學堂沒有教我的東西: 學堂沒有教我的東西 18 廟祝

學堂沒有教我的東西   18  廟祝   “地藏菩薩的原意是指「安忍不動猶如大地，靜慮深密猶如秘藏」，即是如同大地一樣含藏着無數善根種子，所以稱為地藏。中國民間道教傳說中，把地藏王菩薩稱為酆都大帝或幽冥教主，是地府中的菩薩之餘，更統帥所有的陰府閻王爺。根據《地藏菩薩本愿經》的說法，地藏王受釋迦佛的指示，在釋迦寂滅而未來佛彌勒還未來世之前，在這段「無佛的世界」中，地藏王要擔當起教化天下的責任，地藏王受此重任，故許下「地獄不空、誓不成佛」。眾生只要唸地藏王菩薩之名，就可以接受救濟，生前罪孽深重的人，當接受冥府（地獄）閻王的裁判時，也可以得到他的救渡。“ 望住介紹地藏王既木板， 我黎到香港其中一間係秀茂坪既地藏王廟。 古舊既建築，加上吾係太多既香火， 連爐灰都成地係，可見呢間廟，吾係有心人都吾會黎。“哥仔， 求神定還神“ 身後面一把蒼老既聲嚮起。 另轉面， 入眼既係一個70歲陀背既阿伯，一身廟祝既打扮， 一雙白內障既眼， 應該係長期煙薰造成 。 “我黎搵人。“ 憑住我同我細路簡短既對話， 我黎到呢間廟度碰下運氣 。 “ 生定死？“ 出乎意料之外， 廟祝無對我既答案表現出驚訝。 反而仲問我野。 好明顯， 呢度吾係一間廟甘簡單。 “死。“ 我答。 “有牌位定無牌位?“ 廟祝對呢一類既問題已經有一套應對既方式。 “有", 以我細路既做事方式， 應該好重視佢女朋友。 “係後面自己搵“, 廟祝手指後面， 我沿走廊行入去，見到另一個偏廳。 忍住對廟祝既好奇， 我入到偏廳， 見到檯面上一個個既牌位， 我知道，呢度係一個為數不多既私人骨灰庵。 天花板上吊住不同大細既籠香， 而係廳既中間， 有一張木檯， 檯上面妁有30個牌位。牌位旁有兩個花樽， 插滿左已經枯左既花。 我將手上買黎既花放係花樽內， 注滿青水， 一路做動作既同時， 我亦留意神主牌上既字。 望住一塊塊既牌位， 剔除左男性， 老人家，淨低既得番3個名係女性，而又差吾多20歲甘上下年紀既。 我嘗試諗番起係我細路同我講過關於佢女友既說話， 可惜太耐， 一d印像都無。 我望住3塊吾同既神主牌， 嘗試搵出佢地既吾同。由大細，新舊，顏色，都比較過， 可惜， 都係無吾同。 就係甘， 我呆係偏廳接近20分鐘， 但都一無所獲， 直到我想放棄之際，竟然比我發現，其中一塊牌上面寫住：生於一九八三年.... 個"三"字中間個橫...係新加上去既！ 即係話， 個牌應該係寫住一九八二年，中間個一橫， 細心睇會發覺，無論筆順， 力度， 都係吾同既。 對於呢個發現， 我個心狂跳左一下。 牌位入面既女仔， 會吾會係阿華個女朋友呢? 如果係， 又會吾會同佢既死有關呢。 當我伸手拎起塊神主牌想仔細睇下既時候， 身後嚮起廟祝既聲。