【現場直播】365日浪漫進行曲: 第十八章 : 給我一碗豬紅‏

第十八章 : 給我一碗豬紅‏
 
 
" 你仲未止血呀，洗唔洗去醫院？"
 
" 唔洗，一陣就無事 "
 
" 但真係流左好多喎，成包紙巾用曬都止唔到血...... "
 
" 無野既！"




 
" 真係？"
 
" 不如你幫我買盒紙巾，仲有Open Rice check 下邊到有車仔面食 "
 
" 你肚餓咩？"
 
" 我覺得。。好似有少少頭暈。。想食d豬紅鴨血。。"
 
" 咁嚴重？！不如去醫院啦！"




 
" 唔去。。我唔想郁。。好暈。。你快D去幫我買豬紅先。。快 ”
 
" 不過。。咩野係豬紅？我未見過 "
 
" 話。。你D日本妹真係頭髮長，見識少。。總之你話比碗豬紅啦 "
 
彩葵立即動身離去，而我此刻只感到全身乏力，頭重腳輕，整個人軟弱無力地坐在公園的長椅上。剛才在新城市廣場中看到彩葵被人推倒後，我本來打算上演英雄救美的一幕，結果就在快要與兩名男子交手時，不小心被自己摔倒，臉部正面著地，隨即猶如被爆頭般慘烈，鮮血從鼻孔中洶湧而出，白色的地板和身上的衣服染上了艷紅，那股痛楚簡直讓我狠不到把自己打暈。
 
雖然還沒有動手，自己已經身受重傷，但他們反而被我狼狽的一面震住，特別看到我滿面鮮血的模樣，更是顯露出恐懼的表情，迅速拔腿而跑，所以我以自己的方式來救美。




 
" 豬紅到 "
 
我雙手立刻接上，卻發覺連握緊筷子的力氣也沒有，彩葵見狀把我手中筷子接上，耐心地把一塊豬紅夾住，慢慢地送到我囗中，我默默地吞下一塊又一塊豬紅。
 
從傾面看著一臉憂愁的彩葵，那張美人樣貌更多了幾分脫俗，我承認自己一直以來被彩葵的美麗所吸引，但當與李倩或其它漂亮女生一起時，絕對不會想起彩葵的存在。不過此刻看到的彩葵，已經超越了單純以樣貌來形容的地步，同時心中又感到一陣內疚，我竟然讓眼前這名女孩難過。
 
不知不覺地，竟然大膽地伸手觸摸她的臉蛋，彩葵被我的突然所震住，停下了手上的筷子，她沒有抬頭看我，只把視線保持在手上的那碗豬紅上。
 
下一秒，我仰前了身體，與彩葵接吻。
 
但以上只是我個人的遐想，我依然靜靜地吞下一塊又一塊的豬紅，彩葵默默地把豬紅夾到我嘴邊上。
 
" 好D未？"
 




" 好似好番少少 ”
 
" 你咁搞笑，食完野就無事，好似路飛咁 "
 
" 肥仔D體質就係咁，食飽左就復活 "
 
" 咁。。都好夜，我返去啦喎 "
 
" 噢！Ok ! 咁我都返屋企 "
 
正當我站起來的那一刻，突然感到天旋地轉，Shit ! 腳下一軟，瞬間跪在地上。
 
” Terry ! 你無事呀嘛！你做咩呀！"
 
" 無事！無事！"




 
" 你。。起唔起到身？"
 
" 男人點可以起唔到身！"
 
我嘗試再次站起身，但雙腿彷彿不屬於自己的身體，完全不受我的指揮。
 
" Ok！我好似真係有D事。。可唔可以扶一扶我。。"
 
彩葵立刻把我從地上扶起，過程中我好像碰到她的胸部，我不敢去看她的表情，只是感到他往後退縮了一下。
 
” 唔好意思。。我坐一陣就無事。。你可以返去先。。"
 
" 咁唔得喎。。你自己一個。。唔係咁好。。不如。。你去我個到休息下先 ”
 




” 你意思。。去James到？唔係咁好掛，費時阻住你地 "
 
" 佢去左巴黎，唔緊要 "
 
" 呀？"