學堂沒有教我的東西: 學堂沒有教我的東西 24 大衛與歌利亞

學堂沒有教我的東西   24   大衛與歌利亞   就係呢兩秒， 令我夠時間係對方爆門入黎前，企係一個有利既位置。 而第一個入黎既人， 基於訓練關係， 定必係破門後直衝12點位置。 由於過份倚賴手頭資訊， 佢一衝過房門跟住就已經踢到我安排既茶几， 跟住仆低。 就甘聽，一個訓練有素， 裝備精良既專業人員，竟然比張茶几難倒? 事實上，係呢度， 我特意安排一個矮過膝頭既茶几， 係因為當舉槍戒備時，槍身，係會遮檔左你腰以下既視線， 除非你垂低槍， 否則， 你係無可能睇到張茶几， 而我，就係用利左對方呢個習慣。 甘， 一定會有人問，如果佢垂低槍，望左先入黎呢? 所以， 之前既舖排， 就係為左呢一刻， 就係要佢被動，一被動就心急，一心急就出錯。 當佢仆低個刻，第二個人已經入左黎，反射性甘轉向門旁既另一個死角。 基於CQB團體慣性， 第二人必需信賴第一人有能力處理入房後12點鐘既危險，所以， 佢亦必需立刻對付另一個方向既危險。 而我就已經撞埋去第一個人度，利用我本身180磅既體重，加上衝力， 夾硬將佢成個人撞番出門口， 令到門外既人入吾到黎。 呢一刻，我既前方45度， 就係第二個入房既人， 而我， 就企係佢既盲點位。 正當佢想擰轉身之際， 我已經一個箭步，向住佢左後方肋骨位作出致命一擊，   ******************************************  “中國武術同西方武術最大分別， 就係有勁同力既分別。 力， 或叫拙力，死力，一般解釋為局部肌肉收縮力。即係你右手打人， 你會收縮臂，膊，腰既肌肉去增加打擊力。 而勁，或叫整勁，骨勁，一般解釋為將自身重量轉嫁比對方既方法。 比較全面既解釋為以骨為支撑，筋膜為作用的複合力。 原理就好似傘骨，同傘面，兩樣都係十分輕既物料， 經排列後可以抵擋風速一樣。 當你能夠搵到身體骨架既排列方法，你就能夠將重量傳送出去，甘你打出既每一下, 最少都有你自己既重量.  仲要係無擺動身體, 無加速既情況下, 所產生既最少威力.  而呢樣, 先係武術高手最恐怖既地方.  而現在, 我就用相同既方法, 先解決第一人, 再向第二個人既肋骨下手,  "哼"  對方只係黎得切悶哼左一聲, 就已經軟倒地上.   可以肯定, 第8至10節既肋骨可經碎左, 只要吾郁, 係無生命危險既.