今日去代課飛左隻麻雀入課室，出左好大件事: 20

係校長室之中，我同佢都坐低左
今次坐凳



校長拎起左杯茶
「如果學校仲可以繼續運作，你聽日會唔會返黎代課呀?」







「會!」




我竟然諗都唔洗諗就答到



不過，我仲存有好多疑問




「校長，你可唔可以話我知今日發生既事...」



校長放低杯茶，係杉袋拎左張紙出黎，再係櫃桶拎出一本英文雜誌




本英文雜誌係科學雜誌，封面係一位女仕




而張紙..係一幅蠟筆畫，係我今日睇果本漫畫小冊子既畫風
畫既正係果個小男孩同小女孩




我似乎有頭緒，小女孩同果個科學雜誌女仕一定係同一個人
突然，我唔想再追問校長關於果位女仕既野
我覺得果位女仕既心腸其實唔壞，只可以話佢頑皮
起碼，今日無任何一個學生受傷



不過，我醒起今日本漫畫係有兩格黑色
「到底..今日本漫畫黑色果兩格係咩回事」我再次發問







然後，校長從櫃桶拎出一盒好舊既蠟筆
係白紙上畫返果兩格
我望住佢眼都唔斬，好專心咁一路畫，一路畫....
直到最後一筆