學堂沒有教我的東西: 學堂沒有教我的東西 26 女人

學堂沒有教我的東西  26   女人  係旺角去尖沙咀既途中， 我曾經多次諗過放棄搵呢個人。 可惜， 我實在無得揀。 最後， 的士停低係尖沙咀其中一間最大既D 場門口。 門口既人一眼見到我， 已經打招呼， “華哥， 甘耐無見， 接人收工呀?“ “....呀....你係..“  面對佢既提問， 我支吾以對。 “飛機呀， 上年angela生日仲一齊食飯呢?“ “哦， ....係“ 講真， 我真係無印像。 “頭先仲見angela 出黎打電話， 好醉喎佢今晚....你自己入去搵佢啦“ 飛機一輪咀甘講。 “...好...吾該..." 我報以一個“醒目“ 既眼神比佢， 就行左入去。 5點既d場，已經得番好少人， 留得係度既， 同死屍無咩分別, 一係醉左， 一係無下場， 想盡最後努力， 執番一件走。 我統稱呢d為“*禿鷹男“。 繞過幾個禿鷹男後， 一個女仔突然撞入我懷中， “ang...." 我正錯齶之際，定眼一看， 先知佢就係我要搵既人， angela。 “帶我走..." Angela 以半醉半醒既口吻同我講。 跟住， 就已經醉倒係我懷中。 我單手抱住佢， 抬頭一望， 2個禿鷹男一同我目光接觸， 就已經縮左一下。 “我係佢男友， 我黎接佢放工！“ 我更加比多兩錢力， 大一大佢兩個。 果然， 倆人見我一講， 即刻無哂聲， 我半扶半抱， 出到門口。 飛機已經拎左angela架車， 我扶佢係乘客位坐好，  當安全帶經過佢心口個一刻， 就算我定力幾好， 都忍吾住停留左一秒。 angela 今日著左件黑色緊身吊帶背心, 將佢原本已經堅挺既雙峰, 再升一cup. 曾經， 每晚都係我掌握之內既34 C， 而家， 竟然要靠條安全帶先可以一親芳澤，除左天意弄人， 我都吾知講乜。 揸住angela架SLK, 全車既佈局， 同以前一樣， 並無一星半點男性既味道，車內既香味, 仲係我最愛既CK ONE, 吾通佢仲放吾低我? 定係我諗多左? 由尖沙咀番到angela位於西貢既屋企， 呢一段路上，籍著香味既剌激, 回憶不斷甘閃過， 由我倆點樣相遇， 同居， 我教佢揸車， 同佢係床上既纏綿， 每個生活既點滴， 都好似崩塌既大樓一樣甘壓住我，  令到我既呼吸都開始困難， 我知道， 係我對佢既愧疚令我透吾到氣, 我刻意放慢車速, 隨手按下開蓬制, 將SLK既硬頂打開, 曾經, 我倆會係彌敦道紅綠燈前, 打開硬頂熱吻,  可惜, 熱吻, 同硬頂一樣, 隨住時間, 已經變得生硬. 再次踏入佢屋企, 曾經既主人, 變成今日既訪客, 個種滋味, 並吾好受,  正當我想放低佢係床, 番出去之際, 佢傳出一聲"嘻",  我都未黎得切反應, 佢已經嘔到我成身都係! 結果, 我做左一件好多男人, 夢寐以求既事.  我將angela既衫除低, 而就係我除衫既時候竟然比我發現...........    *禿鷹男 --- 禿鷹, 專門食用腐屍的動物.