今日去代課飛左隻麻雀入課室，出左好大件事: 16

點會有隻咁既麻雀，佢係點揹起一部咁重既攝影機

「捉住佢!」校長即刻命令我




隻麻雀好似識聽中文咁，一聽到有人想捉佢就飛左出窗，向住天台方向逃走
原來成個窗口已經一早比D麻雀鏗到咁大部機都入到禮堂






但校長隻腳仲有D傷，一定跟唔到我速度
唯有我上先，捉到隻麻雀先算
佢掛住咁大部機，就算佢有腹肌都唔會咁快走得甩!


我一直跑，拔足跑上天台
而校長都唔理腳傷，忍痛急步吊住我尾，仲跑得好辛苦咁
「一定要捉住佢呀!..吓..」







「砰」
一推開天台門，見到隻麻雀企左係天台邊緣回緊氣




「你走唔甩架喇!」我作出準備起跑既姿態
同時校長都趕到天台






「等一陣呀!!唔好走!!」校長指住隻麻雀大叫


隻麻雀聽到之後開始拍翼，我一個箭步衝上去
佢揹住部機雖然笨重，但仲係有D速度
我用盡全力飛撲埋去


呀!!今次捉到佢隻腳喇!



唔得!!隻麻雀咁大力既!!我比佢慢慢扯向前呀!




再扯我會趺埋落街，但唔可以放手!!校長救過我!
隻麻雀一定對佢好重要!!
呀!但係，佢隻腳好跣，點解佢隻腳可以咁滑既!!



屌!佢隻腳打左蠟!



我...我就黎捉佢唔住喇!!

「頂住呀!」校長係後邊衝緊上黎






唔得，我捉唔實呀!!
我親眼望住佢隻腳係我掌心溜走...
激氣!!!



「呀!!!」



電光火石之間，校長飛身撲出
佢完全唔理自己傷左!
但佢更加唔理佢一飛就會飛埋出街!







佢一撲!撲到!!
比佢撲到部高清攝影機
但同時佢個人已經飛左出天台



今日我欠佢一條命，我今次一定要救到佢呀!