落街打羽毛球慘被活力阿婆扣殺，心情好低落: 41

「四眼妹，我同呢副眼鏡都會保護你成世」


「做咩咁快幫我戴唧..我未除隱形眼鏡呀」
阿婆即刻坐低除左副結婚眼鏡，放左係台面，再除兩眼既隱形眼鏡


「幫我戴啦而家」
阿婆咪起雙眼，伸前左個頭





我坐左係佢身邊，拎起眼鏡幫佢戴多次

阿婆 :「帶隱形眼鏡好煩，度數又配得唔好，唔係驚要打波我都唔戴
仲有而家d電子眼鏡，d鏡片識自動較光果d都唔岩我戴架，都係你買既眼鏡最舒服」


我問佢 :「你地唔打排球打閃避球既?」

阿婆 :「個場無網咪打閃避球囉」





我 :「咁都得..」

阿婆笑一笑
「今日我同你場波呢，有網既話可能我輸左..哈哈」


我指一指我件衫上面既鼻屎印 :「仲笑，你睇下你個金牙好姊妹..」

阿婆 :「唔係你寫單行紙叫我做運動我點會入排球隊識到佢地呀」





我 :「多得我叫你運動，你而家先咁跑得跳得」

阿婆睥一睥我，但佢隱藏唔到個笑容
「仲有呀，你張單行紙d字刪得好唔乾淨呀，我睇到你成張紙寫咩架」

我 :「但係你都無黎睇我打波...」


阿婆 :「係無..不過你book場果日見到個傻傻地既男子漢」


此時，佢伸手緊緊咁捉實左我隻手







兩隻手開始傾起上黎

「話說當日，羽毛冰火佬大戰天才黑人
兩人鬥左幾十個回合，功力不相伯仲
唔到最後一注香都分唔到勝負

結果最後一注香既時候就比黑人贏左個馬鼻
但冰火佬都雖敗猶榮，大家唔好忘記佢隻小腿係抽筋架
跟住我拎左支野飲比個黑人，再拎出個銀包，跟住就唔記得左..」

我隻手講到呢度就唔記得左