立，但在這裡，誰都有自己的立場，自己的喜好。
綵排前遇見李sir，正如他今天上課前說過。兩閣都勢均力敵，不知誰勝誰負。（在我打電話給Coco之後，她更推出了海洋公園及迪士尼的入場優惠，以及加緊派發宣傳品，才把形勢挽回至50/50）
以往的形勢在正式選舉前都十分明顯，但今次的選舉卻仍鬥得一個難分難解。李sir，在這時候說了一句：「最緊要係陣間辯論提問嗰陣表現要好，唔係乜都嘥氣。」
It begins.
「廖植標紀念中學2011至2012年度第17屆學生會幹事會選舉諮詢會正式開始，首先請兩個候選內閣上台。」
再一次，主持理論上要保持中立。但奇怪的是，主持的位置卻在觀眾的左方，即Gingerbread的旁邊。
「首先簡單今日嘅流程……」很爛的司儀稿……給我說的話，我絕對不會這樣說，可惜我不能在此爆肚。
簡單而言，今日的程序如下：
主席發言（每閣5分鐘）
互相質詢（每閣3題，3分鐘問，2分鐘答）
台下質詢（每閣7題，2分鐘問，1分鐘答）
總結（每閣3分鐘）
「根據較早前嘅抽籤結果，先請候選內閣英超聯發言。」
「校長、各位老師、各位同學：午安。我係學生會候選內閣英超聯嘅主席陳家銘。首先多謝各位同學自我哋宣傳參選至今對我哋嘅支持，我在此先向大家致謝。」他還躹了一個躬……用不用玩得這樣大啊！你也不是在道歉，更何況你根本沒有胸……道歉時露出胸部是常識吧！
「英超聯，應該在座嘅同學都有唔少係睇過嘅……」大佬！你現在在講波嗎？「但係用英超聯做學生會嘅內閣名又係咩意思呢？英者，精英也。由一個有好多籌辦活動經驗嘅人組成嘅一個學生會，肯定是精英中的精英，凡事精益求精，務求為大家做到最好！」
「啪啪啪……」故意的停頓位，拍掌的可能是造馬。
「至於超，係超越嘅意思。代表我哋將會超越以往任何一屆嘅學生會……」超越？問過我哋未呀？我哋都已經超到離晒大譜喎！
「超越自己、突破自己、突破學生會嘅界限，同時亦帶領同學超越自己嘅界限！」屌你老母呀！邪教呀？
「而『聯』就係要聯合學生會同同學，令大家更團結。藉住各種活動，促進各位的友誼……」行了行了，你真的是和那些「好假嘅肥仔」有得比。
「跟住請候選內閣Gingerbread發言。」
「校長、各位老師、各位同學：大家好。我係學生會候選內閣Gingerbread嘅主席蔡芷澄。今年係我喺呢間學校嘅第五個年頭。正式參選學生會之前，我食咗一塊薑餅。」
好撚好笑呀屌你老味.jpg
Coco呀……鬥智不是這樣鬥的……
「呢一塊薑餅令到我諗到一啲事，除咗係一啲自己嘅事之外，亦都令我諗到一啲喺學校生活嘅苦與甜。學校嘅生活有啲時候或許未能盡如人意，就好似薑餅嘅甜同辣一樣。而我哋將會令大家感受到當中辣中帶甜嘅感覺。即係點呢？我哋就有一條短片可以畀大家睇下。」
電腦放在的前方的講台，Coco走過來打開已預先開啟的YouTube頁面，同時投影幕徐徐降下。
Coco按下Play。
「係唔係好開心呢！大家明……」因片段緩衝不足，停止了播放。
Coco……
「因為……技術問題，片段暫時播唔到……大家可以上我哋facebook fans page度睇嘅……」唉……播片你預先download下來好嗎？Coco。
李sir說過，當場的表現是勝負的關鍵。
「跟住落嚟交畀副主席講吓一我哋成功爭取咗嘅優惠。」
「大家好，我係副主席李采儀。我哋已經成取爭取咗各大商戶嘅優惠，例如迪士尼入場劵七折、海洋公園入場七五折……」原來在他們的心中，福利戰尚未完結。民建聯成功爭取……
各樣的數字不斷報出，假若現在才進場，可能會以為自己進入了傳銷講座。
It's over. The game is over.
