【現場直播】365日浪漫進行曲: 第十九章 : 只有礦泉水的家‏

第十九章 : 只有礦泉水的家‏
 
 
千辛萬苦，攀山涉水，終於到達James的家中，其實只是在新城市廣場附近的屋苑，但小弟有傷在身，全程基本上是彩葵扶撐著我的身體，可以想像以她那瘦小的身軀，獨自支撐我這個肥胖的身體，就算是短短的路程也變得異常艱難。
 
" 你。休。息。下。先。。"
 
" 我覺得你。。比較需要休息多D。。你流曬汗。。"
 
" 我。無。咩。事。。有少少熱者。。"




 
" 你坐低先啦。。"
 
" 唔洗。。我企下就ok "
 
接下來我也不知道該如何接話，事實上自己也是全身乏力，無力思考，於是我坐在應該是十分名貴的梳化上，看著站在眼前的彩葵，不知何時她從那裡拿出了手帕，正慢慢地擦掉臉上的汗水。雖然嘴上不説，我心中也知道彩葵的疲倦。真的如傳說般，日本女生總是如此溫柔體貼和賢良淑德嗎？
 
" 其實依到好似算係你屋企黎，點解搞到我係主人，你係客人咁 "
 
" 嗯？又係喎。。"




 
彩葵慢慢地坐在這張L字形梳化的盡頭，全身緊直地安坐立，滿臉不安的。
 
" 你做咩好似好緊張咁？"
 
" 其實我都係第一次黎，所以有D唔慣"
 
" 哦。。嗯？！"
 
？！？！第一次？所以彩葵同James仲未咩咩咩！不過，人地有無咩咩咩，關我蛋治呀。




 
" 你好番D未？仲暈唔暈？"
 
我雙腿嘗試用力，看能否站起身，卻換來又一陣乏力頭暈，再次埋在那張名貴梳化中。本來我就不是那種死要面子的男人，個性上應該算率直，不舒服就不舒服，就算在女神前也會展示自己脆弱的一面。
 
什麼？如果有兩個女神在面前呢？同樣結果，不舒服就不舒服！
 
什麼？十個女神？同樣。。不。。舒服就是。。不舒服。。
 
呀？一百個女神？都係不。。不舒服。。。
 
一百個著比堅尼既女神？？？舒服。。舒服。。舒服。。
 
" Terry ? Terry ? "
 




" 嗯？係！我係到！"
 
" 你無事呀嘛？做咩叫極你都無反應？"
 
" 哦。。我諗都係坐多陣先，個身好似仲係無咩力咁 "
 
" 好，你想唔想食D野？可能會好D "
 
" 好呀。。你煮？"
 
" 我睇下廚房有咩先 "
 
彩葵走到旁邊的開放式廚房中，首先打開了雪櫃，映入眼簾的盡是支裝礦泉水，連一顆雞蛋和大葱都沒有，再打開冷藏格一看，是已經結成冰塊的支裝礦泉水。
 
" 話。。佢平時食咩架 "




 
彩葵自言自語，之後再連續地打開一格又一格的廚櫃，卻發現全都是支裝水，她拿起其中一支觀看，雖然瓶上沒有任何牌子標籤，但瓶子上隱約地看到痕跡，標籤是被仔細地撕下的。彩葵轉身看了看四周，心中不禁浮現出一種奇怪的感覺，卻又無法形容是什麼。
 
" 做咩野呀？"
 
" 無。。不如我落去買？佢屋企無咩野可以煮 "
 
" 咁唔洗啦，其實我都唔肚餓，比杯水我飲下就得 "
 
彩葵看著背後廚櫃中密密麻麻的礦泉水瓶，但她卻沒法伸手去拿下其中一瓶，感覺這些水瓶不是供來喝用的，最終她把櫃門輕輕地關起，拿起了一個杯子在水龍頭前接水。
 
” 唔該曬 ”
 
” 真係唔好意思，好似咩都無咁 ”
 




" 傻啦，有你係到嘛得囉 "
 
" 你呀。。仲係到講笑。。"
 
" 係呀，你都知我幽默架啦 "
 
彩葵對著我微笑後，就低下頭把弄自己修長的手指。看著眼前彩葵的動作，心中突然感覺自己不屬於這?，應該立刻離開這個房子，我雙腿嘗試重新使上力氣，穩穩地站起來，彩葵也抬頭盯著我看了看。
 
" 我走啦，返屋企訓覺 "
 
" 洗唔洗再休息多陣先？"
 
" 唔好啦！我走喇！眼訓！"