落街打羽毛球慘被活力阿婆扣殺，心情好低落: 39

攬左陣
阿婆輕輕力推開我

「正一痴線佬黎，你今年最少同我求左五十次婚，道左四十次歉」
佢一路講一路笑得好甜

「不過你都痴唔晒，識得係做手術前一日打返場波」
佢補充

求婚?!




我望一望大門上面既書法


「眼鏡的出現 ，清晰的畫面
不帶一秒，你馬上絆到了
啊!! 眼鏡多可愛，為你擋下插眼的意外，讓你參與遊戲和比賽 」

係海旁既行人路上
我跪左係四眼妹面前，將個盒慢慢打開
「嫁比我吖」





四眼妹望住我個盒笑左一笑
「首詩你作架?」

「係」

「唔得喎!」四眼妹拒絕

咁都唔得?!仲諗住實食無痴牙
但我無起身，繼續跪






「你以前打爆左我眼鏡，我要你係首詩度加返句野補返數!」
四眼妹面帶微笑


加一句野補返數呀?點加好呢..