今日去代課飛左隻麻雀入課室，出左好大件事: 19

一路上，校長都行到拮下拮下
應該係頭先太過激烈，連腳傷都唔理
到底個攝影機鏡頭有幾咁重要，值得校長咁博命
點解佢半天吊都唔理，係都要捉住個鏡頭講落去
呢D係咪就係佢所講既交代...我仲係唔了解
但係，我覺得呢個校長係好校長









打開禮堂大門，全體學生都望住滿身污垢既我同校長
我條褲已經比條水管濺到濕晒，今次實比D學生笑


校長示意我停低，唔洗跟住佢上台
而佢行到就趺就趺咁，一直行上台







轉眼，佢已經拎起左個咪
「各位同學，你地係度返學開唔開心?」


台下既學生聽到咁既問題一時回應唔到
然後，佢地望下身邊既環境，望下同學，望住D老師

雖然都係無回應，但部份學生開始點頭








的確，無可能全部學生都會話開心





校長繼續講
「如果各位同學想繼續返黎呢度讀書，可唔可以將今日既事保守秘密?」



呢個要求到底過唔過份
今日我地遇到既事，唔同人講會唔會好浪費




連我都打算今晚同我既兄弟講..

但係，我見到台下點頭既學生多左



校長再次宣佈
「好!我地一陣準時放學，希望聽日會見到大家精神奕奕咁返黎」











「叮噹!」 「叮噹!」
放學鐘聲響起
我唔知D學生尋日係點放學
但我從窗口望出校外，佢地無異樣，都係等屋企人接，同同學互相道別





突然，校長係課室門外問我
「跟我入一入校長室可以嗎?」