人來人往,你為甚麼要回來找我...: 18

  「喂，記唔記得你約左我一陣九點架？」
  那明明就是周子若約的。
  「記得，但係而家先七點幾。」
  「哈哈，咁而家比我叫醒咪幾好囉，係咪？」
  「唔好咁啦……」
  還有點暈眩。
  「起身啊───」
  「係喇係喇起喇起喇。」我坐起來：「呵啊───」
  「即刻同我起身！」
  「癡……究竟今朝你幾點起身架？」我問。




  「呃，都唔係早你好多啫……七點囉。」
  「好喇我一陣出門口再打比你啦。」我爬下床。
  「你真係起左身先好啊。」
  「得喇，真係起左。」
  「咁好啦，一陣見。」
  我捂住自己的額頭，昨晚睡得太差了。
  滿腦子都是周子若……
  「我地唔可以係埋一齊。」
  怎麼會。
  「咦，咁早起身既？」母親瞥見我：「今朝有地方去呀？」




  「係啊，要去圖書館。」
  「嘩去圖書館呀？」
  「要去還書啫。」
  「都好丫。」
  又有甚麼好與不好的？
 
  乘著輕鐵到了市中心。
  剛下車就看見張卓蓉。
  「咁早既？」她走過來。
  「早左少少。」




  看看時鐘，我已經比約定的時間早了一點到這裡，張卓蓉比我還要早。
  「食左野未？」她走上樓梯：「不如去食M記囉。」
  「哦，好啊。」
  昨天周子若跟她說了些甚麼？
  我倆在麥記裡坐下。
  「食咩呀？幫你買埋丫。」她站起來。
  「求其幫我揀個通粉啦，熱啡。」我給她兩張鈔票。
  「係既。」她走到櫃檯那邊。
  我真的想不明白……
  她倆之間有甚麼秘密是我不能知道的？
  還有為甚麼周子若會拒絕我。
  「有得食喇。」她放下餐盤：「呀係喎，你要熱啡喎。」
  「我記錯左熱奶茶添。」
  「是但啦。」
  「唔好意思啊。」她傻笑一下。




  我把碗蓋打開：「有件事我想問你。」
  「你講尋日我同周子若講既野？」
  「你知就好。」
  熱氣慢慢往上騰。
  「我……呢個唔講得。」
  「點解唔講得？係咪關我事既？」
  「唔得啊，我應承左佢唔可以講架。」
  「講。」
  「真係唔得呢……」
  「點解佢唔可以比我知？」
  「唔好咁啦。」
  「點解……」
  「你冷靜啲先啦。」
  張卓蓉將我右手緊握著的塑料刀拔出來。
  「佢唔比你知係有佢既原因架。」




  甚麼原因？她喜歡上別人了嗎？
  「食左野先啦……」
  總覺得那通電話的對話內容是關鍵。
  張卓蓉雙手伸向我的臉……
  「唔準唔開心啊───」
  她捏著我的臉頰往兩邊拉。
  「頂。」
  「唔準頂啊───」
  我攘開她冰冷的手。
  唔……不應該將自己的不忿發洩在這女孩身上。
  「食野啦。」我說。
  吃完早餐後走到圖書館把書還了。
  君比這種文字始終不太對我的胃口。
  倒是很適合這傻丫頭吧。
  「喂，你有無睇過呢本呀？」她從書櫃中取出另一本君比的書。




  「無啊。」
  「我想睇啊。」她搖搖我的手肘。
  「咁咪借囉。」
  「你唔借呀？」
  愛在三度空間？我取出這本書。
  「咦？江澄？」她問。
  我看了一下書的封面和背面，插畫還不錯。
  「咩人黎架？」她把手中君比的書放回原位，取出了另一本名叫《時光機來的慢郵》的書。
  「你又睇？」
  「睇，總之你睇既書我就睇。」
  我還未讀過呢……說不定裡面的內容不吸引。
  且看一下。
  「今次有無帶圖書證啊？」她掏出粉藍色的錢包。
  「呃，今次……都係無。」
  「大頭蝦。」她用圖書證敲我的頭一下。




  思緒早已亂得一團糟。
  何況一張小小的圖書證？