今日去代課飛左隻麻雀入課室，出左好大件事: 17

我咩都唔理，發揮埋潛能一野衝過去
我一定會捉得住你架!校長!


我兩隻手伸到最盡，一捉捉住校長對腳
佢成個凌空吊住左係學校外牆，對手仲係緊握住部攝影機
同時我成個人躂到爬左係地


呀!!隻麻雀開始拉，加埋攝影機既重量




我成個人比佢拉緊向前呀!




「砰!」
突然，我感覺到對腳卡住D野








係水管!係天台既水管!應該可以頂一陣!




「校長!你點呀!」我問吊係半空既校長情況







佢無回應，我見到佢張個攝影機鏡頭擰向自己
就連我捉住佢隻痛腳佢佢都好似若無其事咁




「你好嗎?」
校長終於開口



「你既工作順利嗎?」
「咁多年黎，我個心一直都唔好過」

角度問題我睇唔到佢既表情，但我好似聽到佢已經流緊眼淚




好似隱約有一滴水聲滴左落個鏡度度




「格!」
頂!!條水管開始變形喇!!!彎緊呀!!
隻麻雀仲係度扯，再咁落去承受唔到我地既重量架!

「無時間喇校長!!」我大叫提醒佢



但..






佢完全無理過我

「我當日唔應該咁講，我唔應該衝口而出!」

「我應該查字典!」

「我應該問老師!」

「我唔應該辦學!」

「我對唔住一班好好既學生，好好既老師，工友!」

「佢地係無辜架!可唔可以放過佢地呀」







「拍!」「拍!」「拍!」「拍!」「拍!」「拍!」「拍!」「拍!」「拍!」
突然，樓下傳黎好多拍翼聲
D麻雀飛走緊呀!走緊喇!!
原來，群麻雀既數量足以令到地下出現半個籃球場咁大既陰影



「格!」
條水管又變形喇!好快就頂唔住架喇!



「遲下再打比佢啦校長!死架喇!」








我今日第二次面對死亡
但心情卻比第一次沉重，而且更複雜