學堂沒有教我的東西: 學堂沒有教我的東西 20 法力不敵業力 業力不敵願力

學堂沒有教我的東西   20  法力不敵業力  業力不敵願力   "反應吾錯, 你識陳國華?" 廟祝用佢個對白內障既眼盯住我, 感覺上, 就好似有把刀指住我一樣."你識我細路?" 我無諗過廟祝會識我細路. "你手上揸住塊牌, 係我孫女既...." 廟祝眼神明顯一轉, 刀一樣既感覺立刻無左。 “前輩， 甘....“ 一聽佢語氣一轉， 我已經知道大家再無打落去既必要， 我望一望我心口隻手， 示意佢手下留情。 “哦..." 廟祝哦左一聲， 就係佢隻手掌離開我心口時，佢化掌為指，係我心口一點。 “你....." 我發現時已經太遲， 中招後先識反應， 急忙向後彈開。 “呢下係懲戒你， 擅自拎走我孫女既神主牌。“廟祝神色自如甘答。 我深吸一口氣， 發覺心口火燒一樣， 我知道心口既穴位比佢封住左。 “3日內，你吾能夠同人郁手， 吾則後果自負。“ 廟祝好似講緊一樣完全吾關佢事既野甘。 我心入面已經問候左佢n次， 但都雙手抱拳，講聲“多謝前輩手下留情“。 同一時間， 係雙手一拍時， 已經係神主牌既底度，抽走左一塊木3吋x3吋既木板。 "我細路岩岩過左身“ 我一邊將手上既牌放回原位， 一邊講。 “佢果然過吾到呢一劫“ 廟祝一邊擰頭一邊講。 “佢黎搵過你?“ 以我細路既性格， 無必要既人佢係吾會見。 “上星期係阿敏既死忌。“ 廟祝眼尾望向擺放牌位既一角。 “每年阿敏死忌， 佢都會帶阿敏最鍾意既花黎。“ 廟祝一邊扶正檯上既牌位一邊講。 “我同佢講過， 話佢今年犯太歲，佢本身廉貞坐命， 太過急功近利，必定不得善終。臨走前我比左塊佛牌佢， 可惜佢業力太重，幫佢吾到。“ 廟祝一臉唏噓。 我聽到佢甘講， 知道佢都係為我我細路， 立刻由少少敵意變為善意。 “*業力? 真係有咩?“ 隱約中我好似係邊度聽過呢個詞語。 “每個人生在世， 點解有人平步青雲， 點解有人餓死街頭，都係前世既業力決定, 亦即係好多人所講既前世因今世果。而業力, 係會隨住你既所作所為而改變。好多人求神問卜, 點樣趨吉避凶, 係吾改變業力既情況下係無可能既。" 廟祝係神檯前坐底, 一邊點煙一邊話。 "而你, 同你細路一樣, 都係業力重既人, 所謂物以類聚, 人以群分。你同你細路前世都係狗咬狗骨既人, 所以個天先會安排你地今世做兄弟, 其實, 係無形中比機會你地互相化解相方既業力。"  我不禁回想起我同細路既童年, 果然係事事頂撞, 聚少離多。 "你亦吾使太過自責, 佢既死, 可以話係天意。大家生前甘多世既業, 吾係一兩世人可以解得開, 只係我都吾忍心睇住佢甘早死, 少少果報都積吾到。而家仲連累埋你....." 廟祝一邊嘆息一邊講。 "連累埋我?" 我心一沉。 "佢前世既因, 注定佢今世既死。佢既死又變成你今世自責既因, 所以你倆兄弟註定糾纏不清。" 廟祝就好似一個旁觀者甘, 講出我同我細路既關係。 "甘你孫女...." 我忽然諗, 甘細路同佢女友又係咩因果呢。 "佢都係業力重既人, 佢同你細路一齊, 都係互相影響。"廟祝一邊講, 一邊用力呼出一啖白煙。 塔香既煙同廟祝既煙係天花融為一體, 然後散去, 就好似兩個吾同因果既人係業力洪流內相遇, 最後, 連一d痕跡都吾會留低。 時間一路過去, 廟祝講完個一句之後無再講野, 而我, 亦沉思緊我同我身邊其他人既關係。 直至多廟祝將一樣野拎出黎， 放係檯， 我先回一回神， 見到係一塊佛牌。 “呢塊牌， 希望可以幫到你“ 廟祝話。 “前輩....甘客氣“ 我無諗過佢會幫我。 “我都係想積德啫， 我無幫過你“ 廟祝似睇穿我所想。 “甘....多謝“ 我見佢講到甘， 吾收都吾得。 “記著，塊牌只係一個媒介，會放大你既因果， 所以如果你無行善既心，戴住佢一樣無用。“ "知道“ 我將佛牌拎係手， 一仲種異樣既感覺傳入我腦入面， 有d暈。 “呢種感覺， 係法力既加持， 戴左佢你吾會順風順水， 但會慢慢遠離惡運。但係記住一句， 法力不敵業力， 業力不敵願力。 時常有發善願既心， 先有可能改變命運。“ 廟祝一番語重心長甘講。 拜別廟祝，我輕摸身上既褲袋， 一塊木板狀既野提醒我， 係時候搵出真相。