學堂沒有教我的東西: 學堂沒有教我的東西 25 逃脫

學堂沒有教我的東西   25   逃脫  係五秒內， 我利用地型，視線，心理，對方習慣，再加上我既武術修為。 將兩個訓練有素， 設備精良，被譽為反恐部隊既專業人員放倒。照理， 我應該都沾沾自喜。 可惜， 接住落黎， 先係最危險既， 容許我解說一下現在既情況， 第一個比我爆開左出房門既人， 係即時， 已經比同伴拉開左。 由房內望出去， 只係見到燈火通明既大廳，一個人都見吾到， 明顯地， 對方已經係門邊既牆度*take cover。 而係房內， 被我重擊肋骨既第二個人， 己經暈倒係一角。 而佢， 就係我既生存希望！ 我快速地係佢身上， 將所有對我有利既用品，囊括一空。 之後， 我將佢手上既MP5-A自動步槍， 向住廳既無人位置亂掃。 之後， 我就已經轉身跳出窗外。 係呢度， 我再次設下心理陷阱， 用槍聲黎到令對方以為我想打持久戰， 當對方一有呢個諗法， 我就已經跳出窗外， 果然， 安全著地後， 我發足狂奔， 直至拋開20米後先有人追上。 我借著周圍環境既掩護下， 離開左大約一公里既距離。到確定無人跟上黎後，我反而扒低反向而行， 向住蕭明既屋從新邁進。 最後， 我係距離蕭明屋企200米外既一個山坡上停低， 呢個距離， 容許我觀察到對方人數， 集結方向， 同埋亦便於撤退。 雖然離我逃出佢地既包圍網已經1個小時， 但係對方並未完全放鬆。而我亦按兵不動甘係原地守候。 2小時後， 佢地終於都收兵， 而我， 基於安全理由， 決定逗留多半個鐘。 當完全確定一個人都無既時候， 我先由原本既留守位置， 一路向外爬， 直至一公里後，我先搵一處比較隱蔽既地方， 靜靜甘訓一覺。 兩個鐘頭後， 我憑住夜色既掩護， 係一處辟靜既村屋度， 換過屋主“借“黎既衫褲。就跳上左出旺角既小巴。 係小巴上， 我將呢幾日黎既事, 組織左一次， 但係都搵吾到任何關於蕭明會出賣我既原因。 我嘗試打蕭明既電話， “你所打既電話暫時停止服務....." 連蕭明都聯絡吾上， 屋企又吾番得，我開始有，天大地大，無處容身既感覺。 出到旺角已經將近五點， 最後， 我決定動用一個，我諗住呢一世都吾會用既人脈。 而呢個， 亦係我一生中， 其中一個最錯既決定....  *take cover --- 尋找掩護物