學堂沒有教我的東西: 學堂沒有教我的東西 17 圈套

學堂沒有教我的東西 17    圈套

   

“站樁既目的， 係要你放下。“

師傳一路調整我既姿勢， 一路講。 

放低咩呢? 我都無拎野？“





年輕既我只係覺得企係度吾郁好無聊。 

放低你自己," 師傅當時講左呢個玄之又玄既答案比我.  

"點解學功夫要放低自己?"

好明顯當時十幾歲既我完全吾明"放低"既意思. 

"吾係淨係學功夫, 你第時大個, 出去做野你就會明, 好多人因為放吾低, 所以先甘痛苦. 只有放得低, 你先拎得起",





師傅嘗試用佢既人生經驗去分析比我聽.  

係武術上, 越學得多, 越發現做人既道理.

中國武術既思維, 由第一日, 第一個動作, 就改變你.  

呢個道理, 上左年紀既人, 一定會明, 而我, 用十年時間,

係武術上, 我做到, 人生上, 始終有太多既放吾低.  





*************************************************************************************************************************

我完全無係醫院行出黎既片段, 再有意識既時候, 我已經係車入面,

漫無目的甘揸住架車。 “呠...." 係燈位前， 終於有架車呠我，

將我由失神狀態拉番埋黎。 我下意識望一望後鏡，

一種奇怪既感覺閃過， 後面係一架07年款既civic。  

直至到第三個路口， 我開始知道，個種感覺更為明顯，

我既經驗話比我聽， 我已經被跟蹤。 

一種厭惡既感覺， 充斥住我腦海，





對黎sir既憎恨， 更加去到無以復加既地步。 

跟蹤， 係情報收集入面佔左個好大既部份， 但絕對吾係全部。

就正如一套日本卡通話， 收集情報只係出色既忍者一個最基本元素，

可惜，係香港， 係大英帝國管治超過100年底下，

最頂尖既情報技術並無因為殖民地政府而留下，

留底既， 只係一d土著式既技巧，同埋人海戰術。 

跟蹤，就好似屋企既白蟻， 你吾知既情況下，





你一定心安理得。 一旦發現一隻半隻，

恭喜你， 一窩既白蟻已經係你不知情底下侵佔左你屋企。

 ***你眼見到既，永遠都吾係事實既全部。*** 

我將車速提高到100公里， 刻意甘令對方知道我既不滿。

目的係要測試對方既意圖。 


*****************************************************************************************************************

見招拆招係最蠢既做法“ 師傳一路睇住我練習， 一路將佢既經驗傳比我。 





“每次既動作，都係有目的既。學識逼迫對方，

令對方比反應你，佢一比反應，無論係自願或不自願，

佢都已經跌入你既陷阱裏面，打交係， 做人都係“ 

師傳既說話已經變成我生活既戒條。 

*****************************************************************************************************************

高速公路上， 要分辨咩車跟住你係好難既，

但當你一改變車速，同一時間你都係逼迫緊對方同你做相同既野，

諗住好似頭文字d甘甩開對方， 就陷入左見招拆招既誤區。 





令對方以為你想甩開佢而等對方加速，就係迫佢跌入誤區。

佢加速，就暴露身份， 佢收油， 就跟我吾上。望住後鏡消失左既車群。

令我知道對方既意圖， 可能只係想比個警告我。

起碼初步，

對方吾想嚇親我。只係等我知道我既舉動，係有人注留意既。 

我知道我已經為自己爭取到一d時間。雖然時間吾多。