落街打羽毛球慘被活力阿婆扣殺，心情好低落: 40

「眼鏡的出現 ，清晰的畫面
不帶一秒，你馬上絆到了
啊!! 眼鏡多可愛，為你擋下插眼的意外，讓你參與遊戲和比賽
請尊重所有眼鏡」


「拍拍拍拍拍拍拍拍 拍拍拍拍拍拍拍拍 拍拍拍拍拍拍拍拍 拍拍拍拍拍拍拍拍 」
我一講完，全場拍爛手掌

主持人拎起支咪 :




「各位!果然係好詩呀!係咪呀?!!新郎哥當日就係用呢首詩娶得美人歸!」

佢繼續講
「今日我真係好開心，大家知唔知呀??我以前帶住佢比賽，睇住佢成長，睇住佢進步，估唔到我今日有得見證呢個細路仔結婚，我真係好開心，話說我自己當年打學界呢，成日輸，但我無放.......................



「離題呀喂!!!!交換戒指未呀!」
嘉賓席上，一個姊妹大叫





呢條女..
係我唸詩既時候已經睄到佢係咁偷偷地撩自己個鼻


「四眼妹..結左婚之後唔好唔記得我地女子排球隊呀!」
一個喊晒口既姊妹都大叫


「我地講好左架!!邊個結婚先就請晒全隊打保齡架!起碼一年打一次啦!!」
撩完鼻果個姊妹指住四眼妹，我隱約見到佢指尖痴左粒小鼻屎






主持人 :「各位各位!今日其實唔係交換結婚戒指架....」




呢個時候，我無再理佢地講咩



我打開一個深藍色既眼鏡盒，為四眼妹戴上結婚眼鏡