我叫求東。: 第四章 開心既生活

自此之後，我地就認識左奇雲一班兄弟。原來佢地都一樣搵唔到地方聚集，所以決定順道幫我地一把，睇下有冇著落。

不過相反奇雲班兄弟就好好多，只係霸左堆鋼根，自成一角，生火飲酒，從來都唔會趕細路仔走，所以自不然，大家都好尊敬奇雲班人。而我地三個都順理成章咁跟著奇雲一齊玩，每日放學最期待就係一齊去大公吹下水，玩下啤牌。

奇雲身邊有五個兄弟，個個都有唔同特質。我地最鍾意就係"雞翼"呢個開心果，佢最叻就係講故仔同製造笑料。而其他人都一樣對我地好好，成日都會請我地飲可樂。

而我班既學生好快就知道我地跟著奇雲班人玩，當然好敬畏我地，直到我地上到六年班都冇一個人敢恰我地。

我地每日都過住快樂既日子，唔經唔覺，就到左暑假，奇雲班人就黎要出去香港讀中學。我地送別既時候只係識係咁喊，奇雲都有啲眼紅。





佢臨走前同我地講佢地會去長盛中學讀書，等我地大個去果度可以搵到佢。

最後大公又得返我地三個。柏飛班人都冇再黎大公，睇怕都應該出左去城市。

到最後，我冇選擇到去長盛中學讀，我選擇左德才中學。