學堂沒有教我的東西: 學堂沒有教我的東西  19 高手

學堂沒有教我的東西  19   高手  “放低手上塊牌“ 廟祝既聲係我身後嚮起。 我暗暗叫左聲“shit“。慢慢另轉身， 一邊計算著我同佢既距離。另一邊， 我一路用手摸住塊牌， 希望憑感覺摸到有咩吾同。 轉身後我發現， 廟祝企係走廊外， 距離我10幾米， 呢個距離， 足夠我助跑，加速，再跳出我身後面既窗外。 而我係轉身既時候， 已經憑雙手既觸覺， 話比我知塊牌係空心既， 所以我絕對相信， 呢塊牌入面既野， 有99% 係同我細路有關。仲要個廟祝好叫吾叫， 係我拎住塊牌既時候先出聲，好明顯係睇我反應。 但係可惜， 當我發現佢一路行埋黎既時候， 比我留意到一樣野，令我既如意算盤完全落空。就係當佢每一步踏係舖滿香爐灰既地面時， 我竟然睇吾到佢既鞋印!  就甘聽起上黎, 你可能覺得無咩野, 但對於係武術上浸淫超過十年既我, 就絕對係一種震撼!  ******************************************************************************* "眼要毒, 手要奸, 腳踏中門往裹翻" 師傅又好似平時一樣係我練習既時候講拳訣比我聽. "眼毒, 吾係狠毒, 現代人不求甚解, 以為係眼神狠毒, 眼神, 又點會狠毒呢, 呢一句係指觀察敏銳, 一眼見到問題所在. 而手奸, 即係巧, 有竊取之意, 取攻其不備. " 師傅一路講, 我就一路半桶水甘聽. "兩人交手, 最緊要係摸清對手, 係外型上, 陀背, 腳短, 過瘦或者過肥, 都要特別小心, 對方所學定必異於常人, 行為上, 過份緩慢既又要比快速既更加小心".  "甘小說講踏雪無痕過d, 又係咪真呢?" 我將我細細個係小說見到既人物描述向師傅求證. "如果你真係見到, 吾好打,即走!" 師傅好直接甘話. "下? 打都吾打就走?" 年少既我對於呢個答案十分不滿.  "無得打" 師傅繼續好直接甘話. "吾打過點知?" 我繼續窮追不捨.  "呢d人, 你可能一世都吾會見到, 佢地係武學上既追求, 已經去到一個難以置信既地步, 你同佢地打, 就好似踩單車既你見到人撘飛機一樣, 根本吾係同一個層次." 師傅語重心長甘同我講. "甘點算?" 我問. "立即走, 如果你仲走到既話." 師傅到最後先將個重點講出黎. ****************************************************************************** 用現代d既方法講, 見到呢d高手, 就好似係籃球場上見到michael jordan 一樣, 你, 係吾會有想"扭過佢" 呢d甘愚蠢既諗法, 因為, 係球場上面, michael jordan=神, 呢條方程式, 係公認既. 所以, 當一見到廟祝行埋黎既，我仲對住佢一笑，問：“咩事呀?“  正當佢鬆懈落黎，想講野之際， 我轉身就向住窗口彈射，諗住打一個突擊。 明明聽到身後嚮起“咦“一聲， 但當望向窗口時， 已經見到廟祝擋住係窗口前，而我仲要係衝緊埋去。我內心既驚訝， 真係吾識點形容。 危急之際， 唯有用力係牆邊一蹬，監硬改變少少角度， 希望撞埋去既時候無甘應。 而同時，我亦輕微捲曲身體， 為對方既攻擊做準備。 預期既碰撞並無發生，同佢接觸既一剎那，只係見廟祝隻手輕輕一揮， 就完全化解左我既去勢。 感覺上好似撞左埋彈床甘， 而我就絲毫無損甘企番係度，而佢既另一隻手， 已經接按左係我心口上。 根據牛頓定律， 我既重量加埋我既飛撲， 起碼有200磅既衝力，而佢只係用單手， 就卸哂度力不特止， 重無一d餘力反震落我度，可想而知， 佢對力量既掌控去到一種幾甘恐佈既程度.