今日去代課飛左隻麻雀入課室，出左好大件事: 18

「保住條命呀校長!」我已經歇斯底里



但佢仲繼續講
「每次我見到D學生，我都諗起當日同你講過既說話」
「我知好過份!」
「我辦學，我想補賞，我想將我對你既內疚還返比D學生」
「我於心有愧」
「我想見到D學生開心返學，開心放學」




「就好似果時我地一齊返學放學咁」



「格!」

「池!」

我意識到隻腳濕晒
條水管爆左!我隻腳已經卡唔住...








只係兩秒既時間，我既恤杉擦過天台既地板
身體逐吋逐吋移出天台範圍



轉眼間，我已經隨住重力跌緊落街




咁趺法一定頭落地先，死硬
我合埋雙眼，唔敢睇..



講真我唔係幾甘心就咁死，但我就係放唔到手
到底係我有義氣，定係我放唔切手，我真係諗唔到..













「呀!」
突然，我比一道唔知咩外力一扯，我成個人反轉左
向下既去勢已經停止，我個人就咁係空中搖擺不定





「吓...吓...好險..」
我定一定神


再望上去









係麻雀!
係麻雀拉住我地飛返上去
佢不停拍翼，我知呢個就係佢既極限
我見到佢飛得好辛苦，仲開始嘔白泡





我唔知點解佢會幫返我地
係我心中，原本細小既麻雀突然變得好大隻







「拍!」 「拍!」
半分鐘既時間，我地由下趺，到回升..
終於返上天台，我同校長都坐低左



校長都鬆開左部攝影機
係呢一刻，我先再次見到佢既表情
佢明顯仲係兩眼通紅
但睇黎，佢要講既野都講晒








隻麻雀都企返係天台邊緣回氣
我知佢一定體力透支，唔抖返陣都飛唔走



校長望左隻麻雀一眼
再望向我:「我地返禮堂」