*
在我角度而言，Gingerbread的角度已經是差強人意，成功當選出現危機。
Round 2：互相質詢
「現在先請候選內閣Gingerbread向英超聯發問。」
在這一刻，我對Coco完全失望。
「你哋英超聯之中嘅幹事黃凱旋，」Winky……即是李采儀以嚴肅的口吻問他們「喺facebook用chat問我哋嘅其中一位助選團成員……」Coco走過來開啟了一個PowerPoint，投影片中有一張圖，相信是所謂的有圖有真相。
我以一種不悅的眼神瞪著Coco，但她似乎不明所以，而同時嘩聲從台下同學發出。
「話到底我哋主持蔡芷澄畀咗乜著數佢，令到佢支持Gingerbread。呢一種係非常嚴重嘅指控，係涉及賄選，我希望你哋嘅幹事黃凱旋可以交代一下。」
自爆地雷，同歸於盡。
「各位同學，」黃凱旋發言「以上係一啲我本人同其他同學嘅私人對話，首先唔應該喺咁公開嘅地方度講。講番呢個問題，我承認以上嘅訊息係由我發出。目的係為咗收集選情，若果係因為咁樣而導致大家有誤會，我喺呢度同大家講聲對唔住。」她躹躬道歉，博取全場掌聲。
英超聯已站在道德高地。
「之後係英超聯問Gingerbread問題。」我有預感，這條問題會把Gingerbread置諸死地。
「我見到你哋嘅副主席李采儀喺選舉之前一天喺課室入面係將我哋英超聯嘅宣傳品撕毀之後掉入垃圾筒。我哋認為此舉係極唔尊重本閣嘅行為，我喺呢度要求佢解釋以及係向我哋道歉。」
金翅仆街鳥.jpg
「唔……首先，我當日係喺放學之後喺課室溫書嘅。咁我當時就係用咗一張英超聯嘅宣傳品嚟做算草紙，而我個人係習慣將用完嘅紙搣咗佢再掉。若果你哋係認為咁做係冒犯嘅，我喺度向英超聯致歉。」Winky一躹躬、再躹躬、三躹躬，家屬謝禮。Gingerbread正式玩完。
Now, game is over.
在之後的台下質詢時間，Gingerbread一直被英超聯的打手所夾攻。雖然有不少的Gingerbread的支持者力挽汪瀾發問，但形勢仍不樂觀。
「先請英超聯總結。」
「喺剛才嘅辯論之中，我哋可以聽到同學對我哋嘅意見、睇到同學嘅憂慮、亦到可以見到友閣嘅處事方式係如此嘅唔理想。」雖然好hurt，但這也的確是事實「各位同學希望你哋能夠用雪亮嘅眼睛，睇清楚事實，選擇一個適當嘅……」不斷呼籲，不斷抽水，I have no eye to see.
「之後……請Gingerbread總結。」我的聲線已變得相當泄氣。
「頭先嘅辯論，以至係一直以嚟嘅競選過程，我哋都一直受到狙擊，以及有有心之士以冇理據嘅說說嚟打壓……」
話人打壓，certify。此仗必敗，敗在不夠婉轉，臨場表現欠佳。
雖然到了投票的時候，我仍投下Gingerbread信任的一票，但是……
點票完成時，英超聯歡呼。勝利的一方顯而易見，而票數已不再重要。
知道落敗，Winky哭得死去活來，而賽後李sir也認為Gingerbread的落敗，是由於現在表現久欠佳，他也深表惋惜。
學生會，向來就是一個小圈子。這一間房，一年的時間……由10個人到剩下9個……到現在，我們要全面撤出這個地方。
在新學生會宣誓就任的前一日，就是我們撤出之時。
熟悉的桌子、電腦桌……大家在這房間中度過。開會、打機、獨處……還有和Theresa吵的一場架……雖遠亦近，都歷歷在目。
我們在房內收拾東西，我們留在這裡的東西不多，除了文件之外，幾乎沒有要帶走的東西。而拍照，也已成為必定的事項。
「嗶……嗶……嗶……」相機自拍倒數中，我們9人預備這一幅具有象徵意義的相片……我們全部人跳起，在學生會室門前拍一下張最後的飄浮照。
Leap forward